5/30/2011

多啦A夢神奇法寶般。。。隨身肌膚大光燈

專業攝影師同model影影靚靚相都一定會打晒燈,令肌膚睇起黎無瑕又有光澤,sharp到爆!但係我地哩D平凡人無專人代勞又可以點影得靚靚呢?



開架品牌Za嶄新研發升級美白打燈底粧 – 真晳美白系列
True White Plus 2 Way FoundationTrue White Plus Instant Brightener
蘊含突破性極緻「無瑕亮肌粉末」,智能折射光線,
一抹完美修飾瑕疵及暗沉同時提升肌膚透明感,
肌膚有如打燈般剔透亮白。

聽起黎好吸引,要親身試試係咪咁magic!

日前兔比有份參與eLadies x Za 一抹即Sharp真皙美白亮妝工作坊
多謝eLadiesZa

活動於Elite Makeup School舉行,教室一個又一個光猛化妝檯,感覺有如置身artist化妝間~



今次活動主角係早前唔少blogger都試用過嘅Za True White Plus 2 Way Foundation仲有True White Plus Instant Brightener



True White Plus Instant Brightener(真晳美白亮采底霜)
Za第一支智慧型多功能底霜,調色、防曬、美白ALL in ONE!
突破性10大功效功包括:
1) 即時亮白
2) 隔絕UVA及UVB
3) 遮瑕
4) 保濕
5) 預防色斑
6) 填平毛孔
7) 減退暗瘡印   
8) 平滑肌膚
9) 珍珠光澤
10) 8小時持久效果

珍珠粉紅色調有助完美修飾瑕疵,幫肌膚打造SOFT鏡效果。



亮肌珍珠成份即時撫平毛孔,修飾膚色不均及瑕疵
蘊含革新高穩定性維他命C比一般純維他命C更穩定,有效減淡色斑及痘印。
加倍水潤配方,預防肌膚乾燥浮粉,持續8小時保持粧容水潤透亮
而且具SPF 30 PA+++高防曬度,室內室外有足夠防曬保護,

True White Plus 2 Way Foundation (真晳美白護膚乾濕粉)
含有兩種不同形狀粒子,扁平無瑕亮肌粉末依附肌膚表面,
如反光板透過光線折射,幫肌膚打燈般消除膚色不均、暗啞及色斑,
營造肌膚透明感同帶出珍珠般光采
圓形零毛孔粉末有如幫肌膚打燈,營造光線散亂效果,遮蓋毛孔及瑕疵

美白維他命C抑制黑色素形成,減淡色斑及痘印,深層美白,
配合控油光粉末吸收過盛油脂,保持粧效清爽啞緻而唔阻塞毛孔。
SPF20 PA++肌膚提供基本抗曬保護,阻隔紫外線A、B。

大會請黎星級化妝師Will Or為大家示範用Za產品,Model係有線美女主播Zoie Tam。



先上一個自然底妝,Will強烈建議大家唔好偷懶skip makeup base,上妝前搽makeup base令妝容更貼服持久。True White Plus Instant Brightener調色同時珍珠粉末可以提升肌膚光澤透明感。

每次用一粒珍珠份量True White Plus Instant Brightener,用3隻手指輕輕推開,先搽響如面珠位,因為較易受到陽光照射而且皮膚較薄,先重點搽上預防色斑浮現。

集中搽響面部中央位置有助加強面部輪廓,最後先以剩餘份量搽響髮邊 ,唔好忘記唇邊位置以防暗啞加劇。用第四隻手指印響眼袋,以防眼圈加深而且隱藏眼紋。另外可以搽埋響頸同鎖骨位作防曬同加添亮澤感。



用附有嘅海綿由中間向外輕輕搽上True White Plus 2 Way Foundation,然後由上至下。力度要輕,瑕疵位再重點印上粉修飾。整濕海綿上粉更為貼服,尤其當皮膚好乾時候,乾用減輕出油情況,妝效相對較持久,夏天乾用會比較適合。唔好忽略眼蓋,尤其夏天出油特別多容易溶妝。



基本底妝完成,效果自然,膚色變得均勻又有光澤。之後用上Dramatic Eye Color,一盒四色易於化出深淺層次眼妝,Will表示今季會流行粉藍色。


主色搽響眼蓋由底往上推,愈往上顏色愈淺,再搽響下眼線位置。



Blush Vibrante係雙色胭脂,就算唔係專業化妝師都可以輕易造出漸變層次,先取深色響面珠輕輕打圈。


然後取淺色掃響已搽上深色地方嘅外圍,加強立體感。



唇妝方面用上Plumper Lips,唇膏淡淡顏色遮蓋本身唇色同唇紋。



最後加Plumper Lip Gloss響highlight位如唇山同唇中央,如果嘴唇乾到脫皮,可以用印嘅方法上。



話咁快完成一個簡單美妝,即時sharp左!



