9月 2011 ~ Tobit 兔比 ♥ Blog this way

9/26/2011

（影音）「假的真得了！」偽素顏妝容。。。附影音分享

Posted on 9/26/2011 06:30 by Tobit 兔比 | 5 comments

志雲大師話「真的假不了！」，兔比就話「假的真得了」！此話何解？

自從活動上體驗過 bareMinerals 礦物粉（前文回顧：Attention Please！祼妝革命。。。全天然鑽石級粉底快將登陸），佢就成為兔比至愛底妝品，由活動當日到目前為止未捨得轉用第二個品牌！無他嘅！用左佢可以呃到人，既可以修飾不均勻膚色同小瑕疵，又偽裝到自然素肌，薄薄一層已有令人滿意嘅coverage~

肌膚飲水時間。。。來自海洋的睡寶貝 + 最強舒緩保濕 5合1

Posted on 9/22/2011 07:48 by Tobit 兔比 | No comments

剛剛過左中秋又係轉季時候，天氣轉涼又開始變乾燥，容易抽走肌膚水分，緊記做好補濕，為肌底打好底子，今回一次過介紹大家兩款兔比心水保濕品~

最近以 F&B Club Bloggers 身份試用左~H2O+ Night Oasis Overnight Moisture Lock 8杯水晚間營養水面膜，入秋轉季時節最岩用！

蘊含海藻保濕精華、冰山翠湖藍藻、墨角藻同維他命粒子ACE，採用革命性「循環推拉程式」，成晚持續保存水份，同時淨化、排毒

含白色粒子嘅藍色凝膠面膜，聞落有好清新海洋氣味~

每晚臨訓前於面上搽上就可以，唔駛抹走或沖洗，搽完唔駛等就可以大覺訓，大忙人同懶人再無籍口唔敷mask~ 當然都可以當普通gel mask咁敷5-10分鐘再洗走

輕輕按摩白色維他命粒子會慢慢溶解，等一下已經開始被吸收，用手沾沾唔覺黏笠笠，好似響肌膚表面形成左一層保濕膜咁，點反訓都唔怕整污糟枕頭同被啦！

兔比訓覺至愛側訓，第朝起身肌膚表面仍然有層保濕膜耶~ 連續用左幾晚皮膚變得較水凝飽滿而且有光澤，油脂分泌都大大減少！

除左晚安面膜，特別推介兔比由夏天用到宜家嘅 Dr.Ci:Labo Aqua-Collagen-Gel ALOE COOL

前排皮膚狀態唔穩定，痘痘爆發整整一個月唔停，所用產品都要特別揀選過，而哩款正正岩用，有舒緩鎮靜作用而且成份天然，清爽又保濕，宜家入秋兔比都繼續用

添加蘆薈及9種美膚成分，達到修護、保濕穩定肌膚狀態作用

主要成份包括：
蘆薈 ﹣鎮定、消炎
甘草酸2K ﹣抗過敏、消炎
白金海洋膠原 ﹣保濕
APPS ﹣美白

一瓶足以取代化妝水、精華、乳液同makeup base，換言之洗面後直接搽佢就完成護膚程序，絕對係懶人首選~

早排太陽猛烈兔比要經常戶外工作，將佢放入雪櫃備用，搽個時透心涼，即時幫日曬完肌膚降溫同舒緩！

貼心附有小膠捧，為免污染未用嘅份量唔好直接用手沾產品啦！

想知道保濕效果如何吧？用兔比隻乾燥手試俾您睇

輕輕按摩感覺即時為肌膚解渴，只係滲透速度比想像中慢，但可以接受，而且吸收晒之後肌膚係爽而不笠！同無搽嘅另一隻手背比較觸感明顯滑溜~

絕對推介俾暗瘡同敏感肌膚用！

食肉獸的隨身上上「纖」

Posted on 9/17/2011 06:00 by Tobit 兔比 | No comments

身邊蠻多朋友係食肉獸，平日通常都多肉少菜，就算有食蔬菜生果習慣，相信冇幾多人每日都會攝取到建議纖維量吧？（註：根據美國National Fiber Council指引一般成年人每日需攝取32g纖維）

香港理工大學2007年調查發現，90.8%香港人每日攝取食用纖維量不足，超過50%更加低於建議量一半。由於都市人飲食習慣多肉少菜，加上經常外出用膳，普遍纖維量不足，可致便秘、大腸癌、中風同心臟病等

纖維對身體有幾重要？

﹣增加飽足感有助維持體重
﹣吸走降膽固醇及脂肪，平衡血脂
﹣減慢糖粉吸收，改善血糖水平
﹣吸收水份增加糞便體積，促進腸道蠕動，防止便秘
有研究證明纖維仲可以減低癌症風險同心臟病風險

