納米蒸氣的救髮奇蹟？！

自從再電髮後一把爛頭髮比之前更乾，就算每星期搽護髮精華作用都只有短暫改善，正當兔比苦惱要做咩護髮療程之際，收到Vegas 360°納米水療美髮療程Nano Spa Hair Treatment 體驗邀請٩(˙▿˙)۶

納米水療美髮療程以 NANO-MIX 納米蒸氣技術將極微細水蒸氣，滲透到頭髮深處，達至修復受損、持久保持染色光澤及令頭髮變得柔順效果

平安夜特別到Vegas 360°位於銅鑼灣亨利中心8樓分店急救旱髮迎聖誕~

一到埗職員先帶兔比入去坐低飲杯茶等等，地方不大但整齊舒服，原來名模Jessica C係佢地代言人~

療程房同一般hair salon無大分別

窗外景觀唔錯，可以望到利園呢~

正式開始療程之前Shop manager Anthony先為兔比進行頭髮及頭皮分析，以儀器放大檢視頭皮情況，見到幾多毛孔都有阻塞，可能係由於美髮產品當中化學殘留或油脂分泌造成

一般人經常忽略頭皮健康，其實頭皮直接影響髮質，所以療程第一步係潔淨頭皮頭髮，洗髮過程一D都唔馬虎，仲有頭部按摩~ 洗護產品皆係NIOXIN出品，含有薄荷及蘆薈天然成分，潔淨之餘有保濕作用，成個洗髮過程感覺涼浸浸，冰爽醒神！

洗髮後先以納米蒸氣作保濕導入，NANO-MIX儀器噴出嘅納米蒸氣份子極微細，直徑只有約 0.26 nm（一般水蒸氣直徑約 8,000 nm），可以滲透入頭皮及頭髮鱗片間約 1nm 通道，伸手接觸時感覺到濕潤但無水珠，Anthony表示先噴納米蒸氣可以引導後繼營養進入頭皮頭髮

NANO-MIX 納米蒸氣控制於 4.2 個大氣壓及保持於 145 度，一般應用於美容方面，應用響頭髮方面兔比係第一次聽聞~

有別一般坊間焗油只針對頭髮，接住會為頭皮同頭髮分別搽上唔同營養劑，Anthony根據兔比頭皮及髮質選用左茶樹（白色）及玫瑰(黃色）精華

先將茶樹精華搽響頭皮

然後於髮絲搽上玫瑰精華

搽上再噴納米蒸氣5分鐘

最後再以普通蒸氣蒸10分鐘以令養份滲透更加穩定

最後當然係沖洗乾淨同吹乾

即時摸到頭髮更輕身，比之前柔順有光澤得多，髮絲無咁飛散乾燥，髮絲仲香噴噴 ( •ॢ◡-ॢ) 柔順效果維持到一星期，比一般焗油更持久，但髮尾依然有打結，始終已受損開叉嘅髮尾一定要剪走

起初覺得Vegas 360°只係美容中心，做護髮療程會否唔太稱職，原來前身係有超過10年護髮經驗嘅Nioxin Center，後來結合同集團美容品牌成為現時嘅Vegas 360°，頭髮同美容護理都分別由不同專門同事負責，確保服務水準

納米水療美髮療程宜家仲有65折Promotion，心思思又想join呢~

Categories: ● 水療, ● 美髮, ● 納米, ● NANO, ● Nioxin, ● VEGAS, 愛美體驗