5/28/2012

五月的快樂頌 (≧∇≦)。。。終於遇上合心意的粉紅盒子

連續兩星期開六日工足夠令兔比半死,最近都無點好好休息,之前仲病病地,一直處於怠倦狀態,連追文打文都無時間,明顯出文都少左呢(><) 如有拖文請接納兔比一聲抱歉!

還好5月都有好幾件開心嘅事令兔比提得起勁!

月頭終於睇左Lady Gaga演唱會,門票真係得黎不易,大家都知黃牛有幾厲害,加左幾場訂票都唔成功,好在友人嘅友人訂到,成功瓜分到兩張٩(๑❛ᴗ❛๑)۶ 不得不講左Mother monster實在太Powerful,坐位嘅觀眾幾乎都係全程企住high爆!大跳大叫同揮手兩小時已令人筋疲力盡,超盡興✧(๐ ́꒪̐ꈊ͒꒪̐)ꐳ Just put your paws up!



第二件開心事係早前被Majolica Majorca選中優先試用新系列產品,幸運也好近百人抽5人都中,絕對值得開心吧~ 之前出文率先介紹大家有睇嗎?未睇記得回顧(前文回顧:(妝文)捲入MAJOLICA MAJORCA色彩漩渦。。。仲夏夢幻新品率先曝光!)雖然尚有好多要改善地方但兔比真係用心去做妝片,短短幾分鐘成品,所花心機同時間遠比文字加圖片要多好多倍喔!仲係第一次後期錄音,口齒不清嘅兔比單單錄音已NG無數次,大家俾下意見好嗎?





第三件開心事係最近收到MyLuxBox送黎嘅5月份盒子


有追開文嘅朋友都知兔比已非第一次收到同類型產品,開心係因為哩個盒子的確合心意!早前收到MyLuxBox勁敵出品但兔比興趣不大(醒目嘅大家應該估到邊家吧?),而MyLuxBox個人蠻喜歡,五月份內容包括:
Benefit the POREfessional 反孔精英臉部底霜 7.5ml
La Roche Posay 平衡潔淨卸妝水 15ml
La Roche Posay 每日高效BB乳霜SPF50 PPD 18 3ml
Euoko 高效緊致去紋頸霜 10ml
Skindinavia 定妝噴霧 20ml
Glamour Perfume & Fragrance 香氛 


另附有一張Skindinavia 定妝噴霧 20ml裝換領券


Benefit Pore Professional係一款修飾霜,可用於妝前妝後即時遮蓋粗大毛孔,妝前底霜用令毛孔、黑頭、細紋等即時隱形,重拾細緻幼滑膚質;化妝後使用解決毛孔尷尬用途,輕盈透薄響肌膚表面形成一層清爽透氣保護膜,快速吸收油脂。


質地滑滑容易推開,顏色貼近膚色,哩點比其他同類型產品優勝


即時有填平毛孔功效,雖係掩眼法但絕對係解決粗大毛孔嘅好幫手


La Roche Posay 平衡潔淨卸妝水專為敏感肌膚而設(眼唇都適用),徹底清潔彩妝油脂污垢且不刺激肌膚,成份含有來自法國La Roche Posay溫泉水,溫和配方舒緩敏感肌膚。生理PH值、無皂性、無酒精、色素、Paraben防腐劑,不阻塞毛孔配方

La Roche Posay 每日高效BB乳霜SPF50 PPD 18 專為亞洲敏感肌膚研發BB cream,修飾瑕疵、平衡膚色,締造水潤透亮裸妝,備有最強UVA防護,超越PA+++ 2倍,每日保護肌膚延緩光老化。低敏專利配方並無香料、不阻塞毛孔、不含Paraben防腐劑


平衡潔淨卸妝水同一般用開嘅無咩分別,帶微香


淡妝抹走四五次就乾淨,不過濃妝的話都係建議先用眼唇專用卸妝產品,用後皮膚有點笠,都係過過水好D~

每日高效BB乳霜SPF50 有兩色選擇,手上01色比較粉,另有偏黃嘅02色,質地唔膩唔笠


薄薄一層可均勻同改善膚色,不過對瑕疵修飾作用不太大


Euoko 高效緊致去紋頸霜,蘊含來自火星革新成份鐵玫瑰水晶,針對頸部、肩頭等部位,改善下垂、凹凸不平,皺紋以及脂肪分佈不均等狀況,深入肌膚底層改善問題同時,又不令肌膚創傷


仲以為頸霜質地會好厚,原來佢好幼滑好易推開,不過有點笠呢...


