Related Posts with Thumbnails

10/18/2010

非一般機械式美肌療程 @ Elite Beauty

上月幸運地再次得到試用機會,今次試做「Elite Beauty 3元活化淨白美肌療程」,多謝theZtyle 同Elite Beauty~

收到 theZtyle 通知第二日Elite Beauty已經打黎搵兔比約時間,好有效率,個時未決定時間所以話再打去book,之後又大頭蝦無左件事,又左過一日Elite Beauty又再主動打俾兔比,實在太貼心

試用分店係銅鑼灣,響SOGO隔離,十分就腳





一到埗佢地分店主任先帶兔比去會客房,奉上一杯暖暖既羅漢果茶,然後介紹一下試用咩療程同填返D資料,了解返我改善咩問題同睇睇適唔適合做哩個療程,一切OK就簽一張“接受療程同意書”,講解得好清晰詳細



今次試做3元活化淨白美肌療程醫學煥膚療程,主要作用係分解表皮老化細胞,刺激膠原蛋白生長,加速蛻走角質層達到美白效果及減少毛孔堵塞。



一切清楚就帶我去locker放低隨身物品,不過由於帶左單反幾大部下,都係連袋一齊帶入療程房。入面有好幾間獨立療程房,房間整齊企理,有足夠空間唔會過逼。圍巾、毛巾同衫架已經整整齊齊放好,治療師係房外面等我換好衫先入黎,門有鎖唔擔心有人撞入黎,兔比仲慢慢係入面影下相先





之後治療師就推左set product入房,今次療程就係用佢地啦



治療師先用肌膚淨化液幫我潔面,淨化液無化學成份,主要成份有海洋礦物可以洗走油脂同殘留化學物,潔面前後治療師都俾我照照鏡,睇到潔面後皮膚好似打左臘咁有光澤摸上手仲超滑。不過聽治療師講有極少數人會對海洋礦物敏感,一接觸皮膚會紅,哩種情況會建議客人停做療程。

第二步主角出場啦!治療師用煥膚棉片響我面上輕輕咁抹,煥膚成份係植物性既鞣花酸,促進皮膚更生,話明係酸換言之有少少吉吉癢癢咁(感覺同響reenex做CPS一樣),至於難唔難頂好主觀,兔比一直係果酸產品用家所以覺得大不了。治療師表示鞣花酸比果酸溫和,敏感皮膚都岩用。過左陣聽到計時器響,治療師即時用中和棉片幫我抹面,抹完一偏仲細心問有無邊度覺得仲吉,確保全面都抹乾淨,再用冰用抹多次用以舒緩。

之後會厚厚咁敷一個即時混和既膠原面膜,用膠原粉同collagen gel撈混敷15mins,治療師細心咁一下下係兔比面掃上膠原面膜,之後會feel到collagen gel乾左將皮膚收緊,哩個時間唔可以有面部表情以防出紋。留意到治療師gel個時特別著重我眼位,因為佢話見到我眼位好差(長期睡眠不足又愛擦眼搞成咁...),真係好貼心,絕唔係馬馬虎搽晒就算!Collgen mask要敷15mins,期間治療師行開一下,等我可以靜靜休息下,不過房間隔音略為不足,雖然播住純音樂都仲聽到外面D人聲

完左療程治療師幫我厚厚咁搽B5,推得好舒服,手勢非常好,力度輕柔。仲好貼心幫我推多D眼位,治療師話我右眼特別支力,淋巴唔暢通所以推到聽到啪啪聲,但一D都無覺得痛,反而覺得舒緩到疲勞,好正!

房外面有化妝擡可以慢慢整理下個頭化個妝先行人






離開前簽個名就OK,完全無sell過任何療程或product,第一次去做beauty center無被硬銷,反而我想問一下價錢,分店主任留左卡片俾我話如果有興趣可以打俾佢問,仲應要求copy一份療程資料俾我,好nice~

完左療程皮膚水份多左,較之前有彈性,最明顯係改善左皮膚暗黃情況,變得光澤左,當然一次療程唔足以有長遠改變,但效果都last到一星期左右。對於哩次療程好滿意,特別要嘉獎治療師既細心,唔係機械式咁搽完一樣又一樣野就算,真正明白客人需要

哩個療程其實原名係「EDTA螯合花酸活膚更生療程」,屬於醫學換膚,資料如下:

利用不同濃度含有酸性的療程,針對各種皮膚問題,主要作用是分解表皮老化細胞,並滲透至真皮層刺激膠原蛋白生長,加速蛻走角質層(死皮)達到美白效果及減少毛孔堵塞,令皮膚細緻及更富彈性同時亦可以促進皮膚製造更多健康的細胞及膠原蛋白,從而改善皮膚質素

部分人在治療後會有皮膚泛紅的情況, 數小時後便會消退, 有些人則沒有任何徵狀。極少數情況下個別人士可能會有一撻撻的紅印或紅斑,一般在數天內自然消 失。蛻走死皮時損及真皮的情況較為罕見。
療效:有助改善毛孔、暗瘡、粉刺、膚色不均及嫩膚

Elite Beauty仲有好多唔同療程,有興趣可以睇睇 http://www.elitebeauty.hk/


0 留言:

張貼留言