SK-II、Covermark免費送到手？絕非騙局！

成日講便宜莫貪免得受騙，有時著數真係會送到上門，只要click兩click就OK！兔比無講大話喔！（大牙無甩到XD）

近期美容產品試用禮盒熱爆，内容吸引而否見人見致，但全部都係收費嘅，每月大家都要俾錢預訂，作為消費者身份自然對內容有相當期望。早前兔比同大家分享過嘅GlossyBox（前文回顧：歐洲粉紅旋風吹到香港。。。為愛美的自己營造每月驚喜），就因為負面評價只推出兩個月就撤出香港，公道講兔比唔認為佢比其他對手差，只係大家總會要求更好更著數吧~ 兔比打從心底希望GlossyBox會捲土重來，多點選擇先係消費者之福嘛！還好女性時尚潮流資訊網站she.com都加入戰團，推出概念好相似嘅rosy kit，您又知道嗎？

兔比早前收到rosy kit，重點係佢免費送出，連快遞費都唔駛俾！夠so了吧？

rosy kit之前推出第一期已經相當震撼，匯集benefit、Biotherm、Shu Uemura、Sofina及L'oreal多個知名品牌產品，兔比當時已恨不得到手！第一期雖然落空左，還好第二期終於俾我恨到啦！

馬上為大家解構第二期rosy kit！

包裝絕對別出心裁！有別其他紙盒包裝嘅乜box乜box，改用仿皮質有啪鈕袋子，可以循環再用，盛載其他林森物件都非常合適，如此貼心又環保包裝值得大讚！由上期粉紅色袋換成純白，少左份少女味但同樣高貴大方，顏色咁百搭大家都會岩~

包裝咁華麗內容又點可以輸蝕？！成個包裝袋裝得滿滿，而當中冇用任何bubble紙等東東夾雜，絕對足料無出矛招！

產品來頭方面有SK-II、Covermark、Olay、Enprani、Rosken，過半為知名品牌。

最耀目一定要數哩盒SK-II體驗裝，當中包括最近推出環采鑽白精華EX及環采鑽白修護霜EX，眾所周知SK-II乃貴婦級產品，價錢絕唔親民，就算sample市面都非常有價，估唔到免費嘅rosy kit會加入如此重量級產品，可以話比收費嘅禮盒仲重手！

當中Olay Pro-X Pro-X Deep Wrinkle Treatment仲係30ml原貨裝，單價已經$399！

其他產品包括：
Covermark柔滑美肌粉底LX
Enprani時光逆轉修護保濕柔膚水
Enprani淨白防曬BB霜 SPF25 PA
Enprani高濃度補濕亮澤精華素
Enprani高效鎖水保濕面霜
Enprani Retino x8深層抗皺緊緻精華
Olay 金裝UV防曬多元修護日霜
Rosken 洛士健護膚膏

當然大家最關心係點將rosy kit拎到手，方法好簡單！登入she.com登記成為會員，然後click入http://rosykit.she.com完成每期指定簡單任務即可~

頭6個月嘅rosy kit都係免費送出，大家密切留意下期公佈！

Read More

DIY夢幻星空甲 ( •ॢ◡-ॢ)-♡。。。附印甲花教學片

早前分享過參與iMORE x Purple House 新春 Konad 指甲印花彩繪工作坊（前文回顧：無須巧手畫花。。。手殘都可以DIY靚靚甲花），上次經 Purple House 阿裴指導之後兔比終於掌握到印甲花一點小技巧，成功率大大提升！只要明白左再練習一下其實都唔係咁難~

兔比初中就買第一套KONAD印甲SET，而買到嘅地方竟然係觀塘工廈入面嘅一間賣玩具嘅地方！好奇怪吧？當時KONAD都係一種蠻新鮮嘅玩意，無人示範無人教，只有自己睇公仔睇字，成功將圖案印到指甲上面嘅成功率只有10%，低到興致都一掃而空！最後不得不得將成SET打入冷宮，曾經兔比都好氣餒，所以今次希望做個動態示範俾大家睇！

日前又身痕把玩一下D指甲~ 本來只係搽左兔比蠻喜愛嘅桃紅RMK Nail Color（佢其實已唔係第一次出鏡；前文回顧：兔比的過年大雜燴紀錄。。。小可愛回歸 & 川龍早茶與林村祈願黨），單搽又的確悶悶地嘅．．．所以響櫃筒搵呀搵，俾兔比搵到支紫色Revlon（仲有提子香甜味架！），底色一於玩玩漸變~

