神仙水的驚世現身！她與他一同體驗5D奇蹟

美容界當中無人不識嘅經典產品非神仙水莫屬！一講神仙水大家都知係SK-II皇牌Facial Treatment Essence 護膚精華

有留意廣告嘅您都聽過Pitera™點驚世現身吧？源於科學家發現滿面皺紋嘅釀酒師伯伯，雙手仍然保持嫩滑，於是開始研究探索清酒當中到底有咩特別神奇成份

Read More

尋絕世好mask！不可不試的親民之選

面膜相信大家都成日敷，
但點為止一塊絕世好mask呢？

貼面剪裁+大量精華 = 好面膜？

文末再探討~

GARNIER最新推出輕感面膜系列，而早前兔比出席左GARNIER輕感面膜分享盛會，搶先了解一下產品有咩特別~ 

GARNIER貴為L‘Oreal Group旗下第二大品牌，產品評價一向不俗，皇牌AQUA DEFENSE水潤凝萃密集保濕精華大家未用過都一定有見過吧~（前文回顧：水潤大挑戰。。。保濕產品PK賽）

今次新推三款輕感面膜，包括水潤凝萃輕感面膜、水潤凝萃輕感面膜(敏弱肌)及晶亮3效合一美白面膜，滿足不同肌膚需要~

哩個面膜系列被品牌Marketing Manager Venus 形容為最新世代面膜，有如第二層肌膚貼服於面部，唔會出現以下起摺情況，覆蓋更全面

GARNIER一向採用大自然天然成份融入產品，輕感面膜都並唔例外，成份天然到可每日使用

水潤凝萃輕感面膜：萃取自高山茶葉天然抗氧化成分，令肌膚有效阻絕外界污染
水潤凝萃輕感面膜（敏弱肌）：天然睡蓮舒緩精華及維生素原B5補水因子，有效舒緩及修護因乾燥、日常壓力、轉季而引起敏感不適，增強肌膚天然防禦力
晶亮3效合一美白面膜：黃岑草本精華、維生素CG以及天然檸檬精華，3重美白成分更有效減淡黑色素，溫和去除老廢角質層，提升肌膚透明感、白皙感

除左上述天然萃取精華，原來面膜當中嘅水份都殊不簡單！採用5000公尺高西藏天山冰河泉水，完整保留微礦物質，幫助水份吸收，提升鎖水力~

活動會上率先試用過輕感面膜嘅五位blogger分享用後感，大家一致讚賞面膜剪裁非常貼面，連大部分鼻冀，眼底同嘴角都覆蓋得到，而且大小都合乎亞洲人面部，可以敷住咁自由活動

為証實保濕效果，大會請出其中一位blogger即場敷上輕感面膜15分鐘，測試使用前後嘅肌膚水份指標，讀數由46.8勁升至80.5，保濕效果非常顯著！

Meling仲同大家分享面膜使用心得~ 面膜不論配方及紙質都有如手機般不斷進步，一塊好面膜敷上面應該唔會四圍滴，而且高效將養份滲入肌膚

接住即場做做實驗！將GARNIER輕感面膜同另一品牌面膜風乾，倒入相同份量清水，然後擰出面膜吸收之水份，經收集後發現GARNIER輕感面膜比對手擰出多1ml水份，換言之對手紙質同肌膚爭食左1ml精華呢~

帶住品牌送贈嘅輕感面膜系列離開，當晚已急不及待試試！三款面膜都試勻晒，第一個感想係剪裁超貼面！就算兔比面部輪廓扁平都唔會起摺，大小岩岩好唔會搞到髮際濕漉漉，最驚喜係人中、唇周同眼底都覆蓋埋，如果有埋眼蓋部分就so perfect~

水潤凝萃輕感面膜同晶亮3效合一美白面膜精華液都係透明，而水潤凝萃輕感面膜(敏弱肌)係乳白色，包裝袋內剩餘唔多，取出面膜時偶有精華滴出，但敷上面完全沒有滴水，可以敷住四圍行^^ 雖然面膜紙好薄好透，但敷15min過後仍然好濕潤，皆因面膜含自身重量10倍精華液，而對比使用前後肌膚可見滲透力極佳，肌膚脹卜卜~

個人最愛水潤凝萃輕感面膜(敏弱肌)，有淡淡花香味，而且有效降紅

第二最愛晶亮3效合一美白面膜，敷完肌膚好透亮，仲有檸檬清香

水潤凝萃輕感面膜補水效果都不俗，翌日肌膚都keep住水嫩富彈性

GARNIER出品一向有保証但價格方面一貫親民，每盒5片不過$45，就算日日敷都唔傷荷包~ GARNIER輕感面膜絕對要試一試！

宜家只要登上www.hkgarnier.com「面膜大挑戰-評分即賞」專區為GARNIER全新輕感面膜評分，即賞豐富獎品同$5現金劵！大方分享朋友email，仲獎老友輕感面膜一片！

