美肌重塑(上篇)。。。美肌靠冰鎮？！

近來忙到團團轉，休息時間嚴重不足，膚質都明顯變差＞＜早前趁周日特別的起心肝早起身去Marsha Medical進行「美肌重塑」

Read More

太空人專用粉底？？？

氧氣(化學符號為O2)有幾重要無需多講吧？！您知道粉底都要有氧氣嗎？

benefit充滿玩味嘅產品一向得人心，宣傳策略都不得不讚，早前為完美無瑕氧氣提升粉底液 Hello Flawless Oxygen Wow拍攝嘅一段宣傳片富科幻電影感，兔比一睇難忘亦燃起對哩支粉底嘅興趣~ 

幸運地早前獲得試用機會，見識哩支傳說中於太空都可以維持生機嘅O2粉底（您唔會當真吧 XD）

提供輕微至中度遮暇能力，遮暇同時擁有透明自然肌膚，配方中含獨有成份氧氣提升保濕因子，化妝同時保濕，告別暗啞及提升肌膚光澤度，而且有SPF 25 PA +++防曬功效合共9色選擇，而BA小姐幫兔比揀左beige

一支30ml售價$340

盒內附有POREfressional底霜sample，配合使用修飾粗大毛孔

POREfessional用於毛孔粗大嘅T-zone，而其他位置就搽上dr. feelgood控油打底霜，只係用手指薄薄搽上肌膚觸感更平滑，但切記要薄搽同稍候一下先上粉

泵裝方便取用又夠乾淨衛生

質地水潤易推，雖說有一定遮暇能力但唔會杰撻撻

兔比會配合埋品牌Foundation Brush使用令底妝更透薄均勻

benefit Foundation Brush為扁平剪裁纖維刷，毛質有彈性但觸感較硬，優點係唔會太吸收粉底，基本上一泵份量已搞定全面連眼~ 留意用哩款掃容易起粉痕，要耐心拖開喔！

搽上POREfessional為平滑底妝做準備，毛孔變得無咁顯眼，上埋Hello Flawless Oxygen Wow膚色變均勻，修飾到面黃、泛紅同淺色斑痘印，單搽粉底連兔比嘅嚴重眼圈都可以減淡一半，但妝效自然貼服；維持大半日都冇變暗沉或令肌膚變乾，持久度都蠻滿意，T-zone少少溶之外都keep得唔錯呢~

上完底妝嫌太單調，搵出posietint  sample為面龐同嘴唇加一點色彩，比始袓benetint杰身，點上肌膚後要把握時間推開，否則就要之後較麻煩咁修正

顏色感覺甜美活潑，但似乎同兔比深膚色唔多match，都係掃多層bella bamba比較岩口味~

Read More

大西洋反"孔"奇兵列陣！

一到夏季肌膚泛油情況尤其嚴重，過多油脂積聚令毛孔變得粗大，汗水加上潮濕天氣令細菌滋生，令皮膚望落油淋淋，仲形成粉刺、黑頭及暗瘡等肌膚瑕疵，好在率先收到BIOTHERM嘅及時雨！就係最新反孔武器PURE-FECT SKIN Pure Skin Effect Hydrating Gel 零瑕淨肌保濕露

之前高度評價過BIOTHERM AQUA 3STEP（前文回顧：親身驗証BIOTHERM AQUA 3STEP水透奇蹟（下篇）。。。附免費試用情報），全套都被用光光！雖然家中尚有大量skincare，都趁SOGO THANKFUL WEEK回購左AQUASOURCE，可見兔比的確試上癮~

BIOTHERM當然唔只皇牌AQUASOURCE，全新推出PURE-FECT SKIN零瑕淨肌系列，潔淨、爽膚及保濕簡單3步曲就有效達致控油反「孔」，打造”PURE-FECT” (Pure Perfection) 零瑕肌

控油反「孔」關鍵在於當中蘊含嘅他他藻L.DIGITATA，為一種從北大西洋探索而來之神奇藻類，每日面對住潮汐、強烈紫外線同細菌無休止攻擊都可以頑強生存；氧氣不足情況下細菌就會滋生，而當他他藻受細菌威脅能即時釋放氧氣及氧化氫，自我創造潔淨抗菌環境，真正逆景自強！