Read More

毛囊殺它死。。。告別毛毛手 @ Pretty Medical光纖嫩。脫 (2)

上回講到兔比初次到 Pretty Medical 進行光纖脫毛（前文回顧：毛囊殺它死。。。告別毛毛手 @ Pretty Medical光纖嫩。脫 (1)），話咁快過左三星期，又係時候清理門戶！

Read More

剷除掃把頭就係咁簡單？（下篇）

仲記得早前兔比同大家分享自己試服Pantogar 倍髮加®嗎？（前文回顧：剷除掃把頭就係咁簡單？（上篇））上次分享只係服用左一個月即1/3個療程嘅效果，之後好多謝Pantogar 倍髮加®再提供兩盒俾兔比繼續試足一個完整療程，都係時候話俾大家知成個療程效果如何~

坦白講膠囊雖然易吞服，但每日服三次的確蠻多（加上有時都會服用其他口服美肌產品或營養補充劑），有時兔比都會忘記服用=="

上次髮線位多左BB毛，一個療程後BB毛仍然健在而且更加茂密，由於兔比中途有電染過頭髮，髮質未見改善都係預計之內，但無明顯變差已覺有賺~ 

比較顯著效果反而出現響指甲，兔比本身缺乏蛋白質指甲幾乎每隻都有白點，服用左Pantogar 倍髮加®三個月，新長出黎嘅指甲都無再出現白點，同時留長左都唔易斷裂！꒰๑❛▿❛  ॢ̩꒱

有朋友關心會唔會有副作用呢？可能副作用包括突發多汗、脈搏加快、皮膚瘙癢同風疹，不過成個服用過程當中通通無出現響兔比身上(*ꆤ.̫ꆤ*) 

有興趣嘅朋友響藥房、太古Apita、Vivo Plus采活同WATSONS都有可以搵到Pantogar 倍髮加®，每盒售價為$418 

另外，倍髮加® Fanpage送迎新禮品，由即日起至2012年4月1日，凡成為粉絲即有機會獲得精美禮品包（包括倍髮加指甲修護套裝及德國「秀碧」除疤膏乙份），快D action啦！

Read More

西梅美肌育成。。。腸道天然掃毒劑

最近兔比多左個美肌習慣，每晚飯前會飲哩支香港仍未上架嘅東東，改善腸道機能健康，有助排毒同防止身體囤積毒素，達至膚質提昇，為肌膚打好底子，仲唔單止易入口，而係超好味！( •ॢ◡-ॢ)-♡ 有興趣揭開佢神秘面紗嗎？

 

Read More

仲夏之夢？！肌肉型男、俊男美女匯聚沙灘

距離盛夏仲有好一段時間，氣温反反覆覆，哩幾日又回落到得十幾度，不過上星期五兔比就過左一個陽光燦爛又熱辣辣嘅晚上

咪以為兔比思覺失調，其實當晚只係出席左Estée Lauder精心安排嘅活動而已~ 

皆因炎夏大家至愛陽光與海灘，Estée Lauder CyberWhite Brilliant Cells 全能細胞亮白系列又將會大派用場！
CyberWhite Brilliant Cells 全能細胞亮白系列2011年已經推出，配方專為亞洲人肌膚研發，滿足亞洲女士美白需要。今年注入革命性夜間配方 — 嶄新CyberWhite Brilliant Cells Night 盈潤晚霜，以全效細胞亮白激活科技，把握夜間美白黃金時機，加強晚間擊退黑色素及肌膚修復程序，並徹夜源源灌注養分及水份，提升細胞美白更新機能，由內而外逐層擊退頑固色斑、黯黃膚色。

晚間係肌膚吸收養分嘅最佳時機，亦係進行亮白修護黃金機會。全新CyberWhite Brilliant Cells Night 盈潤晚霜於夜間釋放強效保濕要素，深入肌膚表層，針對晚間誘發色斑之多重原因，逐一擊破，令肌膚一覺醒來更顯柔滑無瑕及剔透。

質感豐潤宜人，獨具嶄新細胞水分導入技術（Aquaporin Activating Technology） 及深層鎖水因子（Osmolytes），整夜補養肌膚，而配方蘊含乙醯葡萄糖胺（Acetyl-Glucosamine）及保水屏障修護複合物(Advanced Barrier Strengthening Complex）相輔相成，有助平滑肌膚並強化肌膚表層，翌日早晨綻放光采。配方所含之全新三重抗敏複合物（Triple Anti-Irritant Complex），大幅提升膚色光澤度。

