11/29/2010

好姊妹大日子預備篇。。。對朗豪酒店之大不滿!

上星期係相識十幾年既好姊妹大日子,同拍拖6年既老公拉埋天窗。兔比第一次做姊妹,姊妹團一共9人,雖然一年前已收到通知,但婚禮前不足一個月先開會,前後不過3次,一切都好似怱忙。有賴女主角悉心安排,由run down至佈置都全力指引同計劃。宜家先知搞wedding真係好多野令人傷透腦筋,僅僅一日要花上整整一年去籌劃

wedding前一日陪女主角去拎衫同物資去酒樓同酒店,原本已經排左timetable,幾點至幾點要做咩,點知拎衫check一大輪搞到遲左原定成粒鐘,之後大隊去酒樓放低晚裝同小禮物就去酒店佈置。

主人家book左朗豪酒店39/F一個900呎apartment接新娘,已經預先俾晒錢。去到lobby counter check-in,酒店主動話upgrade我地去上40/F 1000呎房間,本來應該係好事可惜個Floor No.有個"4"字,怕老人家唔鍾意。主人家同職員講要返原本book個間,職員先講間房俾佢地d高層住左,同層同面積既房都有人住左,一係轉一下層細100呎既房,由於要玩遊兄弟800呎唔夠用,臨時臨急冇得揀焗住要40/F,拖拖拉拉又浪費左時間。對朗豪酒店超不滿!點解客人俾左錢都可以冇房?咁book黎做乜?高層比客人大?點解唔將個什麼高層調上大房而要俾間有人book既佢?咁大間酒店都可以出d咁混亂既安排?!完全不合理!以後blacklist朗豪酒店!

佈置後既敬茶位


一堆玩兄弟既道具,D毛毛T back同bikini好搶鏡XD


上到房各姊妹先開會再夾手夾腳佈置,唔覺唔覺就幾個鐘,急急腳去朗豪坊食晚飯,就陪女主角返女家上頭。電視就見得多,第一次親身見到人上頭,d意頭野全部都係老人家主持,食過湯圓就返歸去,第二日要早起準備呢!


To be continue...

每一個推及留言都係小妹出文動力啊~謝謝支持!

11/26/2010

為了靚靚就要去睇醫生!(第三章終極篇)

前文回顧:
為了靚靚就要去睇醫生!(第一章)
為了靚靚就要去睇醫生!(第二章)

上回講到兔比做完Evvus皇牌Accolade激光去斑療程,分享5日後情況。話咁快到左療程後兩星期,到底D斑斑有無消失到呢?

登登登登。。。最新鮮熱辣近拍圖


斑斑似乎不見了,不過細心近睇有一堆堆好淡既色素留係原本位置,一般搽左BB Cream或化妝已經可以遮蓋到。平時正常客人應該要做幾次先OK,由於兔比只試左一次,所以有咁既效果已經好滿意~

好多謝BE同Evuus給予試用機會!兔比一定會繼續支持Neo Derm Group ^^

宜家唔只兔比同應邀既blogger可以免費體驗Evvus既專業服務,你都可以!如果你都想了解清楚自己皮膚狀況,同諮詢醫生護膚要點可以click入 http://www.evvus.com.hk/edm/201007/CELLE0810I/form.aspx?ref=CBEBG1110B 登記

11/24/2010

誰說減肥不可以吃零食?Keep住食都可以Keep瘦

唔知大家平時返工會唔會準備定好多零食止止口痕?兔比通常一到3點3就會發作,要搵野咬下先安樂仲可以提提神~不過有時食開又停唔到口,食得過多又唔健康又怕肥。尤其是OL一日坐足8-9粒鐘,點算?今次有隻健康又止到口痕既零食介紹俾大家。

Fruit Slim什菓瘦係一款含蒟蒻健康小食,高纖之餘仲係零脂肪,最岩怕肥又為食一族用黎代替平時食開既零食,咁就食得安心~


一共有3款口味選擇:芒果、藍莓、士多啤梨


要知健唔健康當然要先睇睇成份啦!成份包括果汁、蒟蒻、寒天、糖等


蒟蒻係纖體瘦身寵兒?(From wikipedia)

