發表文章
皮膚一般酸鹼度由pH4.5-6，身體唔同部位酸鹼度各異，而女性陰道皮膚比其他皮膚更偏酸性，最適中酸鹼度介乎pH3.5-4.5，正正有利益菌於陰道增長，有助抑制有害細菌如念珠菌等繁衍同有害微生物侵害。然而女性於生理週期如月經、懷孕期、分娩期、更年期，賀爾蒙變化會令酸鹼度偏向鹼性，用錯清潔品清洗下身都會影響，酸鹼度失衡陰道容易成為細菌溫床，引發炎症或其他婦科病。另外過多分泌物除左感覺唔舒服，仲會痕癢同產生異味，所以作為女生應習慣用女性衛生潔膚產品清潔下體。
施巴Sebamed相信大家都相當熟識，兔比學生哥時代已經有用佢地嘅產品，最為人認識當然係Clear Face潔面同Body Lotion系列，唔講唔知原來施巴Sebamed都有推出女性衛生潔膚產品
施巴女性護理潔液（Sebamed Intimate Wash）特別呵護女性陰部皮膚，pH3.8酸性配方配合陰部皮膚特殊酸鹼值，增強陰部黏膜抗感染能力，通過醫學及婦科測試，敏感皮膚都適用。
親膚淨潔配方，溫和唔刺激，當中蘊含甘菊及天然蘆薈精華，滋潤保濕，而且不含藥性，既可以減少異味又舒緩不適，適合每日潔淨用。除日常呵護，懷孕期、經期、更年期同陰部感染時候都同樣可以使用。
同其他施巴產品一樣德國原裝進口，品質有保証~
雖叫護理潔液，但質地比用開另一品牌杰身得多，哩點好重要！如果太水狀未及起泡已經由五指山流走，浪費比實際用份量仲要多=="
擠響掌心加水揉揉已有豐富泡沫，試響手上過水後肌膚都唔覺乾燥繃緊，可見性質温和又保濕，仲留有淡淡香味。
用左施巴女性護理潔液感覺特別清爽乾淨，經常著上厚厚緊身牛仔褲，加上特別宜家天氣比較潮濕，私密處難免有異味同痕癢問題，不過用左幾日問題明顯得到改善。
當然最實際係少著緊身褲同使用高透度衛生護墊，避免外陰溫度及濕度提高令細菌滋生，春夏當然趁機要多著短裙短褲啦~ XD
0 留言:
張貼留言