配合CyberWhite Brilliant Cells全能亮白系列，日夜接力發揮最強美白效果，一次過淡斑、去黃、保濕，提升膚質，展現澄白剔透，無暇細嫩肌膚。

當晚正式入場前，品牌先安排大家到充滿情調嘅大廳享受手部按摩^^只有蠋光嘅環境內嘆按摩，又聞住怡人香薰，實在太令人relax~

按摩採用CyberWhite Brilliant Cells Night 盈潤晚霜，令兔比原本乾到粗糙脫皮嘅手變得軟軟滑滑~（個人太懶搽handcream=0=）

黎過一同地點好幾次參與工作坊，但從未試過如此驚喜！竟然以沙灘作為佈景，而且真係有沙，掛住影相嘅兔比不自覺踏左隻腳入沙堆==" 整污糟左地下唔好意思

除左如此費盡心思嘅佈局，品牌仲安排左兩位肌肉型男歡迎大家，仲派上花環同草帽，大家好似置身炎夏沙灘~ 唔好講笑俾型男夾住兔比蠻緊張，面都紅晒囉（現場點解咁熱嘅？ \(//∇//)\ ）

同肌肉型男Hyper合照後，又有俊男現身，不得不認今次活動真係大飽眼福 XD 俊男咪就係Estée Lauder香港區首席化妝師Leo，Leo為大家介紹全新CyberWhite產品同作化妝示範。化妝示範當然唔少得麻豆，麻豆係經常響雜誌見到嘅美人兒Crystal，大家搞笑咁話兩位似影婚紗相~ XD

Leo建議搽晚霜時候配合埋淋巴按摩，用少少力由額頭推至、太陽穴、耳珠再到鎖骨位，每晚做三次有助加強產品吸收同改善水腫。

只有短時間上妝，CyberWhite Brilliant Cells Extra Intensive BB Créme可以幫到手，一次過瞬間明亮、改善膚色及保護肌膚，而且有SPF35 PA+++高防曬度，又可以增強肌膚光澤，加強面部立體感。

將適當份量嘅BB Créme擠響手背，以化妝掃先將BB Créme搽上T-zone、顴骨同下巴突出面部輪廓，最後先將剩餘份量搽響臉頰等其他位置。

市面上少見高防曬度嘅眼霜，唔想曬到眼仔附近出晒斑斑，可以搽上具SPF 35 PA++ 防曬度嘅CyberWhite Brilliant Perfection全能亮白遮瑕膏，既可作眼部防曬又可遮蓋黑眼圈

唔想搽到又厚又乾，切記唔好將遮瑕膏直接搽響眼底，要先響手背搽開大概一蚊銀份量

然後用掃薄薄搽上眼圈，再於近眼頭最深色位置搽多少少。

除左眼圈，當然可以遮蓋埋其他面部瑕疵啦！

要妝容持久當然要以碎粉定妝，Leo貼士係以粉樸接住碎粉，再以碎粉掃沾取樸上份量，又可保持盒蓋乾淨，又唔怕風吹到一地都係咁呢hea

為避免破壞遮瑕功夫，以180°滾壓式手法將碎粉印上

最後搽上lipgloss就大功吿成！

睇下妝後嘅Crystal比之前肌膚較有光澤，修飾過後睇落更有神采~

難得佈景咁有心思，又有俊男美女組合，當然要爭取機會合照啦(๑′௰‵๑)

雖然今次活動比較匆忙，但令人印象難忘呢~

Read More

Bra Bra都要為職業女性打打氣。。。Peach John流鼻血之夜

日本人氣內衣品牌PEACH JOHN一向係兔比杯茶，價錢合理，款式靚到殺死人又不失少女味，而且push up效果強勁！

上星期四晚兔比黎到尖沙咀新港中心PEACH JOHN分店，誰知八點已經關店，唔少顧客食閉門羹，究竟發生咩事？

Read More

＂法＂起由內出發的自然原美。。。約會完美女神！

女為悦己者容，為左靚女生不斷嘗試各種各樣美容產品，外用品香港女生就用到習以為常，您又知道優雅嘅法國女生有咩特別嘅美麗奧祕嗎？

原來法國女生流行一種營養美學飲食新潮流，崇尚從內到外天然美學。國際名模林嘉綺就親身體驗左法國第一營養美學專家OENOBIOL®產品，仲響日前品牌茶聚活動分享左佢保持健美嘅心得~ 兔比好榮幸可以成為當日茶聚嘅座上客，黎到IFC the French Window嘆住美點了解營養美學