蒟蒻含有豐富纖維素,但只有很少的熱量。由於蒟蒻是素食的一種,以及口感特別,故頗受人們歡迎。食用前一般會先磨成粉,再進行加工。蒟蒻的主要成份為葡萄糖及甘露糖鍵結的多醣類,屬於水溶性纖維的一種。因為人的消化系統沒有能力將其消化和吸收,因此能夠幫助腸胃的蠕動,在日本有「胃腸清道夫」之稱。另一方面,蒟蒻的吸水力很強(吸收水份後可以膨脹50到100倍),容易產生飽足感,幫助減少吃入過量的食物及熱量
 
除左蒟蒻成分好處多多,一包14g幾乎係0脂肪!
 
包裝細細,唔怕食唔晒仲好容易放入手袋,返工或行街隨時隨地都食得。

 
一開包裝就聞到鮮果味,產品係一片片長方薄片,好似塊壓平左既果汁橡皮糖,細細塊可以成塊放入口慢慢咬,掂完手指都絕唔會黏笠笠,邊食邊做其他野都無問題。

 
初初入口味道好淡,但愈咬愈有果味甜甜地又幾滋味,令人想食多幾塊。兔比最鍾意藍莓味,個人覺得士多啤梨好似有D山楂味。
 
口感特別,咬落爽口似果乾,邊咬邊聽到"塑塑"聲,唔會黏牙。
 
記得食完飲杯暖水,蒟蒻吸收水份後膨脹,容易產生飽足感,自然唔想食咁多野,有助達到瘦身效果啦!
 
兔比帶左返公司同阿姐齊齊食,下午茶終於改食D健康小食啦!一D都唔黏手食完唔洗洗手就可以繼續做野^^


無益零食全部OUT!


產品評分(滿分5粒☆)

包裝:☆(大包一倍會好D,14g唔多夠喉)
味道:☆(3款口味仲有一款岩心水,香甜果味似食糖)
功效:☆(唔知係咪我太大食==“,覺得不太有飽肚感覺,不過健康小吃比平日食D又熱氣又糖分高既零食好
口感:☆(爽口唔黏牙,抵讚!)
總評:
 
前日去Mannings見到買3件有特價,一次過買晒3隻味試試最優惠!


每一個推及留言都係小妹出文動力啊~謝謝支持!

11/22/2010

Are you a Froyo Lover? Agnes b. 靚靚Froyo要吃一口嗎?

哩期開到周圍都係Frozen Yoghurt(Froyo)舖,兔比本身都鍾意食乳酪,不過最開心係可以落唔同既料食,好似食buffet咁free,平時去買杯裝邊有咁自由,又有幾多人會準備咁多撈黎食?

第一次同幾個朋友仔買左兩杯一齊食,一人食dd好快食晒~




第二次自己行嘉連威老道見到一間係自助形式,心思思又入左去,唔覺唔覺又斟左一大杯><一個人食未免太over...


原來agnes b.都有froyo,$30一杯120g連一款Topping同一款sauce,再加料每款$5,唔係貴出面好多,不過就好靚仔啦!
每日會供應原味同一種生果味,包括芒果、熱情果、香蕉、士多啤梨、菠蘿,日日不同。Topping選擇有啤梨、藍莓、Rainbow meringue(彩虹蛋白糖)、Mini profiterole(迷你泡芙)、DELICES tete cocoa powder(自家朱古力粒)、榛子曲奇、燕麥提子曲奇、蝴蝶餅及Millefeuille(拿破崙餅)、杏仁碎、榛子碎、Popping Boba爆珠(熱情果/原味乳酪)同Mochi,花多眼亂。醬料有朱古力、蜜桃、焦糖、菠蘿同布甸味5種

當日我選左Original加藍苺同mochi,sauce係chocolate sauce



兔比最愛落粟米片同藍莓,你呢?

