2/27/2011

只屬於女生的最貼身私體驗。。。春夏內衣推介

早前獲難得機會出席響時代廣場Private Shop舉行嘅F&B x Private Shop讀者活動,多謝F&B!近來參加到唔少F&B活動,so lucky~

相信大家對Private Shop都唔會陌生,Private Shop作為香港首屈一指進口歐洲高級名牌內衣專門店,負責零售、營運、市場行銷及分銷歐美品牌內衣產品。旗下內衣品牌強調款式、質料及舒適度全面結合。除內衣外仲出售睡衣、家居服、泳衣、內衣配件等。







今次獲難得機會參與Private Shop活動,又適逢免比第一次出席內衣產品活動實在覺得非常興奮!Private Shop照顧周到,為免餓親我地準備左精緻甜品同飲品招待。


活動主要介紹Private Shop最新上架嘅Passionata 2011春夏新品







Passionata 附屬於法國內衣公司 Le Group Chantelle,主要提供現代感及女性化內衣。Passionata 於 1999 年成功於法國大型連鎖百貨開售,而且佔歐洲出口內衣65﹪出口比率,響德國市場相當受歡迎。



Passionata上年先響香港推出,形象走年輕浪漫路線,產品設計、色彩、亮麗、充滿玩味。雖然係法國進口,但價格同其他本地選擇相距唔大,極速成為暢銷品牌。




2011春夏新品強調將內衣功能性、精緻性感刺繡工藝同多彩設計色彩結合。新品選擇花多眼亂,唔同系列各具特式但同樣設計吸引~ 聽完新品介紹大家可以即場揀出心水系列著上身體驗一下,Private Shop好大方送我地每人一套最喜愛Lingerie做禮物~







Delight 系列



採用接近膚色微細纖維布料,色澤明亮,肩帶設計獨特, 方便配搭各種款式時裝,杯墊設計提升胸部,塑造完美乳溝效果,盡顯完美體態。



雖然睇落簡約平凡唔花巧,但質料柔軟舒服,承托力超好,著上身舒適度係咁多款中嘅No.1!肩帶後面有扣可以將左右兩邊扣成X-Back,容易襯衫。光滑質料就算著薄身緊身衫都OK~











White Nights 系列



採用細緻優雅花卉刺繡圖案,結合典雅碎花邊沿罩杯而上,半透明刺繡效果,予人感覺性感迷人。











Diamond 系列



蕾絲同杯面設計結合,極富層次感,胸罩之間仲鑲有閃石,感覺高貴 ,適合品味女生。



Diamond一出場,大家都疑問著上身會唔會露點,由於款式剪裁巧妙,唔會露點架!如果都係怕太sexy,同系列仲有個別顏色係唔透視。質料雖然好薄但著上身承托力都蠻唔錯















PASSIO CHÉRIE 系列



品牌最暢銷系列之一,沿用光滑柔軟布料配Lace花邊同直紋小蝴蝶作裝飾,富少女味湖水綠係2011春夏新顏色!當然仲其他顏色選擇啦~



哩種設計可愛嘅內衣好得兔比心,連肩帶都有Lace花邊,就算外露Bra帶都唔覺尷尬,而且質料好輕巧同光滑,春夏著薄身或緊身衫都無問題。特別係湖水綠顏色好有春天嘅感覺,搶眼又特別~







PASSIO 系列



係品牌最具代表性系列,強調實用同舒適度,自 2004 年推出以來已經出超過 10 個顏色,今季新顏色Blackcurrant 著出甜美感覺







唔知大家認唔認識catelog入面個位身材fit爆嘅Model呢?不過我肯定大家一定會識佢男友,哩位就係國際人氣模特兒 – Bar Rafaeli 芭兒拉法利小姐,佢男友咪就係國際巨星里安納度· 迪卡比奧,果然係型男配索女!