因為無頸紋兔比實在試唔出改唔改善到頸紋,都係留俾兔比媽用好了

Skindinavia 定妝噴霧,完美維持妝容長達16小時,最初源用於電影片場以抵禦炙熱燈光同減少補妝次數,而哩類噴霧就全年適用,可以令皮膚與妝容於夏天遠離潮濕融化,於冬季時防止乾燥,而且適合各種膚質


Made in USA品質一定唔會差


於妝前及妝後使用,以“X”形與“T”形噴射面部2-4次


噴出噴霧夠細唔會一下子將面部噴濕


試左一次半次實在唔敢妄下評語,試耐少少再講~

MyLuxBox合作過嘅品牌不少都係大家都熟識嘅大brand,今個月知名品牌有創意玩味十足嘅Benefit同法國醫學品牌La Roche Posay,配搭比較陌生嘅Euoko及Skindinavia,另外再遇早前認識嘅香水品牌Glamour Perfume & Fragrance(前文回顧:尋找“它香”的故事 (๑❛ᴗ❛๑)),陣容有新嘗試之餘又有一定吸引力,喜愛嘗試新產品嘅朋友值得訂購!

除左Beauty Box,MyLuxBox仲推出Men's Box同Baby & Mum Box,7/6前$260優惠價就可以同時訂購Beauty Box同Men's Box,而Baby & Mum Box加Beauty Box只需$170,有興趣訂購嘅朋友可以趁promotion入手~


最後一定要數尋日同另外兩位blogger友人去水魚家中作客食韓燒,五個人食未免太豐富啦!


哩個水魚主理韓式炒粉絲好好味,話咁快已被大家KO晒(๑´ڡ`๑)


韓燒當然少不了泡菜同韓式燒烤醬,蒜片同醬料一齊夾住烤肉包響生菜入面食,味道濃烈又有爽爽口感,別有滋味呢~


幾個女生真係太多野講,半日聚會時間真係唔夠喉^^

5/23/2012

至Fresh三寶打造夏日清爽零瑕肌

炎炎夏日油脂分泌特別旺盛,加上汗水污垢搞到成面笠黐黐,處理得唔好唔只油光滿面,仲會長出黑頭粉刺同爆發暗瘡꒰⁎×﹏×⁎꒱ 要保持肌膚清爽無瑕,其實無需太複雜,簡單三步就可以啦!

早前獲邀出席法國著名醫學品牌FLOXIA啟動夏日清爽零瑕肌” 博客茶聚,一邊嘆住Munch美食一邊了解夏季護膚之道~

5/21/2012

打造一條真正不溶又卸不掉的持久眼線!(期間限定75折優惠)

上次出席Vytal mei活動認識左德國原創AMIEA持久化妝技術(前文回顧:神奇持久化妝Last到兩年?!(附期間限定優惠)),哩項技術絕對係懶女人嘅偉大發明!早前兔比再到Vytal mei做持久眼線,親身體驗一下感覺如何


其實早早已經約好時間,無奈撞正其他活動同公司training日期一改再改,響度要特別同Vytal mei講聲唔好意思!

接受療程前先要填3份表格,包括個人資料、皮膚及身體狀況咨詢表及同意書,上面列明接受持久化妝後注意事項,美容師都會將重點講一次,有問題都可以即時提出,而為免客人過後會唔記得,美容師會另發一張細細嘅注事事項list俾客人keep


無問題就可以入房準備,今次為兔比操刀嘅美容師係上次做demo嘅Karen,見Karen幫水魚做眼線效果蠻不錯(基本上眼線都係由佢操刀),兔比就十萬個放心! 


之前Karen打黎約時間已了解過兔比想要點嘅眼線效果,個人都係想要自然嘅內眼線效果,因為外眼線自己畫同卸都方便就手,而且畫可以靈活變化~

當然做持久眼線前美容師先為兔比卸乾淨眼妝,先睇素眼(請無視深黑眼圈=.=)


搽上麻煩膏前先搽水份cream,以防麻醉膏滲入眼,而水份cream接觸到眼球都絕無問題,除左少少醃眼無咩大感覺~ 兔比自認怕痛,Karen特別等多10分鐘先開始(合共30分鐘),等麻醉膏起效期間仲特別熄燈俾兔比休息~


抹走麻醉膏就正式落墨畫眼線,全個過程只要合埋眼就可以,由眼頭描畫至眼尾,眼頭可按要求畫入一點,而眼尾就先會用顏料模擬畫上,俾客人睇睇尾個點位置有無需要延長

畫好全條眼線Karen俾兔比睇睇粗幼岩唔岩,一般自然效果只會響睫毛根部加顏色,所以兔比無要求加粗,之後重複加深顏色就可以,期間會用濕左生理鹽水綿花抹走眼水同多餘顏料