11/18/2010

黑人都變白啦!見証一下Obagi-C Rx功效 (終極篇) 小心!內有驚嚇照

仲記得兔比講過自己用左套Obagi-C RX嗎?前文回顧:見証一下Obagi-C Rx功效 (二) ﹠ 見証一下Obagi-C Rx功效 (一)

我冇忘記過應承大家匯報結果,只係set product太襟用,一套夠我用足4個月,宜家除左支精華其他都仲有剩

有親身見過兔比都知我係屬於膚色深個堆,從來美白跟我無緣。坦白同大家講兔比做野既地方係地盤,而且唔只係響office齋坐,仲要出去行,一到夏天兔比就好怕,怕黑上加黑,變成賓賓...上上年仲讀梗U要去summer placement,兔比無知低估左紫外線威力,無用到高度數防曬,個時好似用SPF 25仲無補,結果。。。黑足一季,俾人笑似賓賓

夠樣衰了吧?預左大家會大笑,即管笑啦


上年夏天正式入行買左枝SPF50搽都黑左。。。應該係我補得太疏結果又係變左黑人

不過,今年夏天出現左美白救星,講緊既當然係上題既Obagi-C RX~用左成個夏季無黑過仲反而白左

Obagi-C Rx System 抗氧去斑系列


Obagi-C Rx System 抗氧去斑潔面啫喱 180mlObagi-C Rx System 抗氧去班精華素 30mlObagi-C Rx System 抗氧去斑日霜 57mlObagi-C Rx System 抗氧去斑防曬霜 SPF30 90mlObagi-C Rx System 抗氧去斑晚霜 57ml

效果如何有相為証,張圖係MD部皮膚分析機cap出黎,左邊係用之前,右邊係用到尾聲影




見到分別嗎?成個skin tone白左,連d淺色斑斑都fade out埋(影相個時兔比仲未做Evvus激光打斑)。睇條頸最清楚,兔比習慣用product順手搽埋少少去頸中間位,所以中間位比較白,而且素顏塊面同頸色差非常大。膚質細緻左唔少,T zone位明顯少左出油,連帶黑頭粉刺都減少,期間兔比冇搽其他收毛孔product。頭兩三個月會有甩皮現象,唔可以搞D皮仔由佢自己甩。 相信都有sis聞說Obagi-C RX係外國因為含對苯二酚而被禁售既傳聞。當初兔比買左之後上網睇到問都冇問就決心要用,因為相信MD咁大間公司(MD同dermes及reenex同公司)唔會賣違禁產品。之後同BA傾熟左先問返個傳聞,原來對苯二酚成分高於4%要醫生開,而Obagi-C RX只有4%,哩d傳聞都係相信有人為左打擊產品而捏造,Obagi已經向MD skin solution發左信澄清

不過由於Obagi-C RX相對普通產品算強效,有d皮膚可能唔適宜用,兔比唔建議大家貪平去水貨店買,寧願花多dd錢去MD買,有特定BA同你做皮膚分析同跟進,買之前睇下皮膚適唔適合先,用梗有咩問題都有人幫到,最開心係定期皮膚分析自己一路路睇到成效^^我自己係MD Skin Solution買BA會follow跟據情況,用到咁上下建議我將晚間個枝精華早晚都搽,日霜用晚間用係某D位,之後用到近尾就可以開始敷clay mask,一直有人guide住用

由於使用期間會好乾同甩皮仔,又唔可以敷水份mask,兔比唔建議大家秋冬用,免得乾到爆拆又痛~

成SET響MD Skin Solution買$3300,不過包晒早晚用既product,連保濕同deep clean mask都唔洗用。另外用EPS響MD買有6﹪優惠,用MD card可以折上折,所以抵好多~如果無MD card,兔比樂意幫忙買product,悄悄話搵我啦!


11/17/2010

為了靚靚就要去睇醫生!(第二章)

前文回顧:為了靚靚就要去睇醫生!(第一章)

上回講到兔比療程前見見醫生睇皮膚,仲約埋時候正式做Evvus皇牌Accolade激光去斑療程

到底色斑點形成?