除左Bra,仲有Underwear同睡衣選擇。












要揀一套最喜愛 Lingerie真係好難取捨
由於身材冇咩睇頭,最後揀左外型平實但push-up效果非常明顯嘅Delight~多謝Private Shop







誠意推介今次Passionata集外在美同內涵嘅2011 Spring-Summer Collection,大家都去Private Shop睇睇啦!不過買內衣要fit上身先揀得岩,大家唔好怕麻煩,而且佢地嘅內衣顧問好專業,好樂意介紹同提供意見,一定幫到大家揀到最合身內衣~



除左見人嘅面衫要換季,連最貼身嘅內衣都要換季!呵呵~岩岩拆左利是就有籍口用利是錢買野啦!今年逗左好多利是呀!
曬下先~兔比最開心係逗新婚好姊妹K小姐封利是,第一次逗同輩利是,沾下福氣~







您地收獲又如何呀?

2/23/2011

送禮新主意。。。唔只出奇旦先可以一次過滿足幾個願望

相信大家都試過諗送咩禮物俾人諗到頭都大埋~有冇遇過有情況係知道送禮對象既喜好,但又礙於唔係一件實則物件唔可作為禮物送俾人呢?宜家有一個嶄新送禮選擇可以幫大家解除送禮煩勞!


早前有幸獲參與TaDa!主題禮盒免費體驗活動。今次同一般試用活動最大不同係參與者毋須去指定地點拎試用品,只要安在家中等收禮就可以~



TaDa!禮盒包裝得十分體面,收禮者見到一定滿心歡喜。兔比收到寄黎既TaDa!禮盒就急不及待拆開睇睇,雖然兔比今次只作為體驗者而非收禮者,不過拆禮盒過程同樣覺得非常興奮,相信如果收到親朋好友送既TaDa!禮盒一定會加倍驚喜~





拆左一輪終於揭開TaDa!神祕面紗,打開禮盒見到有可以寫上心意字句既Wish Card、用銀色卡套保護既TaDa! Card同列明各項體驗資料既Experience Card

用法好簡單!



收到TaDa!禮盒之後可以從Experience Card上列明既眾多體驗中揀自己最鍾意既一項


諗掂就打電話去TaDa!服務專線預約體驗話俾專員聽您手上有邊款TaDa!禮盒同想預約邊項體驗,專員會要求告知TaDa! Card背後Barcode確認,Barcode最後有3位數字要用銀仔刷走銀粉先可以睇到,最後留個email專員就會為您安排體驗。無問題既話好快就會收到確認電話同email,email會清晰列明體驗時期場地。



帶住TaDa! Card就可以去享受預約左既體驗啦!
 
TaDa!禮盒6大不同主題(LIFEZENEXCITEDELICIOUSESCAPEULTIMATE),食、玩、嘆都有迎合唔同人既個性風格同志趣,每個主題入面再細分好多款唔同禮盒,體驗同價錢都有所不同。


今次兔比收到既係LIFE主題Girl's Moments禮盒,可選體驗包括甜品製作、琉璃藝術、花藝、攝影、Thai Boxing、袖珍藝術、印度草本紋身、繪畫、高球、健身、純銀黏土首飾製作、鋼管舞、馬術、潤唇膏DIY等等,選擇有成18項咁多,搞到心大心細唔知揀邊個好tim~

由於體驗選擇太多唔可以全部都同大家詳細介紹,兔比講講幾個自己有興趣既選擇啦~



女生專屬攝影體驗(由 Good Tutor Studio 提供)



由女導師教授,從女性角度出發,用淺白方式介紹基本攝影概念,務求令一眾女生輕易掌握各種技巧,從而享受攝影的樂趣。體驗包括4課攝影課程, good tutor 專業女導師會講解攝影基礎,教授女性喜愛攝影主題、夜拍技巧以及大師作品欣賞(每課兩小時)。

私人馬術課程(由 Clearwater Bay Equestrian Centre 提供)



30分鐘的私人馬術課,與50頂級馬同小馬盡情享受私人馬術課程 ,包括所有安全設備,上課前更可欣賞一場馬術表演。
 
地道法式甜品製作(順道品嚐法國美酒 )(由 Queen Eco 提供)



來自法國大廚教授泡製HomeStyle 法式甜品及配襯美酒心得,一嚐地道法式風情,順道感受一下法國女性悠閒美好時光。每節2兩小時,已包括食譜、材料、美酒一杯、製成品及QueenEco 時尚手袋乙個。可供2人參與在一個輕鬆、舒適的環境,親自泡製兩個一人份量甜品,其中一個在完成後可即場與美酒一起品嚐,另一個可帶回家慢慢品嚐。
   