最近試食左美國製造嘅Metamucil 美達施，獨立包裝方便隨身袋，食完野隨時沖杯補給纖維！

膠原蛋白如水般吸收可能嗎？除左神仙水仲有再生水！

Posted on 9/16/2011 01:58 by Tobit 兔比 | No comments

外用產品最著重分子大小，成份再有效分子太大都係徒然。最近以F&B Club Bloggers身份試用左近期廣告熱播，由名模周汶錡代言嘅Ultima II Procollagen Extrema系列膠原蛋白再生水同眼部精華，標磅終極微細膠原蛋白分子，有別一般產品分子只會停留皮膚表面，可以深入肌底。

沿自法國嘅尊貴護膚品牌Ultima II 自封膠原蛋白專家，係將膠原蛋白應用於護膚產品先驅，早於1980 年已經率先研發 100% 純穩定性膠原蛋白"Collagen Complex"，推出 CHR 緊緻系列，並於 2005 年推出含 90% Pure Collagen Extraordinaire Supreme 純膠原蛋白極緻精華，再接再厲推出 Procollagen 微晶膠原蛋白系列，以突破性科技提煉出較普通膠原蛋白體積細 1000 倍微晶膠原蛋白，將膠原蛋白護膚功效提升至更高境界。

Ultima II 今期主打產品Procollagen Extrema Advanced Activator 膠原蛋白再生水，以創新ProCollagen Extrema™微膠原分子科技，將膠原蛋白分子提煉至終極微細，極速穿透真皮層細胞，釋放龐大肌膚再生能量，喚醒、激活細胞自我新生機制，大量微膠原分子迅速填滿肌底，徹底修復受損真皮層組織，杜絕細紋、毛孔、凹凸洞、鬆弛等肌膚問題。

樽身都份量十足，小心打爛喔！樽口夠細唔怕一下倒過龍

平均每ml索價$6，絕對尊貴~ 看似液態質地，一抹感覺蠻黏稠，吸收度不俗，瞬間為肌膚補水，水分彈性level up！

哩隻再生水有多種用法，用於早晚護膚程序作日常修護，每次潔面後倒4-5滴於掌心搽上面同頸，輕拍吸收就可以。唔好睇小少少幾滴份量，由於濃度頗高而延伸性強，足夠滋潤全面。未完全吸收晒之前可能會有少少黏，不過稍候一下感覺就會消失，瞬即提升水份同幼滑度！

如果個別位置有嚴重肌膚問題包括幼滑度不足、毛孔粗大同油脂分泌過盛，可以用再生水濕邊化妝綿局步敷5分鐘作重點修護。

急救疲倦肌膚，以滲滿再生水面膜紙敷3-5分鐘，等肌膚大啖吸收膠原蛋白精華。哩類壓縮面膜紙響卓記同Sa記都輕易搵到，哩包售價不過$6~

急救用絕對唔慳得，要倒出足夠份量令面膜紙完全濕透，否則只會反吸收肌膚水份。

肌膚睇落更剔透，幾分鐘肌膚快速recharge！

除左再生水，同系列新品仲有Ultima II Procollagen Extrema Eye Essence 膠原蛋白眼部精華，高達3倍濃度膠原眼部精華，密集修護因膠原流失所引致細紋、鬆弛問題，強化眼周肌底細胞結構；針對難以吸收的眼周肌膚，利用創新ProCollagen Extrema™微膠原分子科技，將膠原蛋白分子提煉至終極微細，極速穿透真皮層細胞，徹底修復受損肌膚，有效撫平眼部細紋及眼袋，提升眼部緊緻輪廓，重整柔滑細緻明眸。

泵裝設計方便衛生，不過個人認為一泵分量似乎過多

粉紅半透明高濃度精華液，延伸性極強，質地滋潤但不油膩。要配合輕柔按摩吸收，按摩同時感覺到微温，似乎肌膚正吸收精華呢~

用左不足一星期感覺眼周肌膚緊緻左，細紋雖未見改善但眼袋被撫平唔少！

雖然宜家有好多方質疑外塗護膚產品標榜可以補充膠原蛋白成效，姑勿論補充到與否，膠原蛋白本身就有助增強皮膚儲水功能，滋潤皮膚，保持組織內外水分平衡，響皮膚表層都會係一種不錯保濕成份，何況Ultima II Procollagen Extrema兩款產品嘅吸收度同即時效果都有顯著好評喔~ 總評5★滿分的話，兔比會俾佢4★！

特別鳴謝F&B Club！

捉緊年輕。。。一波三折的膠原自生最終步。緊緻

Posted on 9/12/2011 08:10 by Tobit 兔比 | No comments

前文回顧：

捉緊年輕。。。膠原向外求不如靠自生

捉緊年輕。。。膠原自生第一步。更生

捉緊年輕。。。膠原自生第二步。增生

前文提到兔比獲reenex邀請體驗4項皇牌療程，之前已經先後體驗左CPS更生活膚療程、冷凍光膠原自生療程同HGF激活細胞增生療程。今次進行TRF膠原強效緊緻療程作為膠原自生最後一步 ﹣緊緻。地點同樣係有一流景觀嘅iSQUARE