BIOTHERM將他他藻萃取物融合礦物鋅ZINC，為肌膚帶來卓越控油抗菌功效，加上具有比滑石粉更強大“吸潮力”之珍珠岩PERLITE及保濕因子AQUATORIL，令配方同時達至收細毛孔及保濕效果，令肌膚時刻清爽純淨、細緻無瑕

BIOTHERM PURE-FECT SKIN Pure Skin Effect Hydrating Gel 零瑕淨肌保濕露用於潔淨爽膚後，清新保濕又具控油功效，令肌膚重現晶瑩剔透

測試結果顯示（*24位年齡由19至33歲擁有油性肌膚的女性，使用一次後測試結果）使用後肌膚油光即時減淡-24%，8小時持久啞光效果，皮脂分泌減少，毛孔顯著緊緻，展現肌膚零瑕光彩 

泵裝取用非常方便，一泵就有適當份量，比一罌罌包裝要用捧捧沾取更得人歡心~

質地好水潤幼滑，延伸性極強，吸收速度快，肌膚表面無丁點油膩或黏笠感覺

用面油紙印印果然無油份，夏天已經夠笠黐黐，至岩用哩類咁爽身嘅產品~ 

保濕效果都同樣出色

使用後面油明顯少左，雖不至零油但控油效果相當理想！試用一星期毛孔未覺有收細，但的確少左起黑頭同粉刺，肌膚更平滑細緻

相信佢好快會同AQUASOURCE一樣落得被用光光嘅下場  XD

Read More

觸得到流星雨。嗅得到星塵的氣味嗎？

近日受工作影響心情變得蠻爛，對排山倒海不能掌握嘅事感到相當壓力，或者之前一直未遇過咩大風浪，一時之間手足無措起黎，工作尚要繼續加把勁！

跌入情緒黑暗幽谷總渴望一點光，歸家路上抬頭望望夜空僅有嘅星星，心中煩惱不安感覺總得到一點舒緩，如果口袋中可以收藏一顆星星幾好呢~

兔比並唔係痴人説夢話，最近收到Thierry Mugler Angel全新淡香氛星環，蔚藍迴環配上流星，夢幻造型令人愛不釋手！

Read More

真的脫了嗎？！

前文回顧：
毛囊殺它死。。。告別毛毛手 @ Pretty Medical光纖嫩。脫 (1)
毛囊殺它死。。。告別毛毛手 @ Pretty Medical光纖嫩。脫 (2)
毛囊殺它死。。。告別毛毛手 @ Pretty Medical光纖嫩。脫 (3)
亂脫不如「嫩」脫。。。永「毛」休止的決擇
毛囊殺它死。。。告別毛毛手 @ Pretty Medical光纖嫩。脫 (4)

早前有幸成為其中一位blogger體驗 Pretty Medical「光纖嫩♥脫」，完成左一連4個月光纖脫上臂手毛療程

之前都曾經講過毛髮主要分生長期、退化期同休止期3個階段，生長期毛囊由於含大量黑色素最有效吸收激光，要達永久脫毛效果療程次數就視乎個人毛髮生長週期而定

Read More

美白新大陸。。。一撈一抹SkinPeptoxyl全新透亮晶瑩精華粉

最近兔比又發現左新大陸，就係哩種白色粉末啦！٩(˙▿˙)۶

含有效美白維他命C(抗壞血酸 Ascorbic Acid)，
仲可以促進骨膠原生長同預防肌膚提早老化，
真身其實係SkinPeptoxyl透亮晶瑩精華粉~ 

精華液用得多，精華粉都係第一次！
一直有用維他命C精華液，
兔比實在好想知道兩者有咩分別，
加上SkinPeptoxyl產品之前用過蠻不錯，
令兔比非常期待親身試試！
（前文回顧：殺殺殺！痘痘殺它死。。。SkinPeptoxyl全效舒緩修護素）