鋼管舞探索體驗(由 Pole Paradise Studio 提供)



鋼管舞其實不止是一種「性感的舞蹈,它需要一定程度的運動量,透過定時練習有助改善肌肉的柔靱度,達到修飾身體線條效果。共四節,每節一小時,可選擇鋼管舞、空中圓圈舞或空中絲帶舞。

女士高球時刻(由 City Links Golf Lounge 提供)



相約姊妹們一同享受高爾夫球帶來樂趣,從聊天同運動中盡情抒洩心中苦悶。1小時模擬高球練習,可帶同最多3人同行,包4 杯歡迎飲品。

獨特印度草本紋身體驗(由 Sara’s Henna 提供)



印度彩繪大師 Sara 將為參加者設計一個度身訂造紋身圖案,可以和朋友齊齊享受。如果想親自動手設計可參加工作坊,與 Sara 一起探索神秘印度彩繪世界。一個小時個人化草本紋身體驗,可帶同另外4位朋友,同時你可免費得到一個特製首飾盒作為紀念品或三個小時私人草本紋身工作坊。


甜品製作體驗(由 Jam Bakery 提供)



JAM提供home-style甜品教室 , 使導師學員能在輕鬆氣氛下溝通。寬敞空間、充裕時間及導師悉心指導下,當然可以掌握甜品製作竅門。私人蛋糕製作課程(每節三小時,二人同時上課,每人製作一蛋糕) 或蛋糕製作基本課程(共兩節,每節三小時,二人製作一蛋糕),蛋糕製作基本課程須於兩個月內完成。

兔比屬意去參與Good Tutor Studio 提供”女生專屬攝影體驗“,希望學好運用單反機影靚相,於是上Good Tutor Studio 網站先睇左課程時間表再打去TaDa!預約,TaDa!專員當日下晝回覆2月份夜晚班都full晒,最快要等3月班或者改其他體驗,但3月又趕唔切出分享文。雖然可惜但唯有退而求其次參與Jam Bakery提供“甜品製作體驗”又食又玩,同樣先上網睇左Jam Bakery 個課程時間表揀好邊班再打去TaDa! 預約,無幾耐就收到確認電話同email,安排非常有效率呢!



Jam Bakery “甜品製作體驗”可揀1節私人蛋糕製作課程(搵多個朋友兩人各做一個蛋糕)或2節蛋糕製作基本課程(兩人合作做一個蛋糕),最後決定分2節玩,搵左水魚友情客串,兔比一話去整餅水魚就即時遞手做攝影師,些些您~

 
上星期五兔比就同埋條水魚上左Jam Bakery整餅,有唔少精緻既裝飾呢~水魚影得好靚呀!





成個“甜品製作體驗”都輕鬆愉快,導師先示範大家再跟住做,導師會一直響旁邊觀察大家,一有問題會馬上指點。



製作海綿蛋糕底,混合蛋、糖、麵粉、可可粉、菜油同奶,然後入爐180℃焗25分鐘






焗海綿蛋糕期間導師教大家用做朱古力裝飾,原來要擠出簡單圖案一D都唔容易



水魚筆下嘅心心算唔錯啦~



混合朱古力、奶、cream同Rum酒成為朱古力truffle餡料,再將海綿蛋糕同餡料逐層放入模入面,雪軟D truffle餡料就可以脫模~

製成品 - Chocolate Truffle Cake完成!朱古力味超濃郁,好好味呀!





最後,仲可以仲一嚐導師既示範作,真係又玩又食又拎,一次過滿足晒幾個願望!



今次可以親身體驗TaDa! Gift experience真係好新鮮!哩種送禮新形式相信一定可以為送禮對象帶黎與別不同既意外驚喜,最緊要係收禮者可以自由揀自己鍾意既一項體驗,咁就唔怕買錯野禮俾人啦~
 
雖然市面上有預付卡可以送俾人做禮,但兔比覺得同送錢俾人差唔多,無TaDa!禮盒咁有心意,而且無左拆禮物個種喜悅。TaDa!體驗由專員代為安排,只要打個電話就OK,十足V.I.P.待遇呢~

除左可以網上訂購,TaDa!禮盒響三聯書店、中華書局、BOOKAZINE、Metrobooks、商務印書館都有得賣,想知多D可以去http://www.tada.net