初嘗Collagen Drink。跟Sammi飲H2O+ Collagen 8000 真係O WOR？！

多謝TheZtyle同H2O+俾我機會我參與「TheZtyle全城Beauty Blogger大聯盟之H2O+ Collagen8000提升肌膚6000倍水份」試用活動，今次係小妹第一次中試用，亦係第一次飲Collagen Drink，希望大家多多指教同可以支持一下。

前排晚晚睇電視都見到Sammi個廣告，不過廣告帶出msg唔多，其實哩支有咩成份同功效，我當時只覺一頭問號 

就等我帶大家睇睇佢係咩傢伙~

資料From H2O+ Collagen 8000小冊子：

Collagen 8000是榮獲「日本醫學交流協會醫療團」頒發認定證的膠原蛋白飲料，確定蘊含8000mg膠原蛋白、鯊魚軟骨素及其他美肌成分，有效被人體吸收，提升肌膚保濕度、彈性、光澤及緊緻度。

一盒10枝，每枝100ml，盒就話每晚飲一至兩枝，由於每次份量有成100ml，兩盒真係超級重．．．梗係啦！無返咁上下大枝又點有8000mg collagen咁多，拎到手軟都抵

有咩功效就要睇下佢D美肌成份啦~

膠原蛋白節﹣提升彈性、水分

鯊魚軟骨素為﹣ 鎖水、強化細胞黏結力，令刪膚光澤水潤

維他命C ﹣ 改善皮膚暗啞及抗氧化

維他命B6 ﹣ 加速細胞新陳代謝及血液循環，加速退走面上瑕疵，令面色紅潤有光澤

葡萄糖胺基酸﹣ 刺激軟骨及透明質酸組合，加速新陳代謝，令肌膚有光滑潤澤

今次試用兩盒共20枝，每日飲一枝，最初飲係每晚收工返屋企先飲，後來飲左一盒改為每朝飲，其實小冊子都建議大家早上，會比較易吸收。樽蓋只要俾少少力扭就OK，有sis話整到手，大家開蓋個陣要小心利邊

顏色似蘋果汁，味道不過不失，甜甜地似水密桃，不過有少少artifical taste，只要唔難飲就好，對哩類產品味道要求唔高~

開始試飲個排係痘痘高”瘋“期，過左2-3日開始謝，最緊要之後一直飲都無任何皮膚不穩定或爆瘡現象。 雖然自己肉眼每日歡察唔太見到有明顯分別，但細仔比較一下開始同飲左一盒後影嘅相就見到奇跡出現啦~

左邊係before，右邊係after，見到分別嗎？由於燈光問題膚色出入好大，不能作比較，皮膚較之前細緻，毛孔雖然無消失但的確收細左，掂！感覺水分都提升左，之前鼻位偶爾上粉餅有脫皮，宜家上粉都比較貼同少左甩皮仔。至於美白淡斑效果就唔太覺，可能因人而異

報告完畢！再次多謝TheZtyle同H2O+提供產品試用~ 打左好耐（我太龜速。。。)希望大家俾D support啦

每一個推及留言都係小妹出文動力啊~謝謝支持!

Read More

Shiseido Beauty Class初體驗+產品試用感

之前都無點用開Shiseido product，只係因為工作需要強效防曬，咁岩個時有promotion先第一次幫襯counter買Anessa，BA仲幫我join左member，後來先知原來member都幾so，有一次free修眉同小組化妝班，雖然counter貨貴dd，但都叫做回到本

~

尋晚去左Shiseido Beauty Centre上基礎化妝班，場地整齊企理，BA好nice仲唔會死Sell你買野，抵讚！檯面上面就係實習用嘅Skincare同Maquillage系列

 

每個位會有一份產品leaflet同化妝用具，因衛生問題粉卜同唇掃唔會提供，要自己帶

首先，BA會教大家用佢地特製嘅紙尺量度一下自己面闊度同長度，最理想嘅比例應該係1：1，如果唔同可以點解救呢？以我自己為例，面闊14.5cm長13.5cm，眉應該高D先好睇，唯有留眉上面D毛毛，之後將眉修高D，現階段只可以畫高D條眉，當然冇可能畫高成1cm去彌補，畫高2mm好啦。如果你同我相反面長就應該將眉修低D。

之後BA介紹下今次課堂用嘅產品，等大家自行選擇用邊款粉底同base，基本護膚後就正式開始，今次試左新推嘅Sherbet Base同Stick foundation。

Sherbet Base for緊緻毛孔同吸除油脂，岩晒熱天用，包裝係一支spray，噴出黎係泡泡，噴上手心感覺涼涼，搽上面推開超貼服，完全零粘lup感!完妝後幾個鐘食埋飯T-zone都冇點泛油，正! 除左打底外，平時就算冇化妝都可係印走面油後噴係粉卜印面做控油

一直都覺得粉條好乾，唔岩我D饑渴肌用，Maquillage Lasting Stick Foundation令我完全改觀。觸感幼滑易推，遮瑕度高除左個無敵熊貓眼之外，痘痘印完全遮蓋，concealor都慳返。上面唔厚而且貼服同遮到毛孔。不過有D位置要用粉卜上比較麻煩

值得一讚嘅仲有Full Vision Mascara，由於小妹睫毛好頑強，試過好多隻Mascara搽完都Dup，哩隻就可以hold到個Curl，增長效果好明顯仲根根分明。刷頭分兩邊，各有不同效果，一邊濃密一邊增長，梳開就可以唔駛Zig-zag

反而搪瓷唇膏唔太OK，始終不脫色唇膏都比較乾而且顏色唔太出，同廣告照出入頗大

妝前VS妝後

是次所用妝物： Sherbet Base, Lasting Stick Foundation, Concealor EX (眼圈用), Design Cheek Colors, 搪瓷唇膏, Long Stay Eyeliner, Brow Creator, Dual Glow Eyes

妝後明顯臉色明亮，痘痘印Bye-bye，用左Cheek Color打光影，鼻睇起黎高左，呵呵

成個課堂2hrs，完成後有sample送，有唇膏同Gentle cleansing cream，Gentle cleansing cream可以免沖水，用紙巾抹乾淨就OK，可以卸埋妝，岩晒拎返公司或者出外用

。

每一個推及留言都係小妹出文動力啊~謝謝支持!

Read More