發表文章
一次過都得咩？無錯！因為兔比最近轉用左 ZINO水嫩溶妝液 (Make-up Dissolving 1-Step Cleanser)！
最厲害之處莫過於有別大部分卸妝產品須乾手乾面情況下使用，「水漾親膚配方」就算沖涼個陣手濕面濕都絕無影響，20秒就可以迅速將化妝溶解
ZINO水嫩溶妝液採用最新「水漾親膚配方」，蘊含蠶絲膠原蛋白及鎖水鑽石分子等修護精華，配合清爽乳液質感，可以徹底卸除唇、眼及面部彩妝，同時潔淨污垢、油脂及角質，配方為pH5.5且不含酒精，無損肌膚天然保護層，即時提升肌膚含水量
話乳液質地但觸感似Gel，水潤易推，往面上按摩期間可避免拉扯肌膚，以致肌膚鬆馳
隨住按摩乳液會變成水狀，化妝會慢慢溶呀溶，要按摩至少20秒，為求乾淨真係唔可以心急沖洗！
過水抹乾摸摸，果然丁點都唔笠，向來皮膚好乾嘅兔比都唔覺繃緊，肌膚仲不知幾爽幾soft~
雖然樽身寫1-2泵，但兔比覺得份量唔多夠，一般淡妝會用3-4泵
當然想試清楚潔力最清楚不過係試上手，一於將平日用彩妝品（包括粉底、眼線液、Lip gloss、睫毛膏、眼影膏同胭脂）統統畫上手再用ZINO水嫩溶妝液
第一次用左2泵打圈按左2分鐘後過水，仲有睫毛膏及閃粉殘留，而且有Lip gloss嘅黏黏觸感，於是兔比又重覆再用2泵，但都唔可以完全將睫毛膏及閃粉卸走，潔力似乎的確唔夠強勁，濃妝下使用絕唔適宜，而且睫毛膏需要以眼部卸妝液先行卸走
之後兔比又試試濕手情況下用，潔力似乎同乾用差唔多
ZINO水嫩溶妝液觸感同保濕力都不錯，唯獨潔力的確有限，並非濃妝可用之選~
0 留言:
張貼留言