衞生幫的自助日式火鍋店

絕大部分友人都唔介意口水尾，食飯都無需用公筷，不過當中總有人係衞生幫，不容許筷子來筷子往，一齊打邊爐（洗筷子?）更加免問

早前兔比響讚石山荷里活廣場睇完戲要揾食，發現左間蠻不錯嘅日式火鍋店，仲係少有嘅一人一鍋模式，可各自揀喜愛湯底，又迎合到唔鐘意洗筷子嘅衞生幫㖭~

哩家由「 日本村姑」林慧美開設嘅Nichigyu日牛涮涮鍋專門店，裝潢時尚有型，環境乾淨闊落，坐得舒服舒服

由入座起計任食90分鐘，可任點牛肉豬肉，其他食材包括醬油、蔬菜、丸類、飯、麵、飲品及Frozen Yogurt等則自助自取，款式算不少

特別一讚哩個四四方方以木箱包圍嘅鍋，就算檯面空間唔多都唔怕燙傷，設計特別又貼心~

湯底有豆乳、和牛清湯、昆布清湯、辣麵豉、骨膠原清雞湯5款選擇，湯底refill都係加湯而非滾水，唔會愈滾愈淡，兔比點骨膠原清雞湯味道清甜，而兔比佬嘅辣麵豉湯味道都蠻辣

不足係牛肉豬肉切得太薄，筷子一拖好易爛，食起黎無咩口感，點左兩碟最平價嘅澳洲牛肉（$128任食），其中一碟色澤偏粉紅，仲誤會左係豬肉，您分得出嗎？

自助食材雖無咩特別但選料不錯，稻庭烏冬幾煙韌，粟米鮮甜爽口，豆腐滑一滑

不過兔比最愛芝士魚腐，芝味十足，兔比一口氣食左4-5舊先罷休 (๑´ڡ`๑)

食完主菜少不了甜品！可以到自助bar斟Frozen Yogurt，斟出黎夠冰夠硬（去過另一家火鍋店雪糕一斟即溶(๑꒪ㅁ꒪๑)），純味Yogurt加上綿花糖味道原來好搭配~ 以下為兔比佬嘅重口味之作，斟到滿滿最後都全杯被兔比KO，滿足晒~

Categories: ● 日牛, ● 日式火鍋, ● 和牛, ● 食評, ● 涮涮鍋, ● Nichigyu, 飲飲食食