發表文章
上星期四晚兔比黎到尖沙咀新港中心PEACH JOHN分店，誰知八點已經關店，唔少顧客食閉門羹，究竟發生咩事？
咪誤會尖沙咀店要結業，只係當晚舉行PEACH JOHN最新春季商品WORK BRA內衣分享會，成間分店只開放俾blogger及會員，為大家率先介紹春季新品，大家仲可以試著同隨意影相，平時場內係嚴禁拍攝架！
由PEACH JOHN Janice同Queenie為大家介紹品牌同今季内衣新品
PEACH JOHN於1994年由野口小姐創辦，品牌以”Kawaii, Happy, Sexy“為概念，主打日系Kawaii同豐胸設計。三月底將會響沙田YATA開設第三間香港分店，新界嘅PJ粉絲終於唔洗山長水遠出尖沙咀或者銅鑼灣先買到啦！٩꒰๑❛▿❛ ॢ̩꒱
打頭陣介紹重點推介產品WORK BRA，有別PJ主打嘅可愛性感路線，感覺平實舒適，正正係佢嘅賣點！(*ꆤ.̫ꆤ*)
詳細介紹前大會特別播放由日本名模Angelica主演嘅WORK BRA CM，有興趣的話大家都可以去 http://www.peachjohn.co.jp/pj/special/workbra/gallery.html 睇睇~
WORK BRA設計方面有幾項特點：
除背扣位車線外，針織布表層一件過無繨設計，下邊無使用橡筋改為採用摺疊式邊位，唔會令脇側肌肉出現斷層，就算著薄身衫胸圍都唔易現形
兩層分開構造，內置襯墊上層，覆蓋彈性平針織布，下邊冇縫合令兩層分別伸縮，有效分佈身體郁動時壓力，舒緩鋼圈及下胸圍束縛，穿戴舒適又保持承托。
選用人氣puff bomb系列柔軟海綿襯墊，有升1.5 cup美胸效果，小咪咪都可以輕盈升cup！另外罩杯上邊向內傾，有效塑造高挺胸線。
表層同背帶內側採用Sport bra常用柔軟彈性平針織布，布料隨身體郁動適度伸縮，穿著舒適，加上吸汗吸濕，迅速將濕氣散發，春夏又可以保持清爽~
全8色有黑、白、肉、粉紅，桃紅、薄荷綠、粉黃及薰衣草色，總有一兩隻色岩心水~
配襯之內褲仔除左同樣有8色選擇，仲有丁字褲、平腳褲同四分三股內褲選擇，適合不同捧場客，質地極富彈性，穿著舒適自在~
當然就咁睇同上身效果一定有分別，品牌特別安排左身材惹火嘅Model Christy示範穿著效果，現場即時wow聲四起 XD
Christy本身為D cup身材，著上WORK BRA之後升至E-F cup，但佢表示穿著舒服無拘束
如此簡約舒適設計，令職業女性有Stress Free美胸體驗自然更加可以忘我投入工作，達到Work for Success！
Heart Bra最岩追求事業線嘅性感女生，L字鋼圈加上特別剪裁將兩邊胸脂肪集中，營造出心型谷間效果，而且充滿心型圖案，唔知係咪真係可以充升戀愛運，但足以殺死人！
連肩帶扣同內褲仔都充滿心心
仲附有心型胸墊，印有Keep Smiling字樣，實在非常可愛 \(//∇//)\
唔夠嘅話可另購一盒四款不同字樣嘅Pad，藏於罩杯入面好似一個魔法護身符呢~
Christy示範穿著Lacy Heart Circuit Bra，迫出夾得死蟻嘅事業線，設計仲相當sexy~ （流鼻血中．．．）
野性又可愛嘅Decolletan Affection Bra
少女系Pompadour Dolly Bra
睇完咁多款靚靚內衣，大家都可以即場試上身~ 兔比揀左WORK BRA同Heart Bra試穿
WORK BRA舒適感有十分滿分，感覺同Sport Bra一樣舒服，質料柔軟有彈性，而且提升1.5 cup挽回兔比哩類小咪咪女生嘅自信~ （先天不足都有救٩(˙▿˙)۶）不過論升cup美胸效果Heart Bra更見出色，而且應該唔少女生對心心有情意結吧~
其實PEACH JOHN除左內衣仲有時裝同休閒服都好值得留意，Janice同Queenie當晚穿著嘅上衣都好吸引呀！
響度特別感謝PEACH JOHN同事嘅熱情款待，難忘您地嘅貼心~ ( •ॢ◡-ॢ)-♡
0 留言:
張貼留言