Body Lotion要有IQ先係王道？！

秋風起乾燥肌膚又開始痕痕癢癢 ><，保住塊面之餘又點可以唔顧個身，Body Lotion絕對唔少得！最近獲邀率先試用NIVEA Intensive Moisture Body Milk 深層潤膚乳液，正好提醒兔比記得要為身體潤潤膚~

糅合豐富天然礦物質同潤膚乳，為乾燥同非常乾燥皮膚提供長效深層滋潤，減少因乾燥而引起肌膚粗糙；蘊含豐富滋潤杏仁油令肌膚平滑柔軟。

最特別係採用革命性Hydra IQ保濕成分，同大家講少少Bio，諾貝爾獎得獎發現我地嘅細胞有種蛋白質叫Aquaporins(輸水管道)，作用係輸送水分子將水份帶俾皮膚細胞，Aquaporins減少細胞水份自然不足。Hydra IQ重整細胞Aquaporins，令肌膚自我保水先可以達到由內而外長效保濕，為肌膚提供24小時深層滋潤。

泵裝似乎無咩驚喜，不過其實設計好貼心，泵頭轉至12點或6點方向先可以泵出，轉3點或9點方向就會lock住。 

白色潤膚乳質地較稀絕唔厚重，好易推開同被吸收，有別普通Body milk一味油膩。

有陣陣香味，形容唔到係咩味，總覺得好熟悉，或者係Nivea面霜嘅氣味吧~

搽完肌膚好柔軟順滑，唔單止係即時滋潤，搽左半日水嫩幼滑感依然，肌膚唔再繃緊粗糙~

400ml不過$49.9，秋冬皮膚成日乾爭爭豪用都絕對唔肉赤！您今日潤左未？