最奢華護膚之道獻給如珠如寶的您。。。同場加映Pure Color春妝率先睇

無耐之前先收到Estée Lauder皇牌Advanced Night Repair 升級特潤基因修護露同全新Futurist Moisture-Infused Fluid Makeup 水潤亮澤修護粉底SPF15/PA++（前文回顧：1瓶啟動No. 1 DNA修護力量！）

估唔到過年前又應she.com之邀再有機會到Estée Lauder位於Times Square美妍中心參與活動，認真喜出望外！꒰๑▪ꌂ ⁃꒱ॢ✩⃛今次焦點係Re-Nutriv Ultimate Lift Age-Correcting Collection極緻提升活膚系列同Pure Color Topaz春妝系列

由Estée Lauder香港區首席化妝師Leo Wong為大家介紹Re-Nutriv Ultimate Lift Age-Correcting Collection極緻提升活膚系列全新成員Re-Nutriv Ultimate Lift Age-Correcting Mask 極緻提升活膚面膜同Ultimate Lift Age-Correcting Creme for Throat and Decolletage 極緻提升活膚頸霜

兩款同樣憑藉最先進科技，糅合珍貴高效矜貴成份。配方蘊含採自巴西礦場深處珍貴帶電礦物黑碧壐，配合抗膠原蛋白酶技術，促進天然膠原蛋白增生，修復受損彈性纖維，強化肌膚結構及密度，擊退皺紋、幼紋，緊緻肌膚。

Re-Nutriv Ultimate Lift Age-Correcting Mask質感豐潤，有深層保濕功效，高度滋潤及先進緊膚成分令肌膚柔滑而且加倍提升。

Re-Nutriv Ultimate Lift Age-Correcting Creme for Throat and Decolletage專為呵護柔弱頸胸部肌膚研發，針對撫平頸部平行幼紋及胸部垂直幼紋，令摺紋、膚色不均及疵瑕等問題一掃而左。

介紹完Re-Nutriv Ultimate Lift Age-Correcting Collection極緻提升活膚系列，我地將焦點移至最新春妝，Leo作為香港區首席化妝師當然要大顯身手，馬上示範以Pure Color Topaz春妝系列為model化妝。

Pure Color Topaz春妝系列薈集古銅、灰褐及暖沙等研麗色調，渲染玩味檸黃及綠色，用色別具創意

Pure Color Five Color EyeShadow Palette高清純色五色眼影彩盒，顏色可以配搭出唔同妝效，Leo話五色可以順時針或交錯配搭使用（1,3,5 或 2,4,5），唔一定要一次過搽晒，春季特別推出哩款Topaz Mosaic別注新色

今次示範眼妝想較突出眼線效果所以眼影用色唔會太過強烈，不過上眼影前唔好忘記以EyeShadow Base打底

眼影唔一定要搽晒成個眼窩，只要響眼簾最突處（大概眼珠位置）搽上1號色（閃或淺色）就可以加強立體感，而且閃爍色調更適合暗啞皮膚

用眼影掃側面搽上3號色於雙眼皮位置，最後將5號色搽響眼中央，因為已經打底搽左閃爍色調所以之後就算再搽啞黃色都唔會顯得老土

以全新限定版Pure Color Intense Kajai Eye Crayons粗略畫上眼線，用眼影捧blend鬆

然後再加強畫眼頭同眼尾令眼部更深邃，畫完下眼線之後記得唔好忘記填滿上下眼線連接位

哩支眼線筆靈感源自古印度女士繪畫深邃眼眸之濃黑顏料Kajal，柔滑質感容易描畫。

以多功能閃粉Pure Color Illuminating Powder Gelée春季限定新色Topaz Chameleon掃響額頭、T-zone同顴骨位作highlight

限定版Pure Color Illuminating Powder Gelée有型格蛇紋圖案壓紋，集液體、粉狀與啫喱凝膠質感於一身，可作亮肌、胭脂及打造輪廓之用，而且乾濕用都可以，乾用有約隱約現閃爍效果，濕用強化色效令輪廓更分明。

唇方面用淡色調Pure Color Sensuous Rouge Lip Color，專利「雙重誘芯設計」融合高清炫色科技幼滑鎖色外層搭配柔潤軟芯，就算唔搽潤唇膏打底都唔怕乾，Leo提醒搽唇膏要由嘴角搽起先唔會dup嘴~