就座無耐侍應先生就奉上一杯杯色調迷人嘅粉紅特飲，原來哩杯飲品殊不簡單！٩(๑❛ᴗ❛๑)۶下文再為大家介紹~

究竟何謂營養美學？OENOBIOL®創辦人執業醫生兼營養學家Dr. Marie Bejot親臨解釋，佢運用自身營養學專業知識及經驗，由大自然中嚴選及萃取出美麗元素，配合先進科技及專業臨床測試，成功研發出突破性口服美容產品，為受營養攝取不均衡而產生健康美麗困擾之女性，提供自然有效解決之法，有別一般瘦身美肌飲食品。而其品牌命名為OENOBIOL®，意思係天然(OENO)匯聚科技(BIOL)，運用天然「營養成分」為女性補給滋養，反映品牌堅持理念。

大會特別請黎星級化妝師Gary Chung示範快速修飾肌膚大法，連同專業職場顧問Eddy Wu分享面試成功之道，切記濃妝艷抹喔~

除左外在保養同修飾，內在保養同樣重要！由註冊營養師Sally Poon講講營養及美學關係，攝取某D天然成份對改善皮膚同體態原來大有幫助！

眼部問題

當眼周血管壁結構出現缺損，血液運行不暢，血色素積聚於血管滲漏至眼周組織，就會造成眼圈；而水份滲漏至眼周組織就會造成眼腫。

Sally表示天然成份葡萄籽萃取物及山桑子萃取物有效改善黑眼圈及眼腫，葡萄籽萃取物有效修護血管壁，防止水份及血色素滲漏至眼周組織；而山桑子萃取物促進血液循環，避免色素積聚於血管。

肌膚問題

荷爾蒙影響、遺傳及壓力等因數引致免疫系統減弱，油脂分泌過盛令細菌滋生，感染皮脂腺毛囊，形成暗瘡同各種肌膚問題。

Lactoferrin (乳鐵蛋白)改善免疫系統並預防感染；Rosemary extract (迷迭香萃取物) 含豐富抗氧化物，減少敏感徵狀加上含有維他命E，有助修護肌膚。

體型問題

運動及睡眠不足，營養失衡，加上高脂飲食，進餐唔定時及外在污染物，引致脂肪燃燒緩慢，脂肪細胞持續吸收脂肪，血液循環不佳出現水腫。

天然綠茶精華同瓜拿納Guarana都係加速脂肪燃燒之天然成份，而共軛亞麻油酸 (CLA)降低身體儲藏脂肪能力，促使脂肪轉化能量，減少脂肪積聚；葡萄籽萃取物穩固血管壁膠原蛋白纖維，有助修護血管壁，減少水份滲漏造成水腫

成熟女士特別容易有肥胖問題，45-50歲起逐漸減少分泌雌激素及黃體素，令脂防代謝出現障礙引起脂肪堆積，亞麻籽含豐富植物性雌激素，有助平衡人體雌激素及抗氧化。

OENOBIOL®產品正正含有哩D天然成分，分別有效改善眼圈眼腫、油脂分泌過盛、脂肪積聚、水腫等惱人問題。

詳盡介紹過後有壓軸出場嘅林嘉綺，估唔到佢會響兔比背後位置進場，能夠近距離一睹名模風采！٩꒰๑❛▿❛  ॢ̩꒱ 真人皮膚同體型都超好，非常有氣質，用完美女神黎形容絕唔誇張~

OENOBIOL®三大皇牌產品Eye Contour、Skin Purifier同Topslim都係林嘉綺極力推介，早年佢到法國工作已留意到法國模特兒都推崇營養美學同OENOBIOL®，後來親身體驗過OENOBIOL®，發現由內而外營養補給的確有效由根本改善各種問題。

佢仲即場示範沖調Topslim瘦身輕燃飲，只要每日將一包溶於1.5L清水飲用就可以。

記得之前講個杯粉紅特飲嗎？就係已經沖調好嘅Topslim，試飲一兩杯功效未能置評，不過味道唔錯，淡淡莓味愈飲愈好味，似現成有果味嘅水~

OENOBIOL®去年引進台灣已大獲好評，連美容達人牛爾老師都追捧。3月終於登陸香港，護膚(Skin Care)、纖體(Slimming)及逆齡45+(Femme 45+)三大系列已經響屈臣氏獨家發售。

兔比已經開始服用OENOBIOL®，追求美麗與健康並重嘅您都不妨一試~ 親身服用效果稍後再匯報，記得繼續捧場喔！

Read More