SkinPeptoxyl 透亮晶瑩精華粉Brightening Snow Powder
採用10%高濃度維他命C抗壞血酸，
有效保護每一個細胞以至基因，
免受由紫外線帶黎自由基侵害，
抗壞血酸同時蘊含大量抗氧化物，促進骨膠原生長，
高效抑制幼紋及黑色素形成，防止肌膚老化，
抗壞血酸更係科學證實唯一有效
改善皮膚暗啞嘅維他命C

SkinPeptoxyl為美國醫學美容品牌，
產品原產地同為美國，自然對產品有信心

透亮晶瑩精華粉最特別之處係
將抗壞血酸高濃度維他命C結合尖端技術製成粉狀

同常見以黑樽仔盛載嘅維他命C精華液分別好大，
可見精華粉穩定性較高唔會咁易變質

用法好簡單！
潔膚後倒出約一粒黃豆大小份量精華粉直接塗抹響面上，
或者混合用開嘅面霜或精華素使用，
再均勻塗抹響肌膚至完全吸收，
冇需要刻意轉用慣常產品去迎合，用法比較靈活~

為有更好效果，
今次會配搭同品牌透明質酸深層保濕精華混合使用

SkinPeptoxyl 透明質酸深層保濕精華
蘊含100%肌膚天然保濕因子透明質酸，
可以鎖住1,000倍水份，高度保濕肌膚；
而且含豐富維他命B5，有助修復及滋養受損肌膚

粉末就算單搽推兩推就會乳化成乳狀，但延伸性不足，
抹黎抹去都塗唔到幾大範圍(ㆀ˘･з･˘)
所以兔比只會混合其他產品使用

塗抹上肌膚無用一般維他命C精華液嘅吉吉地感覺，
不過要少少時間去完全吸收，
初初塗上肌膚摸落有點黏黏，
兔比會趁哩個時間搽眼霜按按眼周，
搽完時間岩岩好吸收晒唔再黏手，
跟手可以搽上面霜

試用14日色斑有淡化左一點，
膚質細緻度未覺有分別，
但無奈經過最近幾日猛烈陽光照射後，
明顯整體膚色深左．．．唉

手都曬黑左>.< 要試一下將精華粉混入Body Lotion搽搽

美白尚未成功，兔比仍需努力！

Read More

挑香氛由專家代勞。。。皇室御用世家的不凡體驗

上篇文章同大家分享點利用Guerlain全新Terracotta系列打造Sun Tan妝容（前文回顧：太陽神的戲法。。。打造簡易Sun Tan Look），除左Terracotta夏日妝物，不得不提品牌知名嘅氣氛！

事關Guerlain以氣氛起家至今已有超過180年歷史，創始人嬌蘭先生（Pierre-Francois-Pascal Guerlain）因為拿破崙三世皇后Eugenie調配左愛不釋手嘅Eau de Cologne Imperiale，而成為法國及歐洲皇室御用調香師，奠定皇室御用品牌地位

既然係皇室御用香氛品牌，Guerlain當然不甘平凡，特別於The ONE及置地廣場兩個「The Exclusives」香氛專櫃提供個人香水諮詢服務(Frangance Consultation)，從輕鬆傾談過程中了解客人對香味喜好，幫客人挑選適合香氛

一場黎到The ONE專櫃，品牌Marketing亦安排兔比體驗一下諮詢服務

Read More

太陽神的戲法。。。打造簡易Sun Tan Look

所謂一白遮三醜，女生大多追求美白，
不過夏天亦有人恨不得曬得一身蜜糖色肌膚，
但要理想效果談何容易，最怕曬傷或曬出斑斑．．．

多得仿曬產品冒起成件事就變得方便簡單，
蜜糖肌一瞬即可擁有！

每年夏季來臨Guerlain都會推出全新仿曬產品系列Terracotta，唔講唔知Terracotta早於1984年已經推出，仲早過兔比出世呢~ 

上周末兔比就應邀黎到Guerlain the One專櫃，由品牌化妝師Touch up打造一個精神翼翼嘅日曬妝容~

首先點印Sun Shimmer Highlighter胭脂液於頰骨，含珍珠貝母濃縮精華比粉狀胭脂透亮，自然透薄有如肌底透出效果，最讚係質地竟然一D都唔油唔笠！

有Sunny Pink及Spicy Coral兩色選擇，橙調嘅Spicy Coral感覺較有陽光活力，比紅調Sunny Pink更適合用於日曬妝，同兔比深膚色好搭配！ 