今次療程體驗真係幾經波折．．．

同治療師Queenswood約左好幾次，一係兔比做左其他療程要延期（療程之間要等皮膚休息兩星期），就Queenswood病左。本來安排好上個月做療程，但係半個月黎痘痘都無停止爆發過

。一見面Queenswood已經覺得兔比皮膚狀態非常差，洗面嘅時候摸到額頭下巴都有大堆腫起嘅粒粒。

由於TRF會加速血液循環，可能令到爆痘情況進一步惡化，建議再約下次先做，先幫兔比敷上水份面膜，俾敷mask嘅時間考慮清楚，最後都係唔想冒險，無奈又要一拖再拖。不過今次可見reenex治療師提供好客觀意見，絕唔會唔理皮膚狀況胡亂就同客人進行療程。特別多謝Queenswood同Heidi體諒~

TRF膠原強效緊緻療程之TRF 射頻技術獨有「雙重緊緻效能」，為全港唯一結合單極同雙極射頻技術，所使用頻率同輸出能量較市面其他射頻療程更為有效改善膚質，療程效果更顯著、持久。療程令骨膠原受熱，而即時收緊及鞏固底層結構；有效即時緊緻肌膚、撫平皺紋、提升臉形輪廓。獲 FDA 及歐盟CE 認可，安全性無容置疑。

潔面後全面掃上精華油

開始喇！先後以兩個唔同形狀機頭快速往全面按摩，直至將皮膚溫度提升至40℃

第一個機頭針對皮下脂肪，而第二個頭針對紋理。

先由較多肉嘅半邊面開始，按摩先重點針對腮位然後至全面，當半邊面温度提升至40℃，就做另一邊。

過程中由於皮膚溫度提升，會感覺到由皮膚底層開始溫熱，當然熱力加速血液循環就自然會有發紅情況。有部分皮膚較薄地方可能會感覺灼熱，Queenswood響過程中都不時問兔比受唔受得到，響感覺較灼熱地方快速掠過。

每round兩分鐘會停一停以紅外線探熱器去監測一下溫度，達到40℃就可以收手。

即時比較一下已做嘅左邊同未做嘅右邊，原本較尖嘅右邊相對好似撻左落去咁，而左邊面緊緻左鬆弛肌肉，面部輪廓提升，臉形更瓜子~ 緊緻效果即時清晰可見！

接住馬上敷上水份mask紓緩同補水，完成療程後三日自己都要勤力敷mask，為肌膚補充足夠水份喔~

另外都趁機拉拉票，希望喜歡兔比分享嘅朋友都可以投兔比一票！登入 http://www.reenex.com.hk/edm/201108/RSTAR0811R/index.htm?key2=Y5MFWzGSKdTivfFRMfv0aedEcrHfc2OO&key3=10630917 投票仲可以免費體驗「膠原自生」基礎療程 – CPS更生活膚療程一次，完成後仲送您Bioderma卸妝水100ml，請大家多多支持！

私之變「髮」術。。。無傷害芒果染髮＋新奇變「髮」小玩意

Posted on 9/07/2011 07:00 by Tobit 兔比 | No comments

上回兔比剪左個靚頭（前文回顧：星級Salon用心施「髮」），冇幾耐又身痕想轉埋個髮色XP 其實對一次染已經係年頭，黑髮都已經生左好一時間，而且之前隻色又甩得八八九九，睇黎都係時候染染囉~

時間岩岩好！收到 Revlon Colorsilk Luminista

星級Salon用心施「髮」

Posted on 9/02/2011 09:54 by Tobit 兔比 | 1 comment

留左一頭亂草兩年多，天氣幾熱都唔捨得剪走。因為對上一次剪左個bob頭俾兔比佬埋怨，絕大部分男生對長髮女都有種情意結吧~ 何況留長髮可以玩多d hairstyle嘛！靜雞雞話您知目前為止兔比都仲未試過電曲髮（之前都只係捲同吹曲），所以呢點都堅持留長髮試試！為左電曲兩年黎都只係稍稍修修髮尾，保持住一個悶蛋頭．．．

早前收到首個體驗剪髮服務邀請，由O.H. Hair Salon髮型師操刀剪個夏日髮型，第一時間問清楚可唔可以唔剪成短髮先接受~XD 收到邀請信一睇真係傻眼！剪髮服務盛惠$480，當時無了解過O.H. Hair Salon嘅背景，心諗太貴了吧？！原來O.H Hair Salon來頭唔小，開業已經超過 17 年，曾為多個大型演唱會及時裝表演擔任髮型顧問，同時亦參與多位影視紅人髮型創作。當中星級顧客包括李克勤、周潤發、鍾楚紅、周慧敏、黃日華、吳家樂、洪天明、陳庭威、梁榮忠、汪琳、關禮傑、漢洋、陳蕊蕊同新晉組合 MVG 等。