完成後敷上濕左生理鹽水綿花10分鐘作舒緩


上篇介紹文好多絲打都話應該好痛,其實唔係!兔比會形容有東東響眼線上面刮刮下,唔係痛但感覺一定會唔舒服,有沙入眼都唔會好受吧~ 下圖為畫好第一次即時拍,其實無點紅腫,只係眼有淚光


唔清楚係顏料或係殘留嘅水份cream總覺得醃眼,而且眼皮熱熱地,眼睜唔得大

要特別一讚Karen嘅巧手!本能反應下兔比眼皮強烈跳動,又流左好多眼水,佢都畫到咁流暢嘅眼線,實在太厲害啦!


當晚同翌日有輕微眼腫,眼皮比平日厚左(似尋晚大喊一場個種),眼有少少澀(特別想閉目養神)


第三日已無咩特別感覺,第四日開始眼線有類似死皮嘅黑色物體甩出黎,甩左之後明顯顏色淺左,下圖可見眼線顏色深淺一截截,Karen話大概兩星期後甩晒全條死皮顏色就會穩定落黎,一個月後可以再去補補色


日日起身就有眼線,感覺真係好!岩晒兔比哩種經常趕出門嘅人,明明未訓醒雙眼望落都炯炯有神(*ꆤ.̫ꆤ*) 呵呵~

兔比仲想拉埋兔比媽一齊做眉٩(๑❛ᴗ❛๑)۶ 大家有興趣做持久化妝嘅話千祈唔好錯過Vytal mei期間限定75折優惠喔!記得30/6前click入 https://docs.google.com/spreadsheet/viewform?formkey=dGVPZXdPSEJPLUFvWlFid1hwemdqUWc6MQ 登記,之後都有8折比walk in客人優惠得多呢~

5/16/2012

(妝文)捲入MAJOLICA MAJORCA色彩漩渦。。。仲夏夢幻新品率先曝光!

MAJOLICA MAJORCA (MJ) 響開架彩妝品牌當中一直深受歡迎,所費不多就可以入手高品質又富夢幻感嘅化妝品。每季MJ都推出唔同主題產品,2012夏季都並唔例外,月中將推出全新Psychedelicious系列,帶大家一齊跳入MJ仲夏色彩樂園~ (๐ ́꒪̐ꈊ͒꒪̐)ꐳ Are you ready?

5/13/2012

亂脫不如「嫩」脫。。。永「毛」休止的決擇

前文回顧:
毛囊殺它死。。。告別毛毛手 @ Pretty Medical光纖嫩。脫 (1)
毛囊殺它死。。。告別毛毛手 @ Pretty Medical光纖嫩。脫 (2)
毛囊殺它死。。。告別毛毛手 @ Pretty Medical光纖嫩。脫 (3)

愛美女生總面對毛毛煩惱,尤其夏天乃show off季節,熱褲短裙小背心永遠係夏日好朋友,唔想毛手毛腳又可以自信地舉高雙手,毛毛一定要除之而後快!

自家脫毛方法多多,有蠟紙、剃刀、拔毛機、脫毛膏等等,價錢雖然平但脫無止境,最慘係肌膚飽受折磨,所以兔比決定唔再靠以上方法解決毛毛問題!

早前就分享先後三次分享到 Pretty Medical 進行嫩脫過程,其實哩種光纖脫毛到底係咩東東呢?

5/07/2012

Love your body!全“身”愛敷美白Mask

Ladies~ 相信大家敷MASK經驗都相當豐富,
唔同功效同質地嘅都接觸唔少吧?
身體敷嘅Paper Mask試過未?

兔比指嘅Mask當然唔係大家用響面上嘅Mask
(雖然每次塊MASK敷完面都會敷下手手腳腳),
而係專為身體肌膚而設計嘅Mask。

大鄉里嘅兔比平日都只係搽下Body Lotion同間中做下磨砂(正一懶精...(๑≖ˇдˇ≖๑))
上個月先初次接觸Paper Body Mask~ 

就快夏天當然要為全身肌膚做足美白保濕功夫,
準備show off啦!