個人認知面膜最大嘅價值在於精華液，成份固然相當重要，而面膜紙係一個傳遞媒介，剪裁好愈貼面肌膚就可以更有效吸收精華，但精華容量只係一個參考，愈多唔代表愈好，仲要取決於面膜紙可唔可以有效將精華送入皮膚，差劣嘅面膜紙相對會hold住精華妨礙皮膚吸收喔！

Read More

2012書展的訂書敗家小記

以前仲係學生個時，每年書展都習慣首日一早入場訂CosmoGIRL!，本身一直係長期讀者，而且書展往往特別平仲有吸引嘅訂閱禮物呢~ 成為打工仔之後都無再入書展訂書，今年書展因為拎左幾日Annual Leave叉電，又可以一大早入場！當日遲左出門入場個時已經10:30（書展開始時間係10:00），一大早入場人士已經不少，可能因為12:00前入場票價只需$10吧~

有目標而黎嘅兔比第一時間已經衝去Cosmo攤位，排隊嘅人未免太多吧！(๑꒪ㅁ꒪๑)"打左幾個蛇餅之後仲由1B排到1D位置，隊尾位置完全望唔到Cosmo攤位，開場先半個鐘咁嘅場面真係太誇張．．．但兔比為訂書而黎無理由就咁放棄吧~

結果等左三粒鐘終於排到交form同payment，拎訂閱禮物又要再排另一條較短嘅隊，合共花左近四粒鐘先完成(●･̆⍛･̆●) 如果無Iphone耍樂兔比一定堅持唔到．．．最後一次過訂左Cosmopolitan同CosmoGIRL!，訂閱禮物揀左RMK Christmas Palette 2011同 b.liv off with those heads

首選Ultima II 純膠原奢華鱘魚療程已送光光(ㆀ˘･з･˘) ，於是退而求其次揀RMK Christmas Palette 2011，雖然係過氣產品但哩個蠻不錯，盒仔細細已包括眼影、胭脂、壓縮蜜粉同掃具，另附有迷你睫毛液同唇彩各一支，帶出街化全妝都方便

另外加送左福袋兩包，內容大致一樣包括以下東東

仲有貨size Lactacyd同ASIENCE conditioner各一支（忘了拍照=="）

排隊期間都有唔少其他攤位上前宣傳，其中ELLE即時下載app同登記就送小禮物，原本送兔比shopping bag，後來要求下換成Paul & Joe座檯鏡，Pattern好可愛呢~

本想訂埋港版Mina，但職員話要等三小鐘再返黎拎書卷，但係兔比兩點有事要離開，佢話無其他安排唯有放棄(-᷅_-᷄๑) 

時間無多下匆匆響附近逛逛，都無辨法仔細去揀書，反而瞄到有攤位賣日雜附錄，敗左Anna Sui証件套同snidel膠錶，兩件合共$65

時間關係收獲好少，有朋友相伴的話會再入場睇睇~

Read More

黑色素一下子就給我滾！=͟͟͞͞(๑•̀ㅁ•́ฅ

一向對紫外線特別靈敏，夏天有補搽防曬仍難逃曬黑厄運！最大問題係平日用防曬同美白產品好多時都忽略左頸部，搞到面頸色差太大，成粒珍寶珠咁．．．嗚嗚(இɷஇ )

之前已幾次分享過於per FACE嘅療程體驗（前文回顧：我敢說這是最RELAX的激光療程；激光Bang Bang Bang。。。黑色素無得留低！；激光激活肌膚。。。無敵靚景下的醫學美肌體驗），為左踢走黑色素上星期兔比再到iSQUARE SkinCeuticals Advanced Medical Spa by per FACE 進行抗氧美白激光療程

Read More

無憂卸妝自然之選

對卸妝產品嘅要求大前提當然係要乾淨，
至於成份個人一向不加了解

直至擔任美容顧問嘅友人建議擺脫卸妝油，
因為卸妝油大多含有礦物油成份，
殘留會阻塞同撐大毛孔，
甚至導致粉刺及引發痘痘．．．(๑≖ˇдˇ≖๑)

