發表文章
春夏登場Pitera™-in晨光透亮彩妝，為肌膚注入朦朧春夏晨光透明感
早前見到Angelababy嘅彩妝廣告照，經已深深被迷倒！Baby一向係兔比心目中嘅氣質女神，加上SK-II COLOR打造之光感美妝，無辦法將焦點移開呢~
前日兔比獲難得機會出席SK-II COLOR春夏晨光彩妝秘技教室，實在太令人期待！當初仲以為SK-II唔會揀兔比哩類黝黑皮膚女生參與品牌活動，原來真係諗多左˞͛꒰๑ •̆ꈊ͒ू•̆๑꒱
SK-II COLOR彩裝系列包括眼影、唇膏、胭脂、睫毛液、眼線筆同眉筆，顏色選擇亦好多元化，唔同場合都可以搵到心水配搭
稍作介紹之後當然有彩妝示範啦！
眼妝部分用上Clear Beauty Eye Shadow，突破性2-Step設計，除左一深一淺眼影仲有Pitera™-in Creamy base，含有Pitera™、維他命及海茴香
先以左方Pitera™-in Creamy base打底，可以保護眼周脆弱肌膚，防止乾燥失色
以棉捧印上深色眼影於眼尾三角位置，切記唔好搽高過眼窩
以眼影掃沾取淺色搽響眼頭至已搽深色眼影位置，將兩色交界blend鬆造成漸變效果
春夏柔美妝唔需要明顯眼線，可改以眼影代替~ 下眼線位置同樣以Pitera™-in Creamy base打底，再將一深一淺眼影分別搽響眼尾眼頭一段，下眼線尾要連接上眼尾喔！
要令眼妝更完整更有神采，可用Clear Beauty Liquid Eyeliner畫上內眼線
夾翹睫毛後搽上Clear Beauty Lengthening Mascara
值得一講係哩款Clear Beauty Lengthening Mascara同樣蘊含Pitera™，仲加入維他命原B5同維他命E複方，有滋養睫毛功效，即係話搽Mascara等如幫睫毛搽serum！
Clear Beauty Blusher同Clear Beauty Eye Shadow一樣附有Pitera™-in Creamy base，先沾取於臉頰印開，防止肌膚乾燥，又可以令肌膚睇落細緻柔滑，base仲可以印埋響眼底有修飾眼圈作用
微笑然後響凸出嘅蘋果肌打圈掃上胭脂就可以
最後當然唔少得唇膏，Clear Beauty Moisture Lipstick中心為Pitera™及寡胜肽複方底霜
無需先搽潤唇膏都夠滋潤，雖係唇膏但搽出黎效果有如lip gloss般有光澤，另外只要垂直方向掃就可以修飾唇紋
睇完示範大家都急不及待親身試用，每兩位blogger就有一位BA協助，絕不待慢
BA先了解大家想要咩妝效，再推介合適色號，示範睇得唔清楚都唔要緊，用法都會再詳盡講解
特別一提Clear Beauty Eye Shadow Pitera™-in Creamy base建議用綿捧沾取後，先於手背推走多餘份量先搽上，不宜過厚，然後由眼頭至眼尾單方向一打一打搽上，唔好來來回回！初次用兔比一下兒搽多左Creamy base，捽出擦膠碎呢>< 薄薄一層base有輕微閃爍打亮效果，而且好幼滑易推開，令接住上嘅眼影更貼更顯色
BA教路深色印於眼尾三角，以附有眼影掃blend鬆邊界，以先印後掃手法搽上淺色於眼頭至深色交界，再沾取淺色單一方向由眼頭掃到眼尾，就可以營造出自然漸變眼妝，顏色唔夠可以再重覆以上步驟
由於用上Clear Beauty Eye Shadow #81色號比較顯色，BA強烈建議下兔比畫埋外眼線加強效果，sharp晒~
由於focus響眼妝，胭脂同唇膏都只揀比較低調顏色
當日兔比忘記搽lip balm，嘴唇乾到起晒皮仔，好在Clear Beauty Moisture Lipstick真係夠晒滋潤，乾巴巴唇都冇有怕，仲相當顯色連暗沉唇色都被遮蓋~
今次有天使相伴特別開心，否則兔比會好寂寞呢~
離開會場前仲獲贈一大袋SK-II COLOR產品，絕對稱得上滿載而歸，仲有皇牌神仙水，一定要親身體驗一下佢嘅厲害！多謝SK-II熱情款待~
用後感下篇再分享，要繼續支持喔！
0 留言:
張貼留言