發表文章
夏天真係兔比最怕嘅季節，原因係兔比乃超級大汗人，再者好吸黑，咪以為一身深膚色係專登曬成，兔比絕對討厭同陽光玩遊戲！
對偏偏經常要出戶外做野嘅兔比黎講，防曬實在係必須品，用過嘅防曬絕對唔少，今次就介紹一下當中比較推介嘅！
HELIOCARE Ultra Gel SPF90 （HK$350/50ml）
真金白銀購自MD Skin solution，超高防曬度SPF90，咪睇佢係膏狀但唔油膩唔黏，唔會令皮膚透唔到氣，而且絕唔出現流白汗嘅尷尬場面。
有效阻隔UVA同UVB、抗氧化又可以保護細胞DNA，植物生物性抗曬配方，性質相對溫和，推介俾敏感皮膚嘅朋友。之前推介左俾同樣需要戶外工作嘅友人，用過都讚好！
SOFINA beaute Whitening Day Protector Moist sp（HK$320/32ml）
之前Blog文都介紹過嘅極爽身防曬乳液（前文回顧：油光。紫外線都唔駛怕！），大愛佢嘅超薄同爽身質地，肌膚明顯加添滑溜感，仲適用埋眼周唔洗另外搽眼部專用防曬~
可能以上兩款防曬價格都唔太相宜，最近兔比試左開架品牌Kiss Me出品Sunkiller BB納米防晒乳液同強效納米防晒乳液，價錢不過$52一支，相當抵用。兩款同樣係SPF50+及PA+++乳液，就算戶外活動都夠保護皮膚免受紫外線傷害。
BB納米防晒乳液係肉色乳液，同粉底液相近，而強效納米防晒乳液係白色乳液。兩款質地都好水，延伸性超強好易推開而且零黏笠，搽大半日肌膚都保持嫩嫩唔乾。
零油膩感，用面油紙都印唔到油，只係BB納米防晒乳液甩左D色。
BB納米防晒乳液有調色作用，搽左膚色明亮左無咁暗暗黃黃。以往兔比唔想用殘樣示人都會先搽高防曬再加BB cream遮醜，有佢出現就方便得多！雖然不及BB cream咁好coverage，不過如果您本身膚質好又追求爽爽嘅感覺，佢會幾岩您。不過留意份量唔好一次搽太多（當然太少又提供唔到足夠保護），唔只無助增加遮瑕度仲搞到塊面白得太假，尤其對於深膚色女生。
強效納米防晒乳液適用於面同身，搽上去唔會過白，不過留意搽身之後最好都用卸妝品徹底卸走，因為兔比發現用完沐浴露沖涼，手臂都仲留有白色殘留
唔知大家有無留意到日本出產嘅防曬產品唔會有高過SPF50？
由於SPF值標示太高會令人誤以為肌膚已有足夠保護而唔補搽（以前兔比就係咁誤解左。。。
），所以日本厚生勞働省所制定標準，所有日本生產防晒品可標示最高SPF值為SPF50，所有防晒功效高於SPF50產品都一律會標示為SPF50+
），所以日本厚生勞働省所制定標準，所有日本生產防晒品可標示最高SPF值為SPF50，所有防晒功效高於SPF50產品都一律會標示為SPF50+