全面掃上Terracotta Light Sheer Bronzing Powder透薄古銅仿曬粉，馬上增添一份Sun-kiss感覺！

哩款多平面仿曬粉由古銅色調、耀目色澤及細緻珠光粒子精製而成，仲以晶石色素採光，加強古銅妝效透明感，亦可提亮暗啞古銅膚色（正正係兔比最需要嘅！٩(๑❛ᴗ❛๑)۶）

Brunettes、Sun Brunettes、Blondes及Sun Blondes四款色調，化妝師幫兔比選用較深嘅Sun Blondes色調，顏色都唔會過分深沉或閃爍，暗黃肌即時變成自然健康又富光澤嘅蜜糖肌！

當然工欲善其事，必須利其器，要成就均勻透亮妝效，當然唔少得一支專為仿曬粉而設嘅粉掃吧~ 哩支Retractable Bronzing Powder Brush伸縮古銅仿曬粉掃，密度確保沾取份量準繩嘅仿曬粉！

設計靈感黎自日本傳統歌舞伎町（Kabuki）化妝掃，掃毛密度高而且毛量唔會過軟或過硬，掃上面感覺舒適，仲有伸縮設計方便攜帶~ 

接住可用上Terracotta Sun in the City流金亮光閃粉或Terra Soleia古銅粉餅作highlight，可用於面部及身體，兩者作用相同只係色調唔同；以粉掃沾取均勻掃響面部輪廓突出地方（如眉骨或眼尾C-zone）、鎖骨或肩膊，為肌膚加上艷麗光芒，仲可以作眼影用，絕對係多用途妝物！

Terracotta Sun in the City以全新壓縮技術製作，不含厚重粒子成分，蘊含濃縮金色珍珠貝母顆粒不少於75﹪，以粉末精製粉餅稍稍用力按觸感竟然係軟軟地（忘了影實物(ㆀ˘･з･˘) ）

Terra Soleia為新珍藏版，用上Terracotta加大裝，size足可將全面遮蓋~ 可以狠狠掃響身體

哩塊壓有太陽圖案嘅大餅絕對令人驚艷！(๑✧◡✧๑) 點解可以華麗成咁？！仲有淡淡Aqua Allegoria Lys Soleia香氛味，兔比實在唔捨得用呢

個人選擇以Terra Soleia作highlight

因為Terracotta Sun in the City用響深膚色嘅兔比面上太亮，作眼影就可以

搽埋Rouge Automatique唇膏，整個感覺健康又精神冀冀！

哩支唇膏滑動開關設計的確巧妙~

曬太陽最怕曬傷，保護肌膚切記一定要搽上防曬産品並定時補搽！Terracotta系列亦有推出Sun Moisturiser Tan Booster ，有Sun Blondes SPF 30及Sun Brunettes SPF 15兩款不同防曬度嘅限量版防曬霜，面部身體都可適用

質感輕盈容易塗抹，推開後無著色但有花香

抗曬之餘當中牛油果多酚為本之Natur'Detox複合物作第二重保護，延隔污染物微粒及廢氣，並為肌膚排毒；加入提升古銅色素復合物（Tan Booster complex）及地中海沿岸國家古老樹木「角豆提取物」(carob extract)，幫助皮膚更快適應太陽光，自然刺激及加速色素細胞產生色素，用更短時間就可以曬出古銅膚色，又無需擔心被曬傷

得到Guerlain尊貴體驗之外，仲收到幾件厚禮包括Terra Soleia、迷你版Lys Soleia、香薰蠟燭及限量匙扣

匙扣造型超精緻，繫有香水樽造型仲有品牌logo同招牌蜜蜂圖案

係咪好想要呢？只要30/6前購物滿HK$1,000（包括任何花草水語系列香氛）就可獲贈匙扣同香薰蠟燭一套啦！

考考您：the One專櫃有一項特別諮詢服務提供，您知唔知係咩？（估中無獎XD）先賣個關子下篇再介紹您知~

Read More