黑色素細胞分佈於基底層細胞之間,作用是產生黑色素,保護皮膚減少受光線的傷害。若黑色素細胞老化而容易受刺激,令黑色素於不正常情況下大量產生,同時黑色素更容易於積聚後難以分解,形成色斑、膚色不均、暗瘡印/色印等色素沈澱問題


Accolade激光去斑療程原理

利用Q-switched 755nm Alexandrite波長打散黑色素,皮層的巨噬細胞將黑色素吞噬或藉新陳代謝或淋巴帶走,部份色素亦會浮上表皮層結痂而脫去。詳細原理可以參考 http://www.evvus.com.hk/treatment_tattoo.html 動態介紹。

Accolade激光去斑療程全過程

諮詢後相距兩日兔比再上返Evvus,同上次一樣報到再坐低等等,order左紅棗蜜一陣就送到面前,仲未飲完Assistant Nurse (AN)就出黎接我,佢好有耐性等我慢慢飲埋杯野先,不過實在唔想人等所以9秒9極速飲完


AN帶兔比先到療程房放低行裝後,就幫我箍好前蔭先卸妝潔面,手勢非常輕柔而且好仔細咁抹乾淨鼻旁等位置,每個步驟都會講佢做緊咩。

清潔完皮膚就素顏去影低皮膚做紀錄,正面左右邊各影一張。之後就返療程房坐定定等Dr. Lau黎,全程由AN帶住唔會行錯地方。等左一陣Dr. Lau就黎先睇睇皮膚,講講療程同意書上面既事項,當然無問題上面簽名就馬上開始。

第一步Dr. Lau先問一下想做邊part再用marker框位。Dr. Lau話兔比面上某幾點唔可以打,然後就解釋清楚原因。因為個D斑貼住毛孔或者係痣(痣要用第二種技術先KO到),仲有一大點Dr. Lau話一打黑色素會散開成一堆,商議好所有位置先繼續,而今次兔比會做兩邊面珠位。

第二步Dr. Lau會問清楚兔比有無對麻醉藥敏感,無問題就由AN搽麻醉膏係Mark左既位置,之後就要30mins等麻醉膏起效。AN貼心咁將椅背較低之後離開,等我可以趁哩段時間眠一眠, 期間佢會每10mins入黎睇睇。話咁快頭10mins過左,AN睇過皮膚無發紅或者唔舒服就再俾麻醉膏stay多20mins。30mins後AN抹走麻醉膏,然後通知Dr. Lau入黎開始療程。麻醉膏起效後覺得有點麻痺,無咩其他感覺,總之有搽麻醉個忽似唔屬於自己咁。

療程要開始啦!由於激光打到眼會好危險,AN先係兔比雙眼貼上一張保護片,貼住雙眼就會暫時開唔到,可以好放心。之後開始有凍風吹住面珠,聽到一下下“噠噠聲”,感覺到有野輕輕彈面珠位,無任何痛既感覺。由於凍風好強吹到個鼻,覺得透唔到氣好辛苦,兔比不其然深呼吸,Dr. Lau停一停問覺得點,我坦白講個凍風吹得令我透唔到氣。 佢叫AN幫我用板擋擋個鼻,感覺即時自在好多,然後繼續打一下停一停,打一下停一停...無幾耐就打晒兩邊面珠,等左陣無異常反應,就俾我開眼照一照鏡,見到斑斑位紅紅地腫腫地,似被蟲咬咁。Dr. Lau話會開消炎藥膏俾我返去搽,同提醒要做好防曬就先離開。

AN幫我厚厚咁搽凍GEL敷面一陣作舒緩,再抹走搽返面霜。AN再講講有咩product唔用得住同其他留意事項,仲派左張留意事項單張俾我。執埋行裝去影多次皮膚就可以簽單離開。不過兔比個前蔭箍到亂糟糟要搵個地方搞搞,centre有個梳妝檯位俾客人執執個樣先出門口,AN先帶我去然後拎埋飲品、消炎膏同單過黎俾我簽,簽完單講解完消炎膏用法,就同AN byebye啦~佢離開前叫我有問題可以打返黎。

