水魚披嫁衣裳。。。兔比送上嘔心瀝血之作

水魚要嫁了嗎？

非也非也！影婚紗相其實係F&B x K11「閃耀．母親最幸福回憶」活動其中一個環節黎~
過去週末水魚受邀參與活動，兔比拉水魚衫尾都有份去做下手作仔同食餐好野（又跟水魚搵食，wakaka XD）

配合今次主題兔比會跟香港手工藝文化學院導師學造婚紗頭飾，好等水魚靚靚婚紗照更錦上添花~ DIY婚紗頭飾材料有剪成橢圓形嘅婚紗布料、針、粗身尼龍線、羽毛、紗、手工藝花用膠紙、假花蕊同樹葉。

導師一面講解大家就跟住做

布料先滑面向外對摺，用走針步由1cm位置起將布邊縫起黎（係咪好似一隻餃子呢？＝P）

包一束假花蕊響布料，然後索緊布料，以線尾將布料圈兩圈縫幾下綁實，睇得出係咩黎吧？

哩個工序要重覆十幾次，造出足夠數目嘅花瓣。唔好睇少哩個工序，要製作出一朵大花要將好多片布料縫埋，一次縫4層布要好用力，縫到手指頭都痛

成班工廠妹正在縫縫縫身邊有magmag、armui、snow同千千全部都係熟識嘅blogger，感覺特別開心呢~

化好妝嘅水魚黎督工之餘都幫下手

老老實實兔比平日唔會做家務，記憶中對上一次拎起支針縫縫縫，好似已經係中學時代上家政堂，兔比平時只會呆在電腦前面（夠宅了吧~），連手作仔都幾乎唔做，連兔比佬都只係收過一條溫暖牌頸巾，可想而知兔比絕非賢妻良母型（開始慚愧．．．

縫好花之後就係加上樹葉、羽毛同紗為花做點綴同遮擋底部瑕疵。兔比嘅嘔心瀝血之作面世！雖然手工絕對算唔上細緻，但平時唔縫開野，一下子竟然造得出哩個大作，實在太感動啦！（傻瓜未免太誇張了）

勞動完終於可以開餐啦！大會安排左Ant One一品螞蟻嘅美食俾大家嘆 

餐湯揀左雜菜湯，未飲已經聞到香味啦~

芝士白汁煙肉意粉，醬汁好香濃喔！

蕃茄牛柳粒燴飯，由於兔比唔食牛，唔知好唔好味

黑毛豬扒配露筍，塊豬扒幾juicy，唔錯~

最愛嘅甜品黎啦~表面有焦糖嘅cheesecake，中間軟滑面層脆脆

可惜有人要穿婚紗只可以淺嚐，wakaka~ 食飽飽就要怱怱離開，因為當日下晝仲獲邀出席「屈臣氏醫學美肌品牌聚餐」，下次同大家分享，宜家要休息啦~ 水魚些些您啊！

Categories: ● 一品螞蟻, ● 婚紗頭飾, ● ANT ONE, ● DIY, ● K11, 活動分享