就算用左金色黃色，皮膚無變黃同俗氣，反而有清新春天感覺

除左面部彩妝新品之外，連Pure Color高清純色指甲油都推限定新色Teal Topaz，哩款藍綠色調真係好有個性！

接住品牌竟然一改以往只教授護膚化妝主題，特意安排導師教大家動動手DIY精緻頸鍊！呼應Re-Nutriv Ultimate Lift Age-Correcting Collection極緻提升活膚系列當中含有南洋珍珠，製作材料會用上一大顆南洋珍珠，另外仲有珠仔、晶石、樹葉型扣。

頸鍊由兩條幼錬組成，導師教我地點將一個個配件加入原本平平無奇嘅幼錬上面。唔試過都唔知做一條錬都唔簡單，雖然步驟來來去去都係咁上下，不過好考一對巧手同明目嘅配合~

睇下大家都超投入架！（仲有時間攝低大家個專注樣~）

經過一輪搏鬥（當然要多得老師善後），終於勉強完成自己第一條作品！（留堂先完成到꒰ ×͈௰×͈̣ㆀ꒱՞包尾大班）

活動過後收到Estée Lauder送出嘅兩款新品，有矜貴嘅Re-Nutriv Ultimate Lift Age-Correcting Mask同肥嘟嘟Pure Color Intense Kajai Eye Crayons~

今次先同大家分享手上哩款Pure Color Intense Kajai Eye Crayons 

唔好睇佢又肥又粗，就以為好難控制，拎上手反而比幼身眼線筆感覺更實在更穩定，而筆尖粗幼視乎個人勤唔勤去刨，品牌連筆刨都為我地準備埋，非常貼心~

輕輕一筆已非常著色，而且筆芯柔滑易搽

上方為著色效果，中間係沖水後嘅情況，可見防水度高完全無甩色，不過佢係好易做blending個類eyeliner，所以千祈唔好揉眼

以上介紹Re-Nutriv Ultimate Lift Age-Correcting Collection新品及Pure Color Topaz春妝別注系列將於2月1日正式發售，大家要耐心等多兩日啦！

Read More

無須巧手畫花。。。手殘都可以DIY靚靚甲花

新年新開始相信大家一定會扮得靚靚示人，著靚衫化靚妝之餘有冇幫指甲粉飾下？

過年前有份參與iMORE x Purple House新春Konad 指甲印花彩繪工作坊，由Purple House教授印甲技巧，無須巧手畫花，自己都可以動手DIY新春氣氛甲~ 家中set Konad已被冷落左好一段時間，都係時候重温一下用法

PS. 是日無帶相機，用iphone拍嘅相片的確比較差，請見諒~

活動開始前Purple House已經為大家準備好福袋，同時係送俾大家嘅新年禮物包，有齊所用工具

包括Konad印油同Top Coat

Read More

歐洲粉紅旋風吹到香港。。。為愛美的自己營造每月驚喜

唔知大家有冇收信收郵件嘅心癮呢？（當然除左税單）兔比自己就有好期待打開信箱個刻，收到屬於自己嘅信或者郵件心中有種莫名喜悅（怪人．．．）有時淘到寶，明知幾時到貨但到手個刻都好興奮~ 如果您同兔比一樣享受收件嘅期盼，而且又愛好試唔同美容產品，今次介紹個好野俾您！

粉紅禮盒？！咪誤會係兔比佬早來嘅情人節禮物~ （佢先冇咁好心思ʕ•͡x•ʔ）

近期相繼出現好多款美容產品禮盒，相信有留意開美容情報嘅朋友都唔會陌生，訂戶每月會收到唔同禮盒，一盒入面有好幾款唔同品牌唔同類型產品試用裝，滿足心思思想試新產品，又唔好意思去專櫃拎sample，但又怕買左唔岩用嘅朋友。

好多blogger朋友早已收到一盒二盒咩box咩kit，當大家談論起但兔比從未接觸過，真係見笑~ 有幸過年前收到第一個禮盒，哩個就係最新同香港朋友見面嘅GLOSSYBOX！

GLOSSYBOX雖然今年先正式進駐香港，但業務早已成功托展至世界各地，包括法國、意大利、英國、德國、瑞典、澳洲、日本、韓國等，係國際級品牌。品牌每月會挑選一線品牌美容產品試用裝，組合成驚喜禮盒直接送到用戶屋企，名乎其實係送到上門~（訂雜誌都要去附近便利店換啦！）

