美麗舞動。釋放內心野性的立體妝容。。。潮玩3D Facebook遊戲

潮流興3D立體，電影要3D、電視要3D、影張相要3D，宜家連彩妝都要3D！

上個月benefit推出全新嘅bella bamba三重立體西瓜粉紅胭脂，命名靈感源自人生就如一個富有色彩嘅嘉年華會，Bella意味「美麗」，Bamba係一種拉丁舞蹈，bella bamba就代表「美麗的舞蹈」。

單睇包裝有如閃卡搶眼醒神~ 

不過佢絕對有姿態又有實際，盒蓋同盒相連並附有鏡仔嘅設計有別其他benefit胭脂，size較為輕巧更加方便帶出街用

。連附有嘅掃亦都加以改良，由平頭變成孤形掃，輕易於蘋果位掃出更自然效果。其他胭脂成員都會陸續轉成哩款附鏡且連盒蓋新包裝，舊包裝將會成為歷史啦！

話明係西瓜粉紅胭脂，真身係名符其實西瓜咁色，西瓜粉紅色中含金色閃粉粒子，絕對係令人印象難忘既色調，而且仲有西瓜清甜香味，非常特別~ 兔比膚色深好怕用好嬌媚嘅粉紅，平日愛用偏橙胭脂，而bella bamba哩種西瓜色由白晢至黝黑肌膚都岩用，色澤鮮明艷麗，予人感覺野性熱情~ 

唔只嬌滴滴粉紅色先好睇嘅！

粉質好幼細，用手指輕輕沾黎睇睇，顯色度非常高，白晢女生用嘅時候要輕手D~ 西瓜色營造出自然透紅感，閃粉粒子極幼細所以唔會誇張

可能大家會問區區一盒胭脂何來3D立體？bella bamba有shimmer效果，除左可作胭脂用仲可以輕掃全面或局部位置作光影，突出面部輪廓，一物多用！下圖係全面輕掃左bella bamba再加強掃響蘋果位，不過兔比都係鍾意作胭脂用，因為如果一次掃得太多會搞到滿面紅似飲大左，白晢女生更加要小心控制分量。

除左新妝物玩3D，宜家benefit搞搞新意思，響Facebook Fanpage加入bella bamba 3D遊戲，只要配合3D眼鏡就可以睇到突破2D平面嘅視覺效果！想湊湊3D熱玩benefit 3D遊戲？先讚好benefit Cosmetics HK Fanspage成為Fans，然後去http://apps.Facebook.com/bellabamba/ 啦！

benefit仲準備左限量版3D眼鏡俾大家玩遊戲，除左響各大Boutiques / Counters派發，3D眼鏡仲會於以下bella bamba特別版Roadshow派發：

朗豪坊 – 2月14日 - 2月20日

海港城FACES – 2月28日 - 3月6日

響Roadshow買bella bamba仲可免費享受benefit 3D化妝！

溫馨提示：3D眼鏡數量有限，想拎就記得早D啦！

好開心可以率先收到限量版3D眼鏡同bella bamba，個限量版3D眼鏡造型好靚呀~ 多謝HKCOSME同benefit！

話明釋放內心野性，戴左之後要發一下花癲狂XD

兔比即刻就戴住佢親身試玩遊戲，只要揾張正面嘅相就可以化身成3D立體造型，而且跟據所選喜愛bella bamba嘅原因有3種不同動態效果，其中跳舞效果最爆笑！兔比佬睇完笑言有想打兔比嘅衝動XD 絕對可以令您開懷大笑一番！

您都一齊玩一齊笑下啦！

每一個推及留言都係小妹出文動力啊~ 謝謝支持!

Categories: ● 三重立體, ● 西瓜粉紅, ● 脂肪, ● 彩妝, ● Bella Bamba, ● benefit, 產品試用