10/31/2011

港女真有福。。。帶您見識SkinCeuticals全球獨有!

今次為大家介紹嘅全球獨有並非產品,而係 SkinCeuticals首間醫學美肌中心。殿堂級醫學護膚權威SkinCeuticals相信貼近美容情報嘅您都唔陌生,或者已經用過佢哋嘅產品,但美肌中心絕對係最新成立,而且哩間係全球第一間,所以話香港女生真有福~

早前 per Face 邀請兔比參觀同 Skinceuticals 合作成立嘅全球首間醫學美肌中心 - SkinCeuticals Advanced Medical Spa by per Face,而兔比之前體驗過 per Face 3As激光美白去斑療程,效果同服務都相當滿意(前文回顧:激光Bang Bang Bang。。。黑色素無得留低!),所以當知道可以率先參觀實在好興奮!


10/27/2011

神奇緊緻提升粉底?!令人嘩然的化妝體驗!

好榮幸成為十五位幸運兒其中之一出席Giorgio Armani Designer Lift活動,心情十級興奮!


Giorgio Armani都係兔比成為blogger先開始接觸嘅品牌,但一試就有相逢恨晚嘅感覺!上次推出嘅Eye to Kill Intense Eye Shadow已令兔比著迷!(前文回顧:Giorgio Armani打造殺死人電眼 (上篇)。。。變身狂野女生)顏色有如寶石咁豐富,鮮明又閃爍,質地幼滑貼服,持久度極高,BBQ過後都冇溶!


講返正題!時裝界起家嘅Giorgio Armani,服裝一向愛用絲質布料,化妝方面都推祟如絲般幼滑有光澤底妝,好似一向有口碑嘅粉底Silk Foundation就係代表。今次推出全新粉底Designer Lift Foundation,究竟有咩與別不同?


上星期兔比去Giorgio Armani沙田專門店出席Giorgio Armani Designer Lift活動,同場有小可力同Athena。


大會仲貼心安排左polka cafe職員奉上三文治同幫我地落飲品order,極為細心體貼!從來估唔到會響Giorgio Armani專門店入面開餐~

由National Face Designer Benjamin示範如何以Designer Lift Foundation塑造完美底妝,今次邀請左小可力做麻豆~

先薄薄搽上粉紅色色調UV Master Primer打底


針對黑眼圈、泛紅、印仔等瑕疵點上corrector修飾。眼圈無須全個範圍都搽,只要搽響最深色位置,然後搽少少響眼尾,用手指印貼。


主角出場啦!將適量Designer Lift Foundation擠響手背,然後用濕粉掃沾取,以向下向外方向掃上粉底


Designer Lift Foundation特別在針對因肌膚天然藍光變淡而變得暗黃又缺乏光澤問題,加入普魯士藍珍珠調光微粒子(Prussian Blue Pearl)均勻肌膚光澤度,令膚色回復通透,同時膚質更平滑細緻。具12小時提昇功效,妝效自然唔會似面具,質地滋潤得黎清爽,而且即時柔滑肌膚。

上完Designer Lift Foundation個邊面明顯有富光澤同通透,令人意外嘅係見到緊緻效果,神奇!


以concealor進一步遮蓋瑕疵,眼蓋薄薄搽上可以令眼影更加持久


以碎粉定妝,碎粉掃沾取碎粉然後響盒蓋印勻,如果過多可以先響紙巾印走多餘份量。上碎粉記得先用印嘅方式以免拖走遮瑕功夫,然後先掃開。




Benjamin表示秋冬潮流係富光澤感妝容,佢特別用上一盒4色嘅Jacquard Woven Face Color Palette,將最上方highlight色掃響T-zone、C-zone同下巴突出輪廓,然後同時沾取四色作胭脂


接住時間大家響Face Designer協助下自己動手做底妝,難得Benjamin黎到當然唔會要我地只化底妝而回,下半場佢繼續示範彩妝部分

眼妝會用Fall Collection 2011 Jacquard Woven Eye Color Palette,第一步先畫上黑色上眼線


紫色搽雙眼皮位置往上blend鬆,再加上綠色造出漸變層次


畫上黑色下眼線眼尾1/3再掃上紫色,留意上下眼線之間嘅連接。


擦上新推出Eye to Kill Mascara,具顯著睫毛增長效果,而且睫毛根根分明。





唇膏選擇beige色方便配襯秋冬服式


之後大家坐定定由Face Designer操刀化秋冬妝,示範過後Benjamin主動走近為我地執執妝容~


Giorgio Armani仲特別請黎Hair Stylist為我地set頭,大家都可以靚住行出專門店,相信無化妝品牌比Giorgio Armani安排得更周到!