梳妝檯整整齊齊,櫃桶有風筒同梳,檯面有水壺同hair spray,慢慢吹返靚個頭先行人。


療程後3日內都要搽消炎藥膏喔~


療程後第二日Evvus有職員打黎follow情況,問一下有無特別反應。

療程後所見所感

療程當晚:感覺面珠有D拿拿地,好似平日整損左咁,仲紅紅地不過已經無凸起,摸上去係平滑既。


第2-3日:無結焦,紅腫退左,只見斑斑色素變深色,好似由皮膚底浮左上面咁,摸上去無唔舒服感覺


第5日:不知不覺間斑斑變細點左,好似魔法咁~一睇相比較下自己都嚇一跳,效果非常好


期待稍後斑斑完全消失。。。究竟結果如何記得返黎睇啦!

待續...To be Continue

宜家唔只兔比同應邀既blogger可以免費體驗 Evvus 專業服務,你都可以!如果你都想了解清楚自己皮膚狀況,同諮詢醫生護膚要點可以click入 http://www.evvus.com.hk/edm/201007/CELLE0810I/form.aspx?ref=CBEBG1110B 登記

11/15/2010

令人食指大動的芝士菜式。。。安坐家中都可輕鬆享受芝士火鍋的美味

兔比對芝士真係情有獨鍾,任何野好似加左芝士都好味百倍,最愛食芝士火鍋,以前只有好少地方有得食仲要好貴,宜家好在意粉屋都有


早前抽中有份參加F&B Club活動 - 瑞士伊美芝士烹飪分享班,又中埋十月blog中有奬,多謝F&B對兔比厚愛!(^∇^)

今日下晝去左禮頓中心既煤氣烹飪中心參加烹飪班,第一次去煤氣烹飪中心,環境好大呢~成個Theatre咁可以容納幾十人,仲有埋大電視照顧埋後面既朋友。

導師為大家示範3款分別以伊曼頓大孔芝士(Emmentaler)、格魯耶爾芝士(Gruyere)同愛班錫拿芝士(Appenzeller)做既菜式,有芝士酒香雜菌多士、芝士肉醬意粉卷同炸芝士火腿茸薯仔蛋。

平日意粉就食唔少,意粉卷都係第一次見(兔比孤陋寡聞...=="),其實係一個筒形既闊麵,多左份新鮮感~用意粉卷比普通意粉卷花工夫,要小心咁將餡料鑲入去,用唧袋會比較方便。導師話左個煮意粉貼士俾大家聽,原來意粉係唔可以過冷河或沖水,煮完既意粉應該會有d 黏,如果一洗左層黏野d粉就唔上汁,咁就自然冇咁好味啦!另外煮菇既時候加D白酒或者拔蘭地可以辟左陣up味


最花工夫做係薯仔蛋,打爛薯仔切材料撈混,仲要搓成蛋形,上蛋白同麵包糠先炸,工序較多,食就開心煮就咪搞我


由於時間既關係幾道菜已經小預先準備好咁多人既分量,大家都可以一嚐示範菜式


兔比覺得意粉卷同薯仔蛋最yummy~芝士味好出match到其他材料。仲有芝士火鍋俾大家試味,個人覺得哩款酒味比較重,如果唔太受得酒既仲有一款無酒味既選擇,不過傳統既係酒味較濃


咁岩坐隔離係另一blogger Mika,見面兩次終於相認啦!Mika,下次會認得您架啦!


有點失望既係無得自己親自煮埋一份,得個睇字...不過臨走前每人收有一份由伊美芝士送既gift都好啦!有一包芝士火鍋同兩份朱古力火鍋,可以自己係屋企慢慢嘆啦!成包材料倒入鍋煮溶至軟流就食得,唔洗自己較味咁麻煩,岩晒懶人,哈哈!


