3/31/2011

Giorgio Armani打造殺死人電眼 (下篇)。。。自家Smoky Eye Step by Step

前文回顧:Giorgio Armani打造殺死人電眼 (上篇)。。。變身狂野女生

上回講到兔比獲邀參與Giorgio Armani Beauty Smoky Eyes Workshop,跟Giorgio Armani Beauty National Face Designer - Benjamin 學用全新Eyes to Kill Eye Shadow化smoky eye眼妝。活動後兔比仲得到Giorgio Armani Beauty送出嘅5件妝物,包括Eyes to Kill Eye Shadow、Maestro Eye Liner、Eyes to Kill Mascara同Rouge d' Armani。大感謝she.com同Giorgio Armani Beauty


 

今次會用獲贈嘅Eyes to Kill Eye Shadow親身示範點化smoky eye。Highlight底色為#10 Airy  Jade,主色為#1 Blast of Blue





由於化smoky eye至少要3個唔同色號嘅eye shadow,而只獲贈2個色號作底色同主色,所以今次示範用嘅啡色調炭灰色調會用其他品牌近似色號代替。




大家用Eyes to Kill Eye Shadow個時記得要掃上眼前先響紙巾上輕輕捽勻顏色,可避免飛粉


Step 1: 先完成整個底妝同眼部遮暇


Step 2: 先以highlight底色打亮整個上眼蓋

Step 3: 用啡色調掃於眼窩凹陷位,加強輪廓

Step 4: 用主色先搽響眼摺位,特別近眼尾位置再往上blend開

Step 5: 先用眼線筆先勾勒整條上眼線及下眼線尾1/3,然後炭灰色蓋於眼線,主色蓋於下眼線,然後用掃blend鬆


Step 6: 以Maestro Eye Liner再畫清晰上眼線,近眼尾微微往上曉

雖然一定無上次有好導師從旁協助化得咁好,不過眼仔sharp好多~(P.S.請無視兔比極深眼紋...最近唔夠訓,忙到冇時間去敷eye mask ><)




全新Eyes To Kill Intense眼影色系創作靈感源自義大利土地、 火山、 大理石、 寶石,令今季Smoky Eyes 前所未有地更多采、 更炫麗。 

運用突破性專利 Colorfil™ 混色科技, 結合濃烈而純淨色素及輕盈珍珠, 非凡閃爍光芒, 可不斷層疊揉合, 在眼瞼上形成炫亮深邃色彩,營造持久達24小時、 不起皺不碎落的完美妝容。

全新12款色調, 讓您隨心所欲,演繹出各種不同風格的 Armani Smoky Eyes 。 



Eyes to Kill Eye Shadow全新眼影質地有別普通粉狀同膏狀眼影搽上肌膚好似形成薄膜咁貼服,閃爍通透而且顯色度好高防油同持久度高,hold左半日都唔會溶左積響眼摺位。大推介!



Maestro Eye Liner筆尖較易控制,兔比初用Liquid Liner都handle到,推介俾Liquid Liner初心者~
 


 
Eyes to Kill Mascara成支好Metal感覺比較重身,一支纖長濃密,而且維持到捲曲度
 


 
Rouge d' Armani唇膏真身都有品牌logo,加添幾分貴氣吧~哩隻Beige色 (#103)淡淡顏色配Smoky Eye唔會令成個妝過份over。(記得胭脂都要盡量淡一D!)



Giorgio Armani Beauty除左深受追捧嘅底妝產品,原來妝產品同樣令人迷上,經過今次活動兔比都會多多留意Giorgio Armani Beauty產品啦!

3/28/2011

水潤大挑戰。。。保濕產品PK賽


GARNIER哩個開架品牌相信大家都唔陌生,早前成日睇電視見到代言人劉亦菲、劉若英同王力宏都話「呵護自己,更愛自己」。雖然如此,兔比之前都未曾用過GARNIER


早前有幸到出席品牌活動「GARNIER Challenge 水潤大挑戰」,唔單止加深對GARNIER了解,兔比同各位參加者都身負一個特別任務,咩任務就要賣賣關子先,睇落去您就知。


首先由GARNIER代表介紹一下品牌,原來品牌早響1904年已經於法國推出,產品採用天然成份,以大自然力量呵護肌膚。





最近GARNIER將「呵護自己,更愛自己」理念進一步延伸,改為TAKE CARE意思包括"Take care of yourself; Take care of others; Take care of the world around you"(關愛自己、關愛他人、關愛自然),同時加入成為品牌Logo一部份。






