(妝文)捲入MAJOLICA MAJORCA色彩漩渦。。。仲夏夢幻新品率先曝光！

MAJOLICA MAJORCA (MJ) 響開架彩妝品牌當中一直深受歡迎，所費不多就可以入手高品質又富夢幻感嘅化妝品。每季MJ都推出唔同主題產品，2012夏季都並唔例外，月中將推出全新Psychedelicious系列，帶大家一齊跳入MJ仲夏色彩樂園~ (๐ ́꒪̐ꈊ͒꒪̐)ꐳ Are you ready?

 兔比有幸獲選為五位率先試用MJ新品嘅blogger之一，獲得5款尚未上架Psychedelicious產品꒰๑ॢ●ัω●ั๑ॢ꒱ 馬上為大家隆重介紹同分享用後感！

全新推出柔啡睫毛眉彩(Brow & Lash Colorist)，為眉彩同睫毛液2合1產品，輕輕一掃瞬即為眉毛睫毛染上輕柔啡調

備有雲尼拿啡(Vanilla Brown BR333)同栗子啡(Marron Brown BR555)兩款色調，可自由配合髮色同彩妝

揉合防水配方，無懼汗水、皮脂、淚水，有效持久維持眉毛鬈翹度，同時營造根根分明效果，加入維他命E誘導體、夏威夷果仁油等修護成分，染上輕柔啡調又呵護眉睫。
採用特製刷頭，刷頭尖端適合作睫毛刷，輕易塗上睫毛液，中段長刷毛則可梳開眉睫，營造根根分明效果

 本身睫毛一向都係頑強向下垂，唔係隻隻睫毛液可以維持到捲曲效果，哩隻作睫毛液使用就未能達到理想鬈翹效果，而且由於手上哩支Vanilla Brown BR333色調太淺，令睫毛存在感大減，眼睛相對無咁精靈，所以比較建議單用作眉彩使用

當然染淺髮色最怕黑實實眉顯得格格不入，用哩支眉彩就可以輕易將淡化眉毛色調，非常方便！染淺眉毛除左睇起黎柔和自然，仲可以令眼妝更加突出~ 由於眉彩係純為眉毛染色，眉型問題要先用眉筆或眉粉修正，最後一步先用眉彩

睫毛液一直係MJ皇牌產品，兔比手上都長期有貨~^^ 繼上季推出全新睫毛液 Lash King，今季Lash King 加入全新柔啡色調BR666，塑造自然柔和娃娃眼

Lash King 揉合史上最長5mm羽絨纖維，配合極緻柔滑配方，令激長羽絨纖維加倍緊貼睫毛，瞬間塑造激長效果；蘊含豐盈纖維及增量粉末，配合Volume Impact Wax與特濃油份，就算搽多層都仍可以締造無重濃密妝效。持久防水配方，專門對抗汗水、油脂及淚水，令睫毛全日持久完美鬈翹

嶄新設計刷頭，採用特製中空纖維為刷毛，刷毛比一般毛質較軟身，可全方位靈活捕捉每根睫毛，將長短睫毛根根有致梳開，帶黎激長濃密又根根分明王者魅睫

扭開蓋取出刷頭已見到一根根長長纖維，Zig zag手法輕輕一搽睫毛立即明顯增長，下睫毛搽左存在感提升，眼神更攝人~

就算貪心搽多層睫毛都維持上翹 (*ꆤ.̫ꆤ*)

柔滑霜狀眼線筆(Cream Pencil Liner) 再推出全新閃啡色調 (Cocoa Brown BR677)

色調好迷人，揉合左金色珍珠粉末，實現楚楚動人柔和眼眸

果然觸感幼滑，畫上肌膚非常流暢易上色，新手都容易使用

獨有配方內含平坦順貼粉末，順貼蠟質及球狀粉末粒子，徹底防油、防汗、防淚水，持久不溶脫

一次過測試一下柔滑霜狀眼線筆、柔啡睫毛眉彩及Lash King防水防油度，全部擦上手背再用水沖10秒，用紙巾印乾無甩色，然後倒卸妝油再沖水印乾都同樣無甩色，防水防油表現果然出色！（當然擦一定會甩色啦）

造型甜美嘅 Puff de Cheek 甜密胭脂都加入新成員

推出全新櫻桃小杏餅(Cherry Macaroon RD414) 及紅桑梅小杏餅(Raspberry Macaroon PK415) 兩個色號，四色選擇總有一個合心意吧

手上哩盒係紅桑梅小杏餅(Raspberry Macaroon PK415) ，顏色pink pink~

圓圓小鐵盒內已附有毛毛撲，上面有小蝴蝶作點綴，可愛到不得了喔！

Puff de Cheek推出之初兔比曾經試過上手背，但顯色度嫌未夠出色，估唔到今次試上面顯色度竟然蠻高！雖有閃粉但上面無誇張感覺，而且持久度理想，12小時都維持紅粉菲菲~

一次過將幾款新品用上面，簡簡單單啡色眼妝襯pink pink胭脂同Juicy Lip，感覺已夠Sweety~

胭脂輕手一點轉個橙紅唇，扮下cool都得，得左！wakaka XD

以新品打造夏日妝容過程，出色效容冇花冇假，眼妝只係預先用珍珠白眼影打底，配上Cream Pencil Liner啡色眼線同Lash King打造娃娃魅睫已夠突出~

速乾亮澤甲油都推出全新透亮粉紅色調及夏日夢幻湖水綠兩款限量色調，速乾又透亮，而且顯色度高

手上哩支透亮粉紅色調色，顏色似粉紅螢光筆

雖然通透但油一層已有奪目色采，感覺似果汁糖，襯絕夏日！

放心！MJ粉絲唔駛等到頸都長，Psychedelicious 新品18/5就會響屈臣民同SaSa上架啦！

Categories: ● 化妝, ● 美甲, ● 彩妝, ● 開架, ● Majolica Majorca, ● MJ, ● psychedelicious, ●眉彩, ●lash king, 妝物妝文, 產品試用