認清可怕真相之後除非濃妝，
否則兔比都只用卸妝水同卸妝液代勞

不過近期有一款卸妝油令兔比用得安心放心，
有留意開美容情報嘅您知道真身了嗎？
唔知道的話兔比就先賣個關子ʢ்́ꇵ்͒̀ʡ

Read More

瘦身又美肌要一次過食30種蔬果穀物？！

都市人一般生活忙碌，缺乏運動加上飲食又唔規律，引致營養唔均衡，體質同肌膚質素又點會好？

日本第一醫學美容品牌 Dr. Ci: Labo 唔止有外用護膚品（前文回顧：遠離化學成分嘅自然裸妝靠晒佢啦！；肌膚飲水時間。。。來自海洋的睡寶貝 + 最強舒緩保濕 5合1），新推出嘅 美禅食 正正幫到繁忙都市人達到營養補給，同時輕鬆瘦身！

Read More

我的C+面膜。。。粉皮敷面？！

好一段時間前同大家分享過一款兔比愛用嘅生物纖維面膜 (Bio-cellulose mask)（前文回顧：秋冬特別篇：拯救我的乾燥肌妙品公開！），最近兔比又試左另一品牌同質料面膜，價格更平而且更容易敗得到

所介紹嘅係台灣三大醫美品牌之一Neogence出品生物纖維面膜 - Plus C 微導美白生物纖維面膜 (C+ Whitening Bio-Cellulose Mask)

配方三效合一，結合維他命B3「防護」外在刺激、α-熊果素「抑制」黑色素合成、淡化黑斑，以3D立體生物纖維作為濃縮微乳精華載體，加強有效成分吸收，美白同時改善肌膚紋理

另有由法國知名活性原料大廠Laboratories Serobiologiques研發之兩種專利美白活性成分，初始防護因子LITCHIDERMTM及植萃淨白複合物DERMAWHITE®

初始防護因子LITCHIDERMTM萃取自荔枝果皮活性防護成分，有效預防肌膚老化、淨白膚質，同時增加肌膚保水度；而植萃淨白複合物DERMAWHITE®蘊含4大淨白成分：夏威夷草萃取、阿魏酸、葡萄糖酸鈉、檸檬酸，加速老廢角質代謝同時抑制黑色素形成，建構全方位複合淨白修護機制

每片面膜都含有30ml精華，而生物纖維面膜比傳統面膜可盛載更多精華液，面膜取出時總會有精華滴出情況，快手一點將面膜敷上面免得浪費，包裝內剩餘少量精華可以搽下手手腳腳

每片面膜都包括三層，半透明生物纖維面膜由珍珠膜同不織布夾住

首先取出翻開先撕走珍珠膜，將生物纖維面膜連同不織布貼服於面上，調整好位置再撕走不織布，敷15-20分鐘後將殘餘精華按摩至吸收

生物纖維面膜貼面度當然極佳（蠻似將雞絲粉皮敷面XD），鼻同人中位剪裁恰到好處，眼部都同時兼顧埋，一次過連眼敷夠方便

敷20分鐘後面膜仍有一定濕度，撕走後仲可以用黎擦一下手腳呢~ 保濕效果即時感覺得到，肌膚摸落變QQ，翌日都維持住滑滑飽滿，兔比一連敷左三日肌膚透亮度大大提升，膚色均勻左，連帶紋理都淡化埋٩(๑❛ᴗ❛๑)۶

重要日子前連敷幾日作保濕美白急救用係不錯選擇，反正價錢都唔算貴呢~

全系列共有3款面膜，另包括玻尿酸保濕生物纖維面膜 (Hyaluronic Acid Hydrating Bio-Cellulose Mask)及玻尿酸DNA彈力修護生物纖維面膜(DNA Anti-Wrinkle Bio-Cellulose Mask)

三款價格同樣為$280 / 5片，全線莎莎都買得到喔~ 

Read More

衞生幫的自助日式火鍋店

絕大部分友人都唔介意口水尾，食飯都無需用公筷，不過當中總有人係衞生幫，不容許筷子來筷子往，一齊打邊爐（洗筷子?）更加免問

早前兔比響讚石山荷里活廣場睇完戲要揾食，發現左間蠻不錯嘅日式火鍋店，仲係少有嘅一人一鍋模式，可各自揀喜愛湯底，又迎合到唔鐘意洗筷子嘅衞生幫㖭~

哩家由「 日本村姑」林慧美開設嘅Nichigyu日牛涮涮鍋專門店，裝潢時尚有型，環境乾淨闊落，坐得舒服舒服

Read More

屬於拉丁女郎的熱帶香氛 ꒰๑͒ ु•ꇵ͒•`๑͒꒱

機緣之下認識到Glamour Perfume（GP），原來平凡嘅您同我都可以享受配搭香氛樂趣，最重要係成品前中後調都可以100%合心意（前文回顧：尋找“它香”的故事 (๑❛ᴗ❛๑)）

原來GP已經響香港踏入5週年，早前兔比應邀出席於中環Magnum Club舉行嘅Glamour Perfume 5th Anniversary Cocktail Party

