敗家手記。。。同場加影12月幸運收穫一大堆

新一年首先祝大家新年快樂！各位愈大愈靚~

本來哩篇文應該上年尾出，但由於時間關係遲左。

12月延續左11月既好運，中左幾份大禮同其他sis既禮物呢~

Blogger好禮

多謝Cat Hui~ 蘆薈Gel同日記面膜都係乾燥天氣補水用，頭㧜㧜起前髮用岩晒

majolica majorca限量品粉餅同粉盒，粉盒一如以往咁靚， 多謝詩詩~ 

超神秘同豐富既福袋，之前都唔知有咩，原來有飾物、公仔、匙扣、妝物、面膜、電話套同指甲貼貼，仲有一個rich袋仔裝住，多謝Vicke~ 

Free Gift晒冷

一連中左兩份ELLE二十三周年慶祝活動既禮物，有Shu Uemura同Benefit產品，其中Benefit個份要去到數碼港office拎，山長水遠，最慘係搭左入去等成大半個鐘先有小巴走．．．好彩Shu Uemura禮物可以郵寄領獎，寄左回郵信封兩日後就有收到啦！ELLE效率好高呢！

中左兩次「我的星級日記」投票獎，有VS閃鑽系列洗髮露潤髮乳、Whisper日用同Pantene CLINICARE急救修護精華，被

theZtyle

同事認得tim(因為去theZtyle度領獎) ><

另外中左~H2O+限量版全效修護套裝同collect point iphone 4 case，由於仲未去拎未有相post ＞＜

敗品一覽

購自吉吉島＄10店，買左個好靚同可愛既貓咪月曆俾阿姐，除左貓咪仲有好幾款選擇，有狗狗同啤啤，印得咁靚唔似值$10咁少呢！

上次無參與到Neutrogena試用，但見大家都讚handcream夠潤，趁Mann card有折又有棉手套送買左支試試，搽完戴住手套訓，可能我太大動作，起身發現其中一隻手套甩左唔知去邊

由於眼仔問題多多(前文獨一無二屬於您的眼圈眼紋DELETE KEY在此！有相為証)，eye cream又用晒可以轉過隻，於是係MD買左SkinMedica TNS illuminating eye cream，味道怪怪連BA都叫佢做臭條，希望可以減淡D紋仔啦~

託好姊妹日本honeymoon個時買nikon x porter單反機袋，平過響HK買水貨好多。用開個機袋唔靚，平時要將佢再放入用開既去街袋，有左哩個新袋就可以將部550D放入去揹出街，另一格可以放多支鏡頭，不過暫時未買可以用黎放銀包電話。

Categories: ● 女, ● 生活記敍, ● 敗家 porter nikon ELLE benefit, 敗家手記