睇完示範大家都可以試試兩款底妝產品。True White Plus 2 Way Foundation 乾用單搽唔太貼服,Will都話用所有Foundation配埋同brand嘅base用先可以見到最佳效果,果然上左True White Plus Instant Brightener再上True White Plus 2 Way Foundation效果貼服自然~

大會亦請黎今次產品Endorsor ﹣星級攝影師Matt Hui(前Jessica Code攝影師)同大家分享一下攝影貼士,唔同光線下拍攝嘅人像有不同效果。



對於今次活動嘅內容同示範都蠻滿意,但試用環節確實有點不足。提供嘅試用品唔足夠俾大家試,要幾個人share但時間似乎又唔足夠。有點失望即場試用冇demo中用到嘅彩妝品如Eye Color同胭脂,同冇提供卸妝品同濕紙巾方便大家卸妝同潔面先試產品,大會安排似乎未夠貼心,提出黎希望下次再搞活動可以更盡善盡美,請唔好見怪~

Za送左每位參加者一袋厚禮,有True White Plus 2 Way FoundationTrue White Plus Instant Brightener同Pure Shine Lips,今次所送產品顏色都係指定,幸運地得到match自己膚色嘅True White Plus 2 Way Foundation22號色
,可能膚色較白嘅sis會唔太岩色呢~



一如以往粉盒同True White Plus 2 Way Foundation係分售,
今次配合嘅粉盒係鏡面,時尚感十足,好有型!



搽唇膏拎出黎唔開蓋照都OK,不過缺點當然係好易污糟,
印晒D手指模上去(努力地抹抹抹

將Refill粉芯底下貼紙撕走放上粉盒固定就可以,都幾隱陣倒轉都唔跌出黎。



其實好多年前兔比用過Za 2-way cake印象唔好,未完就將佢打入冷宮,
但今次試用過令兔比對Za重拾信心!

大愛True White Plus Instant Brightener乳液狀質地輕盈
為肌膚明顯提升高澤感同改善膚色暗啞
珍珠閃亮粒子極幼細唔怕誇張。

True White Plus 2 Way Foundation粉質幼細,
妝效貼服細緻,修飾到毛孔,最驚喜係肌膚好似被柔焦左咁soft且透出光澤,
果然有類似打左燈效果,但遮瑕都係靠concealor搭夠吧~


8小時後只係T-zone位有點油光但無浮粉,
補妝印印T-zone已經OK,持久度不俗!

美白效果短短日子未能評價,不過True White Plus Instant Brightener有成SPF30 PA+++都夠夏日響室外活動吧~

Za價格親民,True White Plus 2 Way Foundation (補充裝) $95,粉盒 $35,True White Plus Instant Brightener 30ml $95,成套底妝系列不過盛惠$225,相對只不過係專櫃品牌粉底價錢,絕對係平價之選!

尋日行開Watsons 見到Za推出限量「珍珠亮肌限定套裝」,True White Plus 2 Way Foundation 連粉盒,加送真晳美白潔面泡沫體驗裝15g售$130(原價 $142),有興趣試試嘅您係時候入手啦!

5/27/2011

給肌膚吃的燕窩?!

食燕窩養顏大家都知, 含燕窩精華嘅護膚產品唔知用完會唔會有食完燕窩咁嘅效果呢?

屈臣氏自家品牌愈出愈多元化,作為beauty blogger又點會唔試試新推嘅佢地嘅護膚產品。屈臣氏燕窩絲炫系列岩岩月中先響全線屈臣氏上架,全系列包括燕窩絲炫細白面膜、燕窩絲炫水潤面膜同燕窩絲炫臻彩淨白精華素。由天然燕窩中萃取名貴燕窩精華,結合蠶絲精華、米蛋白同酵母精華等營養成分,深層滋養並淨白潤澤肌膚。

今次試左燕窩絲炫細白面膜燕窩絲炫臻彩淨白精華素





燕窩絲炫細白面膜($89.9)一盒5片,拎出黎都無滴漏精華液,而且包裝袋都唔會有大量剩餘精華液。


比較特別之處係每片面膜都有3層,一片白色珠光膜同藍色纖維膜,中間夾住就係主角蠶絲面膜,蠶絲面膜本身非常薄,如果單單一片摺入包裝一定會變咸菜狀。



敷上面前先撕去珠光膜,然後將蠶絲面膜連同藍色纖維膜一齊敷上面,調好位置再撕走藍色纖維膜(如果撕走藍色纖維膜先敷,面膜會皺得一發不可收拾),敷15分鐘後將面膜撕走。

