朱古力妹の美白作戰。。。美容大王的美白針揭秘！

美容大王大S曾經於其著作透露美白針係女明星曬唔黑嘅祕密，一直恨全身美白嘅兔比早前去台灣旅遊都親身一試！

友人介紹嘅英爵醫美於台灣非常知名（連大S著作中都有提及，創辦人為知名醫美品牌「Dr. Wu」創立者），而且友人嘅台灣朋友都曾經幫襯，所以就大膽一試！前一日先打去敦南館分店預約，單次收費為NT1,200（約HK$300），套票型式會更優惠

環境跟一般醫美中心無分別，去到先係填寫一下個人資料就可以開始，護士明顯非常熟練，消毒搵出血管再施骨過程好順利，對比香港Evvus護士拮兩針都搵唔到血管，兔比覺得台灣醫美護士太厲害！只有施針個一下有輕微痛楚

美白針為靜脈輸液，整個過程就好似吊鹽水咁，唔可以一次過馬上將針藥打入身體，需時40-60分鐘，護士會響點滴完再黎拔針，等候期間另一隻手仲可玩下iphone同掀雜誌

護士俾左個鐘兔比有咩需要可以隨時按鐘叫佢過黎

美白針成分大多為抗氧化成分，包括谷胱甘鈦（Glutathione）、傳明酸(Tranexamic Acid)及維他命C等，以生理鹽水稀釋成份經由血液循環至全身， 谷胱甘鈦有助於身體排毒有助細胞抗氧化；傳明酸則控制黑色素酵素作用，減少黑色素形成

完成點滴後見見駐場醫生，該時段正好係Dr. Wu駐場，可以解答關於皮膚或微整型疑問，Dr. Wu知道兔比非本地人無可能經常黎打美白針，建議服用美白丸，不過基於不清楚成份同功效，最後都拒絕，反而Dr.建議兔比做微整型改善鼻型Σ(-᷅_-᷄๑)

點滴過程期間或之後身體都冇唔舒服，還好一切正常~ 至於美白效果雖然Dr. Wu話一次都會見到輕微效果，但自己就唔多覺有，唯一副作用係M量明顯減少

出發前剛剛發生DR事件，友人都擔心注射安全性，唯獨兔比一心美白唔知驚，後來睇返資料先知原來有機會導致肝腎衰竭，當中成分傳明酸屬凝血劑，具有止血抗炎藥理效果，須經肝腎排出，長期使用會加添肝腎負擔，增加肝腎衰竭機會 ，針藥之獨家秘方詳細成份同濃度都無公開，安全性成疑，而且透過靜脈注射，成份好快大多經2-3日代謝後排出體外，有效送到皮膚影響黑色素生成哩點無實則科學理據支持，只係個人主觀感覺；美容達人Queenie Chan就曾經因為打美白針而差D無命（相關請見：致命美容針 !!!），所以要美白嘅各位都係唔好冒險，命仔緊要呀！

雖然同類嘅美白點滴都唔會有膽再試，兔比嘅美白夢依然未中斷，尤其夏天戶外工作無可避免會黑上加黑．．．所以美白作戰絕對唔可以中止，就算冬季陽光無咁猛烈都唔可以鬆懈！當然天生膚色深只好認命，所以兔比唔渴求要有白哲肌膚，但要無色斑而且要有健康光澤~

Point 1 - 去除多餘角質

曾幾何時認識嘅朋友都俾兔比嚇親，膚色不單深而且仲好似有層灰咁，暗啞無生氣．．．後來開始對護膚有點認知，先知道角質層過厚會令皮膚變得暗沉，情況如同一層厚厚保鮮紙包住皮膚，皮膚睇落又點會剔透？而且就算用咩護膚品都吸收唔到，解決方法可選擇做面部磨砂或選用果酸成分產品

Neostrata Gel Plus 及 Facial Cleanser 係兔比回購再回購嘅果酸產品（相中為舊包裝）

Gel Plus 含15% AHA（Alpha Hydroxy Acids），可作家用Peeling 15-20分鐘後清洗或薄搽於厚角質地方， 可以去除老化角質層及疏通毛孔，改善粗糙暗啞肌膚而且有助污垢排出；Facial Cleanser 含4%PHA（Polyhydroxy Acids） 性質較AHA溫和，敏感性皮膚都岩用，最讚係乾燥肌膚用都絕唔乾燥繃緊~ 果酸產品有助回復角質細胞自我更生能力，加速過厚及老化角質脫落，持續使用對暗啞及粉刺肌膚都會有改善喔！

除左家用產品，唔少美容院都有煥膚療程，滲透力比家用產品強得多，兔比自己曾經都每兩星期到reenex進行CPS（前文回顧：捉緊年輕。。。膠原自生第一步。更生），每次做完肌膚馬上變明亮，而且額上暗粒都會漸漸退走~ 宜家無再去做CPS，但自己敗左套30% AHA響屋企做

Point 2 - 外用美白良品

兔比自問用過不少美白產品，個人較喜愛美白精華液有Bicelle Advanced C+ Whitening Serum、HABA White Lady及Shiseido WHITE LUCENT Intensive Spot Targeting Serum+ （前文回顧：美白要升呢美透白（下篇）。。。SHISEIDO WHITE LUCENT美透白目標達成？！），三者吸收度都理想，可以均勻膚色同淡化色斑

要數用過效果最顯著之美白產品，必定係 Obagi CRX System（前文回顧：黑人都變白啦！見証一下Obagi-C Rx功效 (終極篇) 小心！內有驚嚇照），為市面上唯一糅合醫學成分含對笨二酚(4%) 及左旋維他命C (10%)之系統化產品，可抵禦游離基氧化作用，集美白淡班及平滑肌膚功效，不過由於比較強效使用前建議先諮詢BA意見

Point 3 - 激光打散黑色素

使用美白產品等見效嫌太慢，可以考慮進行激光美白療程（前文回顧：誰說激光不宜在秋冬？！；我敢說這是最RELAX的激光療程），美白效果即時可見而且效果顯著，既均勻膚色又改善到色斑（退斑要進行好幾次），但療程後必須加強肌膚保濕

Point 4 - 同陽光捉迷藏

紫外線係美白大敵，黑色素由肌膚底層黑色素細胞所製造，當黑色素細胞內酪胺酸受紫外線刺激會分泌黑色素保護肌膚，而黑色素沉澱就會形成色斑，所以日間不論身處室內外，晴天雨天都應該習慣搽上防曬產品，留意防曬品應該於出門前15分鐘搽上，而且一般黎講需要2-3個鐘補搽，出汗或游水之後都要補

除左使用防曬品兔比會避免陽光直接曝曬，特別夏天盡可能唔會逗留響無瓦遮頭嘅地方，而且會隨身帶把縮骨遮，就係早前為大家介紹過經專業防紫外光塗層處理過嘅ULA雨遮，經官方驗證有效地阻擋96%以上UV（前文回顧：晴雨不離身必需品 ♥ 大愛非一般雨傘（送禮活動））

Point 5 - 體內的美白鬥士

檸檬含豐富維他命C，多飲有助美白肌膚，最好每朝空肚飲1-2杯檸檬水，可防止黑色素積聚，宋慧喬都曾透露靠每日3L檸檬水維持體重同白皙皮膚~

Categories: ● 大S, ● 去角質, ● 台灣, ● 谷胱甘鈦, ● 注射, ● 美白, ● 美白針, ● 美白點滴, ● 英爵醫美, ● 傳明酸, ● 點滴, ● 醫美, ● Dr. Wu, 愛美體驗