當然大家最關注係內容吸唔吸引？抵唔抵買？馬上拆開頭炮一月份禮盒俾大家參考下

有BECCA - Beach Tint、*bliss - 檸檬+鼠尾草潤體霜 / fatgirl slim纖體乳霜 (*只限其一)、LANCÔME - Génifique 嫩肌活膚精華露、摩洛哥順髮油 - 摩洛哥順髮油、NUXE - Rêve De Miel®極緻蜂蜜日霜，絕大部分係大家相當熟悉嘅知名美容化妝品牌。GLOSSYBOX每月定價係HK$120 (已包括運費)，比較起黎雖然比同類型禮盒貴，但合作品牌都係一線，內容自然更有保証！

當中BECCA - Beach Tint更加係貨裝版，單價已經HK$330，遠比GLOSSYBOX訂購價HK$120仲要貴！當然每個月都會有唔同品牌同產品，二月份禮盒內容仍然係未知之數，不過一月份咁抵買，相信之後一定有咁上下強勁陣容~

隨盒附有產品簡短資料以及LANCÔME同BECCA推廣活動邀請卡。

訂購GLOSSYBOX先要到 https://www.glossybox.hk/ 創立帳號，好似其他網購一樣用信用卡或PAYPAL付款，訂購程序亦非常簡單快捷。另外為左切合訂購者需要，GLOSSYBOX邀請訂購者於登記註冊後填寫<我的美容檔案>，而GLOSSYBOX美容團隊會根據美容檔案為訂購者包裝更合心意禮盒。<我的美容檔案>包括14題關於膚質及喜好問題，話咁快就完成

收到禮盒體驗過產品之後，GLOSSYBOX鼓勵訂購者交流感受，特別推出GLOSSYDots積分計劃，收集滿1000 GLOSSYDots就可以換取免費禮盒。除左分享產品用後感，邀請朋友訂購GLOSSYBOX都可以獲GLOSSYDots。

兔比好欣賞GLOSSYBOX網站嘅用心製作，除左產品訂購仲係一個提供美容資訊平台，禮盒當中產品同合作品牌詳細資料都一覽無遺

據新聞稿表示會跟其他地區一樣推出內容包括彩妝和護膚的技巧、操作視頻教程，而且每月GlossyMag會將潮流最前端美容趨勢帶俾讀者，大家絕對要密切留意啦！

兔比諗咁得女生歡心嘅禮盒，男生作為情人節禮物送俾女友都唔錯吧~

GLOSSYBOX網址：http://www.glossybox.hk
Facebook: www.facebook.com/GLOSSYBOXHongKong
Twitter: www.twitter.com/glossyboxhk
Weibo: www.weibo.com/glossyboxhk
YouTube: www.youtube.com/glossyboxhk

聽日就係大年初一，兔比祝大家新年進步，龍馬精神，恭喜發財！꒰ ︠ु௰•꒱ु❤

Read More

敗家手記。。。:Chocoolate x Baby Milo年宵限定福袋

:Chocoolate x Baby Milo都已經唔再係新鮮事，早前Crossover兔比都敗左件TEE，今次賀年Crossover Pop Up Store殺入維園年宵市場相信都係潮界先河，不得不讚:Chocoolate嘅新意

Read More

覓食小記。。。鬧市中的小日本品嚐和風甜品

以前日本台場有個地方以老香港為藍本組成一個集餐廳同攤檔小天地叫“台場小香港"，唔知大家有冇去過呢？而尖沙咀鬧市竟然有個酷似昭和時代日本嘅小天地

Read More

銀河的完美約會 ♥ (ू•‧̫•ू )