蠶絲面膜貼面度超高,敷上去似自己層皮,薄到成張米紙咁,有點不足係剪裁唔fit鼻同口位置,同埋無照顧埋眼位。





15分鐘後撕走面膜,按摩面部至剩餘精華被吸收就可以,不過兔比習慣左敷完mask一定會抹抹面,先繼續搽其他野。15分鐘後面膜都仲好富水份,唔太有保濕效果,用完肌膚無敷水份mask個種水潤飽滿嘅感覺,但稍稍褪去一點暗黃,睇落肌膚更有光澤。


燕窩絲炫臻彩淨白精華素($119.9)一支有50ml,樽身同SKII環采鑽石精華夠相似吧~



不過哩個樽好輕身,同樣都係以滴管取出精華



好輕盈嘅乳液質地,水感重延伸性強,快速滲透後不留半點黏笠感



每次用1-2滴均勻搽上面然後按摩吸收即可,有滋潤感不過用左一星期未見美白效果,可能要用耐D先見效吧~以哩個價錢黎講可以買到一支美白精華都不妨一試

要買記得先登記屈臣氏會員卡,自家品牌會有折喔!

5/23/2011

捉緊年輕。。。膠原向外求不如靠自生

哩幾年肌膚明顯出現老化,粗大毛孔、鬆弛、眼紋等老化徴狀都統統走出黎,不得不認自己唔再十八廿二 
都係骨膠原作怪...原來由20歲起肌膚開始步入隱性衰老階段,骨膠原製造細胞開始老化,骨膠原流失率每年增加1%,令老化徴狀相繼出現。

唔想坐以待斃?相信作為貪靚一族,飲嘅食嘅搽嘅膠原大家應該都試過,姑勿論最終可以吸收到幾多,由外補充膠原始終都不及自己細胞產生好,無人會反對吧?可能以前讀science,兔比堅信以尖端醫學科技刺激肌膚細胞自我增生骨膠原先係王道。

早前好榮幸收到reenex邀請一試高效膠原自生系統,體驗膠原自生嘅威力!



整個reenex高效膠原自生系統包括4個療程:
CPS更生活膚療程:回復健康更生週期                                                                
冷凍光膠原自生療程:直達肌膚底層Collagen Zone激活細胞自然增生骨膠原
HGF 激活細胞增生療程:淨化肌膚同時注入高濃度人體生長因子,以倍增膠原增生效果
TRF膠原強效緊緻療程:鞏固膠原結構,持久緊緻輪廓

4個療程相輔相乘,針對不同肌膚問題,有興趣知多D可以click入http://www.reenex.com.hk/ 了解一下

其實兔比對reenex一D都唔陌生,早響2006年已經成為佢地客仔,真金白銀join左CPS更生活膚療程,膚色暗啞同暗粒問題都大大改善,連耐無見嘅朋友仔都問兔比做過咩面上無左片灰色(之前係燶面人一個

reenex引入全球最尖端美容科技到香港,所提供療程同產品都具備醫學報告及臨床實驗証實有效,而且獲得世界皮膚科醫生廣泛推薦同認可。reenex短短數年已迅速發展為全港最具規模醫學美容中心之一,提供最安全有效膠原自生療程。 

reenex膠原自生中心於2002年成立,係擁有超過10年專業醫學美容經驗嘅Neo Derm集團旗下專業品牌,香港90﹪皮膚科醫生都係Neo Derm客戶;公司出色管理於2008年獲得HKMA管理金獎。

半年前兔比都響Blog中分享過Neo Derm Group另一醫學美容療程品牌 ﹣Evuus細胞再生中心Accolade激光去斑療程體驗,服務質素絕對讚!有興趣可以睇返前文~

前文回顧:
為了靚靚就要去睇醫生!(第一章)
為了靚靚就要去睇醫生!(第二章)
為了靚靚就要去睇醫生!(第三章終極篇)

最近經常都睇到reenex x 鍾楚紅電視廣告
,紅姑已經幕別銀幕20年,雖然佢並唔年輕但保持住一張year-zero face,絕對睇唔出實際已有50之齡,仍然美麗如昔,果然係膠原自生代言人不二之選~


有紅姑做人版兔比相信保持不老絕對有可能!兔比就準備去reenex體驗膠原自生,您都有興趣嗎?只要6月30日前click入http://www.reenex.com.hk/edm/201105/RBLOG0511J/form.aspx?ref=RBLOG0511G登記就可以免費體驗「膠原自生」基礎療程 – CPS更生活膚療程一次,完成後仲送您Bioderma卸妝水100ml,試過滿意仲有療程優惠,心郁郁嘅您都去試下啦~

對今次reenex高效膠原自生系統體驗滿心期待,稍後會同大家分享兔比嘅膠原自生體驗,記得留意啦!