喜歡芝士既你有無流緊口水先?如果你都想試試芝士火鍋同其他各種芝士可以去大間既supermarket揾搵~



11/13/2010

為了靚靚就要去睇醫生!(第一章)







上星期兔比做左個眼仔小手術,事緣大半年前左眼下眼線生左粒眼瘡,初初諗住無咩事,反正無咩大感覺,點知愈黎愈多人留意到,過左成半年我先去睇醫生,睇左兩次醫生滴眼藥水搽眼膏都無好過。



我忍唔住去睇眼科,醫生話咁耐粒米已經硬化左,一定要做小手術割左佢,為左好睇局住要做手術,仲要即時係診所開刀,真係嚇死兔比啦!除左脫智慧齒,咁大個女都無做過手術,仲要係眼度...今次真係自己攞黎衰,病向淺中醫真係無錯,大家一有唔妥好去睇醫生啦!有D症唔拖得架!


無幾耐兔比又睇醫生啦!



不過今次兔比冇病冇痛!見醫生純粹為左個靚字~作為Neo Derm忠實粉絲既我終於有機會試埋佢地最新Brand Evuus好多謝BE同Evuus


唔知大家對Neo Derm認識幾多呢?愛靚一族應該對Dermes、Reenex同Elyze唔會陌生,其實佢地都係Neo Derm Group既brand~早係2006年已經幫襯dermes,之後仲幫襯埋reenex,療程效果都令人非常滿意,宜家仲一直用梗旗下MD skin solution既product。Neo Derm既brand在我眼中係非常專業同可靠,所以有幸可以一試Evuus既療程,感到好榮幸。






關於Neo Derm Group
Neo Derm Group乃本港發展最迅速的專業醫學美容集團之一,專門零售及分銷經臨床驗證安全有效的醫學美容療程、產品及儀器設備,旗下共有14個知名醫學美容品牌,16間醫學美容中心及6間BIODERMA概念店。Neo Derm四大醫學美容品牌 Evvus細胞再生中心、reenex膠原自生中心、Elyze身體年輕再造中心及dermes激光永久脫毛中心,分別專注提供細胞再生、肌膚更生、塑身及激光永久脫毛四類型的醫學美容治療;而於本港獨家代理的知名醫學美容護膚品牌包括Obagi Medical、SkinMedica、BIODERMA、Bicelle、Exuviance、NeoStrata及Endocare,以及獲美國食品或藥物管理局(FDA)認可之醫學美容儀器設備,品牌包括Alma Lasers、Cynosure及Quantel Medical。至今業務分布香港、北京和上海,員工數目超過900人。2008年,集團更成為首間美容公司獲得享負盛名的香港管理專業協會優質管理金獎,確認Neo Derm在企業和品質管理範疇的成就。

如欲查詢更多資料,請瀏覽Neo Derm的官方網站: www.neoderm.com.hk


Accolade激光去斑療程 Evvus 其中一項皇牌療程









Accolade激光去斑療程
利用Q-switched 755nm Alexandrite波長,高效徹底解決皮膚色素問題,無論普遍的雀斑煩惱或是先天色素問題等都能迎刃而解。激光被黑色素(Melanin)吸收轉化成熱能,打散黑色素,皮層的巨噬細胞將黑色素吞噬或藉新陳代謝或淋巴帶走,部份色素亦會浮上表皮層結痂而脫去,去斑效果比一般去斑療程使用的1064nm激光波長高3倍


今次兔比會親身體驗同為大家直擊Accolade激光去斑療程既全個過程包括療程前醫生諮詢及療程後跟進。


收到email通知無幾耐,Evvus就打電話黎同兔比book時間同地點,今次揀左去銅鑼灣金朝陽中心接受療程。最令兔比驚喜係Evvus既超貼心,由於用緊set係MD skin solution買既 Obagi-C RX,Evvus check到record知兔比用緊竟然SMS提醒停用,完全估唔到!





