玩指甲@20-8-10MirukuShop私甲派對

上星期五參加左MirukuShop私甲派對，好lucky第一次報就中纖^^

話時話我中四個時已經買左set KONAD玩，用過既次數十隻手指數得晒，因為印甲成功率太低，無咩心機好好去印．自從加入theZtyle行列之後經常見到大share自己D靚甲，平日無點玩指甲既我都被燒了，哩次機會正好偷下師~

 

因為遲到去到大家已經排排坐好，Jackie同阿枝準備左好多日本雜誌俾大家參考下款式，睇到眼花瞭亂，大家開始動手我仲未可以揸定主意，大落後．．．其他Sis講笑話我恐怕要留到12點

好多甲款可以參考呢~

一系列KONAD印油，咁多選擇好難make decision

最後用左橙同黃做主色，好Summer Aloha Feel~ 睇過Jackie示範後第一次自己用海綿印甲，先用閃粉白打底，再用海綿慢慢印出漸變效果，印嘅時間力度要好輕，我初初太粗魯印得好唔自然。最後用KONAD印圖案，今次只印打斜半幅花花圖案，對笨手笨腳既我難度好高，平時冇點用加上冇印過大圖案經常失敗收場，要阿枝從旁協助，真係要特別嗚謝佢咁好耐性教我！

完成品，橙黃色真係好match，呵呵~ 還OK吧?

阿枝出馬教路

各位Blogger Show off合照

臨走前敗了印甲片一塊，係夢寐以求既Lace圖案仲有好wild既豹紋

要係屋企多加練習印甲先得!

Categories: ● 竹中, ● 美甲, ● Konad, ● MirukuShop, 玩甲DIY, 活動分享