周末瞞住兔比佬去左個約會，地點係尖沙咀Our Wonderland

一到場有專人彈奏抒情音樂，感覺好浪漫呢~ 個位仁兄仲係用手機彈琴架！

但坐響兔比旁邊嘅竟然係．．．．．．．．．．．．．．．．．．．．．．．．．．．

．．．．．．．．．．．．．．．．．．．．．．．．．．．．．．．．．．．．．．．．

．．．．．．．．．．．．．．．．．．．．．．．．．．．．．．．．．．．．．．．．

．．．．．．．．．．．．．．．．．．．．．．．．．．．．．．．．．．．．．．．．

竟然係．．．．．．．．．．．．．．．．．．．．．．．．．．．．．．．．．．．．．

Read More

1瓶啟動No. 1 DNA修護力量！

兔比雖仲未步入中女之列，但抗衰老永遠都唔會嫌太早吧~（笑）

肌膚作為我地抵禦環境第一道防線，每時每刻都飽受空氣污染、煙塵、UV等侵害，造成肌膚細胞DNA受損，令肌膚過早出現幼紋、皺紋、鬆弛、色斑等衰老痕跡。雖然肌膚本身可以自我修復，但環境侵害日益加劇，過往侵害逐漸積累，加上隨年齡增長自我修復能力削弱，無法及時徹底解決問題。

有女生可能會針對幼紋、皺紋、鬆弛、色斑不同衰老問題，一次過使用多款不同效能產品，但事實只要搵岩，一支就足以全面針對老化問題。

早前兔比獲Fashion & Beauty邀請試用近期廣告熱播Estée Lauder Advanced Night Repair 升級特潤基因修護露，老老實實兔比真係想試好耐，眾所周知Advanced Night Repair乃Estée Lauder皇牌產品！

Advanced Night Repair集結品牌累積30年DNA研究成果，全球20項國際專利配方，被奉為「完美配方」可以令肌膚雙回復青春活力；1年臨床測試証實每日使用，細紋、皺紋持續每日減淡，肌膚水分、彈性、光澤不斷提升，愈用愈水嫩細緻及年輕，相比之下無使用嘅肌膚更容易出現衰老問題。到底屬真屬假？作為美容白老鼠點都要試過先知。

慶祝品牌DNA修復科技踏入第30個年頭， 產品換上30周年限量版登場，有咩分別？大家黎個photohunt，先睇兔比手上哩支30周年限量版

而哩個係原有包裝

眼利嘅您應該見到吧？樽身正面鍍上金色，滴管上字句就換成“Estée Lauder 30 Years of Innovation”，包裝其實無其他大分別。

滴管設計加上啡色樽身，貴氣之餘感覺都特別專業可靠。其實個人對滴管裝精華零舍有好感，分量容易掌握~

質地雖然睇落黏稠，其實並唔難吸收，相反延伸性強好易推開，推兩推已經滲透左，即時肌膚覺得潤澤但唔油唔笠，晚間搽厚D都唔怕~ 如果硬要挑骨頭，就係氣味唔太好聞（或者唔係自己喜愛個類清新香味啦！）

試用時間唔太足夠，只有短短一星期但效果仍然可見，不愧為殿堂級精華！

肌膚透亮度有所提升，兔比特別棄用左一向用開嘅保濕精華，面霜前單用Advanced Night Repair肌膚都依然維持飽滿唔乾燥，比較之前膚質更細緻，可能時間太短細紋方面就似乎差唔多

Advanced Night Repair售價為$810/50ml或$570/30ml，價錢一定唔平，但哩類擁有多項專利嘅科研精華效果的確有目共睹，睇您個人覺得值唔值與否~ 總評5★滿分的話，兔比會俾佢4★！（如果價錢平D會再俾高分D =P）

兔比同時試埋Futurist Moisture-Infused Fluid Makeup 水潤亮澤修護粉底SPF15/PA++

專為亞洲人脆弱膚質研發，配合多種水潤保濕成份之卓越先進保濕配方，有效不斷滋潤澤肌膚，深層水漾功效維持肌膚全日水潤；同時具備柔光散射份子，高效隱藏毛孔及修飾瑕疵；超輕盈柔滑配方可輕易推開並塗勻於臉上，提供中度至高度遮瑕功效，創造完美自然妝效；SPF15/PA++ 防曬作用，保護肌膚免受環境傷害

泵裝設計都蠻方便，唔怕搞到一蓋都係咁messy~ 玻璃樽可以清晰見到剩餘份量

質地水潤幼滑，抹開後都唔覺油膩或乾燥感

薄薄一層膚色即變均勻，痘痘同印仔等瑕疵再點印，唔用遮瑕膏都已有滿意遮蓋力，毛孔都唔再顯眼！自然妝效又未至於但妝感唔厚重又有光澤感~

大半日都維持到無變暗，雖然T-zone有輕微溶妝但都可以接受~ 售價為$380/30ml，總評5★滿分的話，兔比會俾佢4★！

Read More