扮完靚靚大家黎張合照,當然唔少得用心教學嘅Benjamin,大家有無覺得佢好似某個好chok嘅icon呢?XD


最後Giorgio Armani送上Designer Lift FoundationRouge d' Armani,有點受寵若驚呢~


當晚完全唔捨得落妝~ 肌膚睇起黎透亮無瑕,成功欺騙到人耶!


仲有個眼妝實在太太太靚!


一到Day Off日即刻試用
Designer Lift Foundation


質地水水好易推,最重要係唔覺厚,唔會有面具感~


兔比本身膚色較暗沉,但上左粉後變得通透,好喜歡哩種光澤感!痘印無刻意用concealor去遮,只係薄薄搽上一層Designer Lift Foundation已經修飾得唔錯,膚色均勻之餘又看似平滑(雖然本身粗糙到不得了
)。



多謝Giorgio Armani同HKCOSME安排左一個難忘晚上!

10/24/2011

心裡心裡有個謎。。。bareminerals礦物粉的迷思

近期好燒嘅 bareMinerals 終於登陸,響金鐘太古廣場Harvey Nichols同尖沙咀海運大廈FACES已經開設專櫃,大家唔再需要越洋入貨!兔比早前都推介左位想轉粉底嘅朋友仔去敗左套Get Started Kit,佢試過好滿意呢~


(影音)奢華的眼部肌膚深切治療!。。。附快鏡Demo

細細個就已經鍾意煲深夜時段嘅劇集同動畫,宜家唔煲電視改為晚晚上網煲文同打文遲遲唔肯去覺覺,眼仔休息唔夠,搞到黑眼圈同眼紋進一步惡化>< 絕對需要為對眼做一下深切治療!

還好手邊有半set Suisse Reborn全能骨膠原極緻修護眼部組合,包括超純骨膠原極緻修護眼部精華同頂級骨膠原彈性緊緻眼膜,作日常護理同深層修護都得。


金色包裝感覺尊貴非凡吧~ 無錯佢價錢的確唔平,一套包括4枝5ml 超純骨膠原極緻修護眼部精華同4對頂級骨膠原彈性緊緻眼膜,售價為$2,370,不過卓悅現售特價$1,280。哩套眼部組合結合左尖端骨膠原修護科技,絕對貴得有理~


超純骨膠原極緻修護眼部精華蘊含羽扇豆種籽萃取物,有效抗敏、改善同減少眼袋、眼肚形成;而加入透明質酸強效保濕鎖水,結合三元性肽,激發細胞活化、再生、新生,更具眼部抗皺效能;而植物性骨膠原EPI-V可以中和自由基,阻擋氧化侵害,增強眼周淋巴同微血管循環,有效阻截色素沉澱改善黑眼圈


無論滴管式設計同質感都好似平時用開嘅B5 gel,啫喱水質地滲透性強,推開之後以手指輕拍就已經吸收晒,而且既水嫩又無油膩感覺,唔怕出油脂粒~ 溫馨提示記得搽完眼部精華之後都要搽返眼霜鎖住養份喔!




作日常護理用擠出適量早晚搽響眼周再用手指輕力拍打,兩星期感覺眼周肌膚緊緻左,部份細紋被撫平,抗皺效果出色!對色素沉澱都見明顯改善(雖然都仲係好深色...)


話明深切治療當然要配合埋眼膜作深層修護!每星期至少兩次將滲透滿眼部精華嘅
頂級骨膠原彈性緊緻眼膜敷響眼下20-30分鐘,剩餘精華再按摩吸收唔需要洗走。

頂級骨膠原彈性緊緻眼膜採用德國著名骨膠原Matricol眼膜, 以「冷凍乾燥技術」將高效膠原蛋白纖維彈性因子鎖住,結合超純骨膠原極緻修護眼部精華嘅水溶性膠原蛋白,由於同肌膚基質相似,可迅速被皮膚吸收,調理肌層骨膠原排列,促進彈性蛋白新陳代謝,增加彈性防止皺摺形成


每對眼膜都獨立包裝,質地同平時接觸嘅乾性骨膠原面膜紙好似差唔多,摸落似發泡膠,只要一沾到水就會變軟。


滲透精華之後眼膜變得似咸菜,軟瀨瀨會好難貼得妥當,建議大家搽左精華響眼底先貼上眼膜,然後再加上精華,用法請見以下快鏡Demo。警告內有素顏,請做好心理準備!