Read More

迷戀至fresh花花世界。。。玫瑰玫瑰我愛死你~

一向對玫瑰香味嘅產品特別喜愛，特別係一日辛勞過後敷個玫瑰面膜，既呵護肌膚又可放鬆心情，絕對係一石二鳥嘅享受！兔比近期新寵係fresh皇牌玫瑰保濕面膜（ROSE FACE MASK），啫喱配方注入純正玫瑰花，揉合高效鎮靜成分，高效補水及改善肌膚暗啞，仲可以減輕紅腫敏感問題

Read More

美肌重塑(下篇)。。。美肌靠電流？！

繼上次初到Marsha Medical進行D Formule活力醒膚療程及Cryo冰極注養修復療程（美肌重塑(上篇)。。。美肌靠冰鎮？！），兔比當然繼續進行「美肌重塑」！

今次進行第三環節RF 膠原重組緊膚療程，利用電流通過肌膚產生電阻效應，達至加熱真皮層令骨膠原構造扭緊，即時提升及收緊肌膚，而且加熱加速養份輸送，促進淋巴循環，激活新陳代謝

Read More

愈脫落愈快樂。。。Baby Foot是如此鍊成！(驚嚇內容注意！)

天氣熱辣辣涼鞋又係時候出動！哎喲，弊傢伙！Σ(-᷅_-᷄๑) 對腳死皮成尺厚，咁肉酸點見得人呀？！

唔駛騰No problem~ 今次為大家介紹兔比最近嘅美足秘密武器 ﹣ Baby Foot Easy Pack 同 Baby Foot Moisture Foot Cream



Baby Foot Easy Pack 最岩有腳跟龜裂、粗糙足底困擾嘅朋友，無痛又不費吹灰之力就可以去除老化角質！主成分為果酸（甘醇酸 Glycolic Acid），屬天然酸類，相較於其他酸類刺激性較低，一般運用於果酸換膚，實驗証明具有減弱皮膚表層角質結合力作用



結合16種高度保濕及收斂效果植物萃取精華配方，角質剝落後腳部都感覺滋潤、光滑，唔單止容易剝落老舊角質，仲將肌膚更新調整為自然狀態，調整腳部皮膚紋理，賦予肌膚潤澤感

成分可滲透到累積舊皮膚層，藉皮層細胞嘅代謝週期及日常摩擦而自然剝落機制去除角質，將對肌膚負擔降到最低（您唔係仲用緊磨腳石呀？(๑꒪ㅁ꒪๑)）


原創日本製造，仲得到日本@Cosme2010年最佳美妝大賞（身體保養部門）及樂天市場大賞，對比市面上同類型足膜自然多份信心~


每包一對兩隻立體剪裁Easy Pack（適合美國9號以下呎碼腳型），另附有膠紙作固定之用


每隻含有35ml杰身精華液（好似保鮮袋呢 XD），剪開後聞到蠻濃烈嘅酸味


洗白白之後將乾淨嘅雙腳穿入Easy Pack，再用膠紙固定，然後乖乖咁等兩個鐘~ 過程絕無痛楚，但局住對腳始終唔多舒服，而且又怕精華液流出唔方便四圍走動，最好坐定定等


兩個鐘後精華液已經充分滲透，再用肥皂清洗乾淨滑潺潺黏液，但即時見唔到咩分別嘅？(●･̆⍛･̆●)


即管耐心等3日睇睇．．．以下圖片有點驚嚇，請務必做好心理準備！



















































果然開始有皮屑出現，而且接連幾日仲大規模脫落，睇見都爽！（夠變態吧？）




過左整整一星期都仍有少量皮屑，原有粗糙腳跟同腳趾厚皮位置平滑不少，雖稱不上baby foot都已見明顯效果~

據說明所講死皮脫落過程會持續2-3星期，期間唔好搽上任何cream以免影響效果~

之前兔比都有將Neostrata Gel Plus用於粗糙腳跟，不過要持之而行好一段時間先見明顯改善，所以個人比較喜歡用Baby Foot Easy Pack，方便而且短時間見效，岩晒大頭蝦同懶人！

足底同腳跟較其他位置肌膚容易變乾變硬，完全脫皮後要維持美足當然少不了日常保濕護理！每晚洗白白之後或臨瞓前搽上含蘆薈萃取等保濕成分之Baby Foot Moisture Cream (Hydro-Plus)有效保持足底滋潤

有別之前用開嘅同類產品，為重水份嘅Gel-Cream而非厚重嘅Cream，容易被肌膚吸收又唔會有黏笠感覺，清爽質地適合夏天使用，另有較滋潤嘅Baby Foot Moisture Cream (Extra-Rich)選擇

夏天要有信心著涼鞋見人，大家都要努力保養下對腳啦 ( •ॢ◡-ॢ)

Read More