5/21/2011

成就亮肌唔一定要用針咁激。。。送免費體驗名額

市面上微創美容療程多如銀河沙數,雖然發展到今時今日安全同可靠性都得到廣泛肯定,但始終唔係人人都敢試。

要有效其實都唔一定要去到微創,而兔比日前就試左Beauty Glow新推出「冷凍無針亮膚療法」,以脈衝電流刺激配合冷凍技術,激活真皮細胞同保護細胞基因組織,比一般無針注滲率增加10-20%,無痛無創,舒舒服服,岩晒一班怕痛貪靚鬼~

5/18/2011

敗家手記。。。淘回來的Gracegift 好“鞋“子 & G.E.M.個唱小感想

好耐無出過敗家文啦!最近又敗左唔少好野一定要同大家share一下呢

早於冬季已經想買對Oxford Shoes,可是一直都搵唔到價錢同款式都岩心意既,於是轉往淘寶尋找dream shoes,素聞Gracegift出品質素唔錯,而且款式又多又靚,睇左一輪發現左哩款Loafer,有點oxford感覺之餘較女性化



仲配埋兩款扣扣,可以隨時轉款,非常易搭~






上網睇圖一定俾最靚仔個邊您睇,輪到睇實物啦!兔比當初都幾擔心網購質素會唔好,但見gracegift咁多好評都決定一試。單睇包裝都已經唔錯



盒內有Gracegift介紹、環保袋、鞋墊、扣扣配件同後備鞋踭,而且每隻鞋都有獨立鞋袋包住,連包裝都好有系統。





個扣夾得好穩唔易甩,夾手指都有幾痛下



做工唔錯,同相都非常相近,下次再幫襯都有信心。兔比平時一著高踭鞋就痛到不得了,雖然哩對唔係平底,但唔太高踭,而且鞋踭夠粗所以唔會著得唔舒服。



比較麻煩係佢唔發香港快遞,要用EMS運費方面可能會貴D,兔比今次係拜託另一淘寶店家代收,然後一次過發順豐過黎。


今季H&M春夏新品好多正野呢~特別鍾意一系列白色薄身top,敗左哩件背心用黎外搭,有兔比最愛嘅喱士



哩頂西瓜帽最近都成日戴,有時懶搞前蔭戴黎遮下醜就可以出門,都有喱士架!見到嗎?





最近好迷團購,實在太多著數野~早前優惠價$28買左Chocolat-ier原價$120 Biteb!Gourmet乳酪朱古力,有乳酪紅桑莓脆脆、乳酪士多啤利脆脆同藍莓乳酪,味道酸酸甜甜又有乾果,不過一次食得唔多,因為實在太漏




尋晚好開心可以買到飛睇G.E.M. 紅館處女個唱尾場,由於只開3場真係一票難求,之前上網同電話購票都完全癱瘓,足足試左大半個鐘都打唔通電話又login唔到urbtrix,到log到都已經售完
結果都要幫襯黃牛,個位好後所以都係貴左$10,好彩唔係偏都睇唔到台~



其實冇幾多歌手可以引到兔比買飛睇live,通常一年都睇唔到一次,尤其係新人都無咩吸引力,G.E.M. 哩個巨肺真係異數。唱功唔駛質疑連live都唱得好掂,唱足3粒鐘都咁好氣。Band班底好猛料,比較不足係舞台同成個rundown無咩特式,服裝太平凡太唔sharp,坐響度彈琴嘅時間長左D。始終G.E.M.係個未夠20妹妹仔,壓台感未夠,講野表達方式有D古怪,明明好touching嘅地方都變左笑料,俾D時間他日佢應該大把世界。




早前無份試用Johnson's Body Care,不過上個月竟然抽中左仲貼心咁送埋黎屋企~海洋感覺見到都覺得爽



岩岩到手嘅lucky gift,Barbie Fanpage送嘅Silky Kohl Liner,另一端有海綿頭方便blend開眼線~