早前收到
韓國護膚品牌TefuTefu™一盒包裝得美美嘅禮盒,
真係兔比嘅及時雨! ( •ॢ◡-ॢ)


上年10月登陸香港嘅韓國護膚品牌TefuTefu
揉合東方源遠流長醫學經驗及西方先進科技,
研製出一系列獨特護膚產品。

TefuTefu™多年深入鑽研,
發現只有10%皮膚早衰老因素為遺傳及基因,
其餘90%都係外來因數
包括UV,環境污染,化妝品等等...
都會增加皮膚內游離基,破壞皮膚健康組織,
令皮膚提早出現老化

品牌研製出含有獨特 TEHEPTAD™ 專利配方美白及修護系列,
研究顯示配合TEHEPTAD™ 深層植物提純分離分子
有效淡化沉淀色素並增強美白功效
比市面上一般美白產品美白效能高出 20%

而注入TEHEPTAD™ 之”重點美白保濕修復膜”更係品牌皇牌產品!

禮盒入面包括Whitening Peeling Drop白之水滴同一系列Herbal Pearlescent Body Mask身體美白保濕膜


香港女生一向對韓國護膚產品趨之若鶩,
TefuTefu™產品都係韓國製造,自然係信心之選!(๑✧◡✧๑)


Whitening Peeling Drop白之水滴
温和及輕輕去除老化角質

令肌膚不再暗啞,皮膚平滑,明亮;
注入TEHEPTAD™深層植物提純分離分子配方,
可有效淡化沉淀色素並增強美白功效,
配合來自意大利情調白銀花天然花香精華,
可持續散發誘人芬芳香氣。


液體狀去角質產品都係第一次見,
由於品牌將去角質粒子溶於水狀噴霧
使用時唔會見到磨砂粒子


噴上已清潔及抹乾皮膚,
然後用手指輕輕由內往外打圈就會出現擦膠碎般碎屑,
當再推唔出碎屑就可以温水洗乾淨


温和去角質之餘絕唔傷皮膚或引起刺激,
即時可見肌膚無咁暗啞,摸上去都比較幼滑~
用完肌膚留有淡淡幽香,不過好快已經消散




死皮較多嘅手肘捽出碎屑會比其他部位較多,
可見其去角質功效~

同其他去角質產品一樣建議每星期使用2-3次,
無需每日使用喔!

為試出效果兔比將白之水滴只用響左手,
3星期後搵黎兔比媽作公証人
(佢完全唔知兔比只將產品用響邊隻手)
結果係有用白之水滴嘅左手比右手膚色較明亮白淨,
而幼滑度就似乎差唔多

試用尾聲兔比將支白之水滴掃左落地,
泵頭跌壞左噴唔出產品(哀嗚中...ʕ•༘͡.•ʔ),
過來人身份奉勸大家要小心擺放!

去完角質係時候敷上Herbal Pearlescent Body Mask身體美白保濕膜啦!


TefuTefu™係市面上首間推出身體Mask嘅品牌,
深層保濕及美白肌膚,透過獨特立體剪裁美白保濕膜,
為皮膚細胞注入水份,令肌膚充滿彈性及光澤。
同白之水滴一樣注入專用
TEHEPTADTM深層植物提純分離分子配方,
有效淡化沉淀色素並增強美白功效

全系列有5款用響不同部位肌膚嘅美白保濕膜,
分別為頸部、比堅尼部位、手肘、膝蓋及面部專用,
兔比手上有用響身體嘅四款,
包裝大同小異,只係字樣唔同


每盒有5包,而比堅尼部位、手肘、膝蓋專用Mask
每包都有一對2片,
包裝盒上都會清楚註明數目


形狀剪裁根據唔同部位而設計,
包裝盒背面有圖示指引


手肘同膝蓋Mask只係大細唔同


質地強韌但欠彈性,敷上去唔能夠完全貼服響手肘膝蓋,
敷Mask期間唔好郁動手腳,否則Mask會移位喔!




最方便係敷頸Mask,敷住仲可以自由活動!


敷15-20分鐘然後以溫水洗乾淨即可,
敷完即見肌膚較白淨同細滑!
淡淡白銀花天然花香味相當討好呢~ ٩(๑❛ᴗ❛๑)۶


比堅尼部位Mask兔比仲未試用過,
由於唔會著泳衣所以派唔上用場,
但愛水上活動嘅女生應該岩駛

雖然話指定位置用,
但兔比覺得大家有需要的話都可以敷響其他部位肌膚,
如果您煩惱磨砂同美白Body Lotion
都對暗啞肌膚毫無改善,
不妨試試敷上哩款Body Mask~

TefuTefu™產品可於 http://www.tefutefushop.com/ 訂購或直接到Mikiki店選購

Mikki店:新蒲崗九龍太子道東638號G36號舖
電話: (852) 2104 1668