大好評「瀛」格phone潮登陸！

Smartphone已經成為大家日常生活一部分，iphone及galaxy深受歡迎，近期iphone 5仲成為搶手貨，最近就發現兩大陣營以外另一好選擇，仲特別岩對日系手機情有獨鍾嘅朋友~

今次為大家介紹嘅係HTC新出品HTC J，早前兔比同一眾blogger獲邀出席HTC新品試用會，率先了解一下到底HTC J有咩魔力登上日本人氣No. 1！

HTC J早前已優先於日本開售，而且仲大獲好評，不論用家滿意度及人氣都超越iphone及samsung長期佔領榜首位置，注目度極高！

品牌揾黎「AKB48」勁敵「乃木坂46」擔任代言人，無真人都要同紙板合照下 XD

CM完全表現出佢地嘅青春活力之餘，展示HTC J於攝影及音質方面2大出眾之處

HTC代表Thomas為我地簡介HTC J後，大家都可以隨便試玩一番，仲有工作人員教路

HTC J 不論外型及內在設計都貼合亞洲市場需要，有別今年品牌主打之One Series及Desire Series，特別邀請日本當地設計師參與產品設計，備有黑白紅3色選擇，支援HSPA/WCDMA/GSM/GPRS/EDGE/CDMA2000 多國網絡制式，方便於外地使用

採用Android™ 4.0作業系統，配備1.5 GHz雙核心高效能處理器，流暢度高同時減少耗電量，採用1810mAh高電量可換電池，內置16GB儲存空間外，仲支援micro SD card擴充容量 外型方中帶圓親和設計，配合4.3吋屏幕切合東方人手型，易於單手操作

貼心防塵塞設計唔怕耳筒及其他接駁口積塵

當然不得不提強勁拍攝功能及音質效果，Amazing Camera 相機部分配備f/2.0大光圈及28mm廣角鏡頭，並內置相機晶片，可以1秒4張連拍達99張之多，並整合Beats Audio™ 音訊處理器，聽歌睇戲或玩遊戲都有最佳音質享受 兔比即場試用，運作速度夠快又流暢，由unlock到啟動拍攝功能都不過10秒，唔怕錯過精采時刻=͟͟͞͞(๑•̀ㅁ•́ฅ✧ 前鏡頭拍攝相片質素極佳，缺陷係自拍鏡頭解像度不足，未能貼合愛自拍嘅港女需要，還好前鏡頭有自定計時拍攝功能，無人揸機情況下都可以同一大班friend影相

把玩期間竟然發現有自動微笑捕捉，只要露齒笑就會自動拍攝喔~

由於HTC J設計以日系美學為設計基礎概念，所以大會特別安排體驗日本三大藝道之一“香道”，由香薰治療師以純天然植物香薰油為我地調配出專屬香味

香薰師提供左4款formula作參考，大家可以由組合當中加加減減成為自己最喜愛嘅香味

以蒸餾水加入十數滴香薰油及幾滴solubiliser即可調配成一支淡香水

活動響agnès b. Café LPG舉行，少不了有精緻甜品食，兔比唔客氣囉~ 



玩夠食夠聞夠之後，大會抽出一位幸運兒可以獲得一部HTC J，向來無抽獎運嘅兔比當然無份，不過收到大會送贈嘅紀念品都算有點安慰

哩個和風金魚小索袋實在太可愛嚕！小金魚向大家say個Hi ( •ॢ◡-ॢ)-

Categories: ● 乃木坂46, ● 智能電話, ● HTC, ● smartphone, 品味時尚, 活動分享, 科技電玩