最差勁化妝工作坊 @ Anna Sui

Anna Sui那些年係兔比至愛化妝品牌（雖然宜家都喜愛），夢幻包裝加上玫瑰花香的確會令人著迷~

上星期收到SOGO CLUB EDM有Anna Sui聖誕化妝工作坊，馬上打去報名~ 尋日滿心歡喜去工作坊，最後係失望離開．．．

本來揾埋朋友仔一齊去，不過遲左半晝報名已經Full晒，只好一個人去，還好遇到Fungling有個伴~

成個場地有5-6張檯，每張檯坐4個人，每檯有一個BA standby。外面有Demo教授，但位置都係比較遠（兔比已經坐第一檯），個model坐側右邊面向backdrop，而makeup artist就化右邊面，基本上完全睇唔前面做咩

遲到關係急急忙忙化底妝，起初有BA協助遞上底妝產品，不過有嚴重深黑眼圈嘅兔比絕唔可以缺少遮瑕膏，點知原來佢地冇預備遮瑕膏，BA叫我之後去2/F專櫃拎gift個時借用

大家化完底妝，眼妝部分開始示範，BA已經叫大家搽定cream eye shadow，兔比唔明點解要咁急唔等大家睇埋先？不過算啦！反正根本唔知前面示範D咩，根本冇人在乎後面睇唔睇到

之後開始自己化眼妝，可惜化妝品非常欠缺，每檯每個色號得一盒眼影（聖誕限量眼影只得兩個色號），還好我地個檯岩岩每個色號得兩個人揀，如果唔係咪有排等，而且都顯得品牌吝嗇。

檯上除左化妝掃仲有即棄眼影海線捧同唇掃，當然衞生起見用即棄眼影捧一定比眼影掃好，可惜支眼影捧一邊搽一邊甩出黑色海綿碎，最後只好改用眼影掃．．．不過D掃都唔知有冇清潔乾淨，仲見到有D粉殘留響掃上（兔比參與個場已經係當日第一場）而且BA都無瑕照顧，我同Fungling都係自己波完成全妝，用佢D product自己有自己玩~ 

聖誕彩妝品有6色眼彩同唇彩，眼影顯色度高而且有超多閃粉，係bling爆之選~ 不過上眼妝前絕對需要響眼下搽上碎粉方便清理閃粉

之後去2/F專櫃換gift，但BA感覺唔多親切，只係望兩望拎左gift無借到遮瑕膏就走，由於兔比之後仲要去Shiseido活動，結果去搵cle de peau嘅朋友求救，一借concealor遮遮醜，真係聞名不如試用，遮瑕度高又唔乾，睇黎要入一支看門口啦！

Categories: ● 工作坊, ● 化妝, ● 彩妝, ● 聖誕, ● Anna Sui, ● SOGO CLUB, 生活點滴