發表文章
早前有幸獲機會體驗per FACE激光緊緻及SkinCeuticals潤澤護理療程，終於再用到SkinCeuticals產品。多得per FACE方面有效率處理，趕得上過年前完成療程體驗。收到通知後2日per FACE就主動致電安排預約，而療程前仲有email confirm booking，非常有效率同系統，此舉令兔比未做療程已對per FACE有好印象~
per FACE位處銅鑼灣世貿中心35／F，大家記得要去到P2個層搭寫子樓升降機上呀！
環境好有空間感，大堂雅緻整齊，坐得舒服，仲有個180°無敵維港靚景。
飲住暖暖杞子茶等安排入房做療程
先填好個人資料就由per FACE同事講解一下療程，之後帶兔比四圍參觀一下，per FACE提供療程包括激光美白去斑、SkinCeuticals 醫學美容療程、醫學注射療程、DECLEOR 面部護理及按摩、醫學級嫩膚、激光永久脫毛、醫學纖塑療程同SPA浸浴療程，療程選擇多元化，而配合唔同療程療程房都有唔同。醫學注射療程由醫生主理，保証安全可靠。
泰式按摩房間
激光療程房間
SPA浸浴療程房間
部份療程房景觀好到不得了！（太光影唔到外面
）
）療程前先影低皮膚狀況同用儀器做皮膚分析（儀器不便拍攝），皮膚分析機會拍3張不同燈光下（正常光、UV燈同強光）既相以睇清楚肌膚表層同底層，分析結果有圖表清晰表達同埋指出需特別改善既肌膚問題，治療師詳細就每項肌膚問題結果遂一解說，非常專業，唔係交行貨。
響大堂稍等一下就安排入Treatment room，入去前可以先到Makeup area將隨身物品鎖入locker
今次體驗per FACE激光緊緻及SkinCeuticals潤澤護理療程係最新推出，先以 Laser Facial令能量直達真皮層並活躍皮膚底層，令皮膚處於最活躍、最吸收狀態；再配合SkinCeuticals護理療程，令肌膚即時變得滋潤有光澤，細紋明顯減淡，容光煥發。
先卸妝同潔面，治療師邊做皮膚清潔邊講解療程程序同須注意地方，雖然係激光治療但治療師既專業態度令人感到安心。
為眉毛同眼仔貼好保護就正式用激光，一開始治療師會問感覺點先繼續打其他位置。感覺似俾橡筋大力彈都幾痛下，不過尚可接受，有凍風吹住唔覺熱，而且凍風強度適中唔會吹到透唔到氣（之前試過激光打斑俾凍風吹到好辛苦），過程中會聞到有燒焦味。全面完成一次之後會再加激光強度再打，相對痛既感覺會更加強烈，如果受唔到治療師會調低強度，當然效果都相對無咁明顯。
激光治療之後係肌膚最吸收養份既好時機，治療師馬上用SkinCeuticals B5 gel按摩，手法熟練，力度量中，令人覺得非常舒服~
由於要將Treatment room留俾下位用，要稍移玉步去隔離Relaxing room敷mask。敷上SkinCeuticals B5面膜再加上倒膜等約20分鐘，即時為肌膚保濕同舒緩。治療師主動為兔比開電暖氈，敷住涼浸浸面膜都唔怕凍，聞住香薰同聽住音樂聲，舒服到訓著左ZZzz…
最後搽返面霜防曬就完成啦！即時肌膚明顯光澤同飽滿，只係面頰有輕微泛紅，冇任何刺痛感，即時上妝都無問題。最驚喜係面毛唇毛都唔見晒~^^不過做一次對斑斑就唔會有咩改善
臨走前去Makeup area上返妝同整理一下個頭上堆亂草。可惜張梳妝檯非常細，而且燈光昏暗，為免化到個妝怪怪兔比都係素顏離開。
由於激光過程熱能會吸收肌膚水份，肌膚會變得較乾，治療師再三提醒療程後3日要敷mask補水。另外今次療程已經有助清除污垢，唔好做磨砂同深層清潔。臨走前治療師俾左一小盒降紅膏兔比旁身，面上出現紅點就薄薄搽上，如果無特別反應一星期後就可以唔要。
兔比分享就到此為止啦！大家有興趣既話可以$480(原價$2680)獨家體驗「激光緊緻及SkinCeuticals潤澤護理」一次，完成療程後可全數$480換購SkinCeuticals正價產品，變相買SkinCeuticals product送療程，絕對超值。登記請瀏覽 http://www.perface.com.hk/form/s3.php
有興趣試做就千祈唔好錯過唯個黃金機會啦！
0 留言:
張貼留言