Evvus係金朝陽中心既其中一樓全層,一開lift門就係reception,空間非常大環境整齊舒服。報到後就可以到休息區坐低。姐姐即時過黎問要唔要飲水或者其他飲品(有庶水、薑蜜、菊蜜等等),轉個頭就有一杯暖暖既庶水奉上。几上整齊放有公司小冊子、餅乾同糖,休息區除左有雜誌仲有一角有電腦可以用,而成個center都有免費Wifi,可以隨時上網。




填D資料等左陣Markeing同事Jenny就帶兔比入去療程區,了解一下中心環境。出入療程區需要拍卡,閒雜人唔可以隨便入去。



進行療程既房,十足牙醫診所,可見Evvus專業水準





哩度係拍攝皮膚既房,療程前後都會影低皮膚,以便跟進情況。個影相位係固定,確保每次燈光一樣先可以作比較



之後Jenny同兔比介紹一下Evvus同佢地既療程









話晒以前兔比都專修過2年Life Science,等我話你知細胞再生對我地皮膚有幾重要啦!(識少少扮代表,哈哈!)


讀過Bio都知我地係由細胞組成,身體任何部份都係由細胞分裂而成,主要有角質細胞(Corneocytes)、黑色素細胞(Melanocyte)及纖維母細胞(Fibroblast)影響皮膚表徵,主宰住皮膚生長同健康。當哩三大皮膚細胞隨著年紀增長或者紫外線等外來刺激開始受損老化,修補老化皮膚既能力就會減弱,各種皮膚衰老問題就會出現。



雖知道受損或老化細胞係無法回復原狀,除非神仙打救。可以做既係以新既健康細胞取代老化受損細胞,Evvus「細胞再生技術」就係透過高效醫學美容科技刺激皮膚幹細胞加速分裂繁殖新細胞,將皮膚恢復健康狀態,好似reset過部電腦去出廠設定咁。仲係唔明可以click入 http://www.evvus.com.hk/reborn.html 睇片


參觀完Jenny帶兔比去見負責療程既醫生Dr. K.K. Lau。每個客人療程之前都要先見見醫生,評估一下客人適唔適合做所選療程。Dr. Lau一邊問一邊寫,又用燈照皮膚左睇右睇,十足十平日睇病咁,一D都唔馬虎架~Dr. Lau除左講療程要注意既野同分析下皮膚狀況,仲醒左兔比一堆皮膚保養貼士。




Dr. Lau圖文並茂紀錄低皮膚狀況



好開心Dr. Lau話兔比用左set Obagi-R CX穩定左皮膚底層黑色素,療程效果會更好,Obagi真係好work!


見完Dr. Lau返reception book埋正式療程時間同簽返收據就走得啦!Jenny俾左兔比一本品牌小冊子同一張療程$500 cash voucher,第一次到就有見面禮~



宜家唔只兔比同應邀既blogger可以免費體驗Evvus既專業服務,你都可以!如果你都想了解清楚自己皮膚狀況,同諮詢醫生護膚要點可以click入 http://www.evvus.com.hk/edm/201007/CELLE0810I/form.aspx?ref=CBEBG1110B 登記


待續...

預告:為了靚靚就要去睇醫生!(第二章) 兔比將會分享成個療程過程同即時效果,記得返黎睇啦!





每一個推及留言都係小妹出文動力啊~謝謝支持!




創立於2008年,Evvus細胞再生專家是Neo Derm醫學美容集團旗下最新的尖端、專業醫學美容品牌。其專業醫生團隊一站式提供專業診斷、美容治療及護理服務;先根據客人肌膚狀態的分析,再度身訂做個人化的醫學美容療程組合,從細胞根源徹底改善肌膚問題。由諮詢至療程,均由醫生主理及跟進,確保服務高質、安全、可靠。品牌理念「細胞再生」(Cell regeneration)是希望透過由醫生主理的一系列高效醫學美容療程,刺激皮膚3大主要細胞,包括角質細胞、黑色素細胞及纖維母細胞,使其回復活力及健康狀態,令新細胞不斷增生以替代老化受損細胞,提升皮膚自我修補能力,全面改善色斑、鬆弛、皺紋、粗糙、毛孔、印痕、缺水等最少18個衰老問題, 令皮膚由底層細胞至外觀重新年輕一次。