親身驗証BIOTHERM AQUA 3STEP水透奇蹟（下篇）。。。附免費試用情報

有賴飲用左兩盒MENARD Collagen Gold（前文回顧：美肌還原迎2012（下篇）。。。窩心的聖誕驚喜），膚質近期絕頂好！毛孔收晒又皮膚嫩滑^^（衰在爆左粒生理瘡==）不過仲有另一功臣，令兔比就算懶到一星期只敷一次面膜，都維持QQ肌，佢就係BIOTHERM AQUASOURCE溫泉爽膚系列！

自從上星期分享會過後開始試用全個系列（前文回顧：見証BIOTHERM AQUA 3STEP水透奇蹟（上篇）。。。附免費試用情報），兔比就不能自拔！只係早晚簡單123步驟就足夠，全個系列質地清爽之餘，竟然維持到肌膚長時間水嫩，加上清新花香味真係大愛！

馬上同大家分享下兔比嘅AQUA3STEP溫泉水潤3步曲

STEP 1：淨化潔膚

以溫泉爽膚微粒潔面啫喱清潔皮膚為後繼護膚程序作準備

溫泉爽膚微粒潔面啫喱含有微細幼滑軟粒，但唔係磨砂粒子，基本上感覺唔到佢地存在。

加水頗輕易就搓起豐富泡沫

兔比宜家日日將佢吱上整濕左嘅OLAY PRO-X潔面刷上直接洗面，連起泡時間都慳埋~XD 雖然起出嘅泡泡唔似潔面乳咁綿咁滑，但洗完乾淨清爽，而且就算兔比嘅乾燥肌用都冇丁點繃緊，讚！

STEP 2：平衡活肌

潔面之後馬上抹溫泉爽膚潔膚水，當中有專利成分Aquatoril™即時紓緩表皮，令肌膚感覺水潤。

溫泉爽膚潔膚水質地並唔黏稠

以化妝綿抹於肌膚感覺refreshing又輕易被皮膚吸收，超清爽！

特別留意係溫泉爽膚微粒潔面啫喱同溫泉爽膚潔膚水上都見到哩個Zn logo

代表含有Zinc平衡水油成分

STEP 3：5 層水透

最後當然係搽上溫泉保濕凝膠，當中蘊含專利成份Mannose (甘露醣)同5,000 公升溫泉水，突破一般表層保濕，滲入第 5 層肌膚補水，令肌膚由內至外水潤嫩滑。

亮點溫泉保濕凝膠大家都唔陌生吧？布丁咁滑溜嘅Gel，超好推！

拎適量然後分別點於面、額頭、下巴同鼻5點，再向外推勻，好快被肌膚吸收，而且摸落好清爽又滑不溜手~記得份量足夠就可以切記過多，否則吸收唔晒感覺會黏黏同起擦膠碎

溫泉保濕凝膠係不含礦物油同Paraben（防腐劑成份），敏感性膚質都可以用。

乾燥天氣下肌膚都係飽滿水噹噹，而且唔係只有一瞬間保濕效果，而係一整日潤澤滑溜感，無特別勤敷水份面膜油脂分泌都顯著減少！AQUASOURCE溫泉爽膚系列已經成為兔比No.1至愛保濕系列，必定回購~

無緣出席分享會嘅您都想親身體驗BIOTHERM AQUASOURCE水透奇蹟？
無問題！馬上click入 http://www.ckpgroup.com/clickcount/biotherm.php?id=24 登記就可以索取試用裝啦！

Categories: ● 保濕, ● 溫泉水, ● AQUASOURCE, ● BIOTHERM, 產品試用