註:由於舞唔掂部相機,拍到out focus...請見諒

要將眼膜完全滲透都要用蠻多份量嘅精華,想慳住用都唔得~


30分鐘過後眼膜仍然濕潤,輕輕按壓眼底吸收埋肌膚表層精華,肌膚明顯變得水水嫩嫩又富彈性,眼圈色素即時淡左一點~ 


老實講咁尊貴嘅修護品作日常護理兔比真係唔多捨得,或者岩重要日子前作急救之用吧~

10/20/2011

品味美酒與美食的Perfect Match

兔比並不嗜酒更加烈酒免問,不過某D場合偶爾都會飲返兩杯紅白酒。幾年前工作同紅酒品嚐工作坊拉上關係,好多時竪起耳仔聽埋一份,原來每個產地每個酒莊出品都有獨特之處,先知品酒絕唔簡單,係一種藝術一門學問


10/18/2011

神奇「肌因逆轉」膠囊。。。2星期回復幼嫩美肌

成日話年齡係女人嘅秘密,其實兔比並唔怕公開,只要睇起黎keep得後生過實際就好。青春邊個唔想?話咁易咩!每日努力咁搽呀搽又去做treatment,都係希望由外著手留住青春美肌,您又有冇試埋由內入手?

最近試左一款據稱有逆轉時光神奇效果嘅口服保健產品TANGUT逆轉醇250(Resveratrol),其白金級細胞復生配方專為亞洲人膚質研製,激活肌膚細胞。


含3種天然肌因逆轉分子,啟動美肌基因SIRT1,由內而外改善膚質,喚醒肌膚深處活力,從而促進肌膚細胞更生、加速肌膚修護能力及啟動抗氧化防護機制,密集提升肌膚緊實度和柔軟感,長期服用令使膚色變得均勻、白晢、剔透。


配方以特殊方式由最高逆轉醇含量嘅植物日本虎杖根粹取精華(Polygonum Cuspidatum Root Extract)中萃取出98%濃度反式(Trans)逆轉醇作為抗衰老原材料,加上源自盛產高級佳釀嘅智利紅葡萄多酚精華,內含豐盛抗氧物質。

逆轉醇250「肌因逆轉三部曲」包括「停止」疲倦暗啞「凝住」嬌嫩膚質「回復」肌膚緊緻
﹣ 停止皮膚組織受紫外線傷害達95%,強勁美白功效有效擊退各種色斑,抑制黑色素形成,保持肌膚白嫩;
﹣ 抗氧化能力為Q10 17倍,保護細胞免受自由基傷害;
﹣ 有效提昇骨膠原增生重組20%,回復飽滿潤澤及緊緻

產品以科學根據為本,採用全天然材料,提取物做過高純度認證,而且有國際合格標章,安全或療效考量依據臨床實驗證實,絕對安全可靠。

今次有別一般收到嘅試用品,隨產品收到一包枸杞乾同一個神秘小袋子,打開一睇原來係3粒種子


種子上面印有 "Love"同 "Longevity",源於TANGUT產品以天然植物提鍊亦支持綠色環保,將保護環境嘅心傳承開,收到唔止係一份產品仲有一個別具意義嘅訊息。


同其他口服保健品一樣,扭開蓋之後有蓋掩確保未經開封


一樽有30粒白色膠囊,放入口都唔怕苦,全粒吞服so easy~ 保健之用每日服用一粒,要加強療效就每日服用兩粒,由於兔比要於14日內試出效果,所以每日都啪兩粒。


經過連續14日,發現肌膚摸上去較之前柔軟滑溜,感覺似前幾年嘅肌膚咁幼嫩。毛孔都較之前收細左,透亮度明顯提升,另外好明顯係平日因缺水T-zone出油情況減輕左(期間冇轉保濕品而且只做左一次美白保濕facial),可見肌膚儲水能力的確有大大提升!


註:相片燈光色調有點出入,而且before照有點out focus,唔好意思

自我評分

使用逆轉醇250前
膚質細緻度(細): 3分
肌膚潤澤度(嫩): 4分
膚色均勻度(勻): 3分
膚色明亮度(亮): 3分

使用逆轉醇250後
膚質細緻度(細): 5分
肌膚潤澤度(嫩): 8分
膚色均勻度(勻): 5分
膚色明亮度(亮): 7分

一盒30粒售價$389,短時間已經可以見到效果,有肌膚問題嘅您不妨一試~ 要了解更多或訂購可以click入http://www.tangutcorp.com/product.php?cat=origin&p=detail&id=1&name=逆轉醇250