今次焦點係劉亦菲代言嘅AQUE DEFENSE水潤凝萃保濕系列


全員包括Moisturizing Cleansing Foam, Refreshing Toner, Non stop Intensive Moisturizing Essence, Moisturizing Cream同Hydrating Eye Roll-on。



 
戲玉黎啦!大家都要各自完成特別任務,就係做白老鼠比較一下市面上不同品牌嘅保濕產品。為左公平起見,各參加者唔會知道測試係咩品牌嘅產品,當然其中一款會係GARNIER  Aqua Defense Non stop Intensive Moisturizing Essence啦!大家都要乖乖地伸手入foamboad,工作人員會響大家手上搽上4款不同品牌產品,然後坐定定填問卷就香味、吸收度、即時保濕效果同清爽度各方面評分。





統計需時GARNIER當然唔會要大家呆等,一早已經安排左大家熟悉嘅Meling同營養師Sally為大家分享美容貼士。


Meling同大家分享每日護膚程序同心得,佢用左兩個好好嘅比喻令到大家都好易理解。




用太多唔同品牌產品就好似食Buffet,咩都食下好似搞到腸胃唔舒服,用護膚品都同樣道理,所以如果覺得個條line岩自己最好用晒成條line產品,而且揀成份天然產品,避免肌膚出現敏感。另外唔好慳住黎用,好似病左本來要食一份藥,但慳住將一次份量攤開幾次食,可能會遲D好,甚至分分鐘鐘醫唔好。
 
Meling指唔好以價錢去判斷產品好與壞,平野唔一定唔好。佢仲分享保濕精華妙用,可以將保濕精華同粉底mix埋上妝,令妝容更貼服,或者用黎轉妝個時加響化妝棉抹幾次即時補水。


營養師Sally提醒大家要響飲食入面多涉取維他命B促進新陳代謝,加上每日至少飲6-8杯水同適量運動,皮膚先會由內靚出黎。


 
GARNIER安排左好多款小食同跟品牌同樣咁fresh嘅蔬果汁款待大家。活動響中環Pure Bar舉行,地點都頗難搵,不過勝在環境好,野食都好好味~ 


 



最後當然係公佈一下水潤大挑戰結果,響大家不知情情況下,GARNIER  Aqua Defense Non stop Intensive Moisturizing Essence獲得最高評分,足証GARNIER雖作為開架品牌絕不比專櫃品牌出品遜色!





 
臨走前GARNIER送各參加者每人一袋AQUE DEFENSE水潤凝萃保濕系列產品,包括Moisturizing Cleansing Foam, Refreshing Toner, Non stop Intensive Moisturizing Essence, Moisturizing Cream同帶點復古味黑色化妝鏡。

 


帶得佢地返屋企當然要試用一下啦~

AQUE DEFENSE Moisturizing Cleansing Foam
起泡量普普通通,潔面泡都唔算綿密,但過水後丁點繃緊都感覺唔到,性質好温和。



AQUE DEFENSE Refreshing Toner
質地好水狀,快速滲透肌膚即時保濕,氣味好清新,相信大部份人都唔會抗拒。



AQUE DEFENSE Non stop Intensive Moisturizing Essence
有別於一般保濕精華,哩款係gel狀質地,搽上肌膚輕輕按摩就吸收左,肌膚表面唔油唔笠,反而好爽好涼浸浸,即時感覺水潤。



AQUE DEFENSE Moisturizing Cream
雖然Essence為gel狀都唔好忘記要搽面霜鎖水,以維持保濕效果。哩款cream質地介乎gel同cream,質地輕盈,一D都唔笠唔油,就算用面油印都唔會油淋淋。





以下係用響手背嘅效果,未搽任何野之前水份為-2(爆乾><),先搽Essence水份勁升至+5,由於未能顯示+5以上數字,再搽埋cream未見到分別,但油份保持+2不變,肌膚都變得飽滿水潤。


成個系列氣味好清新,相信大部份人都唔會抗拒。價錢親民,份量用多D都唔會傷荷包。即時達到保濕效果,而且好爽身,涼浸浸好舒服,夏天用就岩晒!

Giorgio Armani打造殺死人電眼 (上篇)。。。變身狂野女生

好榮幸再獲she.com美女Sandra邀請參與Giorgio Armani Beauty Smoky Eyes Workshop,兔比自問屬化妝低B班,難得有機會得到邀請參與化妝品牌活動,大感謝she.com同Giorgio Armani Beauty


 


 


 


Giorgio Armani Beauty 係兔比從來唔敢踏足化妝品專門店,感覺太高貴走入去好格格不入,恐怕會被忽視,今次活動之後真係完全改觀,所有店員都好友善呢~


 


收工後匆匆趕到活動舉行嘅Elements Giorgio Armani Beauty ,由於時間所限未定過神黎已經要開始化底妝。Face Designer Ruby響圍巾噴上香水先幫兔比鋪好,超貼心~




Ruby為兔比用每款產品同時都會作詳細介紹。先以Cleansing Milk潔面,有別一般同Cleansing Milk,哩款唔駛過水,倒響化妝綿就可以抹走污穢化妝,而且不留黏笠感覺。然後用上Regenessence系列,先抹上Lotion為肌膚補濕,再搽上Youth Regenerator同Multi corrective rejuvenating cream,基本護膚程序完成先可以化一個好嘅底妝。


 



 


首先由品牌代表介紹一下Giorgio Armani Beauty 同活動內容。




由National Face Designer of Giorgio Armani Beauty - Benjamin示範用全新Eyes to Kill系列為其中一位Blogger - Sabrina化smoky eye眼妝。Benjamin表示化smoky eye著重顏色層次感,眼圈要先修飾避免予人污糟感覺。


 



 


今次眼妝主打哩款全新Eyes to Kill Intense Eye Shadow,質地好特別,柔合幾種不同色調,顯色度極高。留意用法比較特別,以眼影掃沾取適量之後先輕輕響紙巾上捽捽(謹記唔係掃開!),混和一下色調先搽上眼,唔易飛粉而且非常貼服。


 



 



 


Step 1: 先以highlight色調打亮整個眼窩


 



 


Step 2: 用啡色加深眼窩凹陷位,凸出眼部輪廓


 



 


Step 3: 用主色先搽響眼摺位,再往上blend開


 



 


Step 4: 勾勒上眼線,畫至眼尾微微往上曉,再以炭灰色眼影蓋於眼線上


 



 



 


Step 5: 以眼線筆畫下眼線,再蓋主色於下眼線


 



 



  


Step 6: 最後擦上睫毛膏,眼妝部份就完成!


 



進一步增強立體感可以再用啡色加深眼窩凹陷位,同於眉骨及眼頭掃上highlight色調。4種色調眼影造化出smoky eye效果,層次感非常豐富,眼仔sharp晒~

 




示範過後當然係自己動手時間,由Face Designer貼身一對一指導同協助,Ruby為兔比先化右眼,之後自己落手化另一邊,每個step都會詳細去講解,有問題可以即時提出,非常照顧周到。


 


正式開始眼妝前Ruby為兔比先化好底妝,用上帶粉色珠光Light Master Primer,提升高澤感同調節膚色,再搽上有點coverage既Luminous Silk Foundation,眼底以Corrector加亮。


 



 


最後唔少得掃上Loose Powder定妝~以碎粉掃沾取適量先輕力印上面先掃開,可以避免底妝一下子被拖走。Giorgio Armani哩個Micro-Fil Loose Powder粉質好幼細~


 



 


兔比眼妝用#1, #6, #10 , 同 #13四個色號Eyes to Kill Intense Eye Shadow,其他妝物仲有Maestro Eye Liner 001 (上眼線)、Smooth Silk Eye Pencil #8 (下眼線)、Eyes to Kill Mascara Excess、Sheer Blush #5同Rouge d' Armani #103


 



 


Giorgio Armani Beauty 仲特別安排左兩位La Mod Hair Stylist為大家設計一個配合妝容既髮型。Hair Stylist指兔比Fringe比較短(平日係梳齊蔭),將Fringe夾粟米同倒刮增加volume,再往後夾起固定,反而後面就簡簡單單梳一條大馬尾。


 


全素顏跟全妝後分別大得太誇張了吧?加上哩個好Wild嘅髮型,同平日既兔比截然不同,返到屋企兔比媽都嚇左一跳!


 



 



 


好開心同場大部份都係熟悉既blog友仔,大家同Benjamin黎張大合照~


 




當然唔少得Ruby,兔比經常出錯整花底妝要麻煩佢修正,多謝Ruby咁耐心指導~


 



 


今次Workshop真係教得好清晰,而且一對一指導唔會有被忽視感覺~

另外,Giorgio Armani Beauty送俾大家兩款Eyes to Kill Intense Eye Shadow, Mascara, Maestro Eye Liner同Rouge d' Armani返屋企慢慢玩,仲有一次免費修眉服務,多謝Giorgio Armani Beauty嘅專貴款待!


 


密切留意兔比稍後出嘅Smoky Eyes妝文啦!


To be continue...