發表文章
要有效其實都唔一定要去到微創，而兔比日前就試左Beauty Glow新推出「冷凍無針亮膚療法」，以脈衝電流刺激配合冷凍技術，激活真皮細胞同保護細胞基因組織，比一般無針注滲率增加10-20%，無痛無創，舒舒服服，岩晒一班怕痛貪靚鬼~
圖片來自HKCOSME
Beauty Glow係Phillip Wain International 集團附屬成員，提供最優質美容及纖體服務，網羅各國不同皇牌護膚品牌，配以先進尖端科技，令客人安心而且有保証，榮獲ISO9001嘉許其全優質服務質素。服務包括美顏修護、纖體修身、水療按摩、美甲同舞蹈課程等，備有美容產品專櫃，提供名貴護膚產品。
「冷凍無針亮膚療法」一個療程多個功效：
• 配合極緻滋養保濕產品，增加皮膚滋養度及細胞含水量；
• 即時減淡皺紋及缺水紋，亮澤肌膚；
• 增加表皮防禦功能，減少敏感徵狀；
• 冷熱交替操作，提升緊緻，改善毛孔；
• 冷凍注滲功能適合發熱 (如光學療程療程後)、敏感痕癢肌膚，減低紅腫及幫助傷口癒合
今次去嘅尖沙咀分店位於愛賓商業大廈3樓，多得Beauty Glow Marketing同事Jade清晰指引地點好易揾，響the one附近，豐澤樓上就係啦！
一出升降機就係reception，check-in後即獲發locker key，先跟Jade四圍參觀，成個center環境唔細，空間好充裕。
休息區有電視雜誌，仲有飲品小食生果供應，連涼茶都有呢~
層架上面陳列好多所用產品，大部份都好眼熟，因為Beauty Glow以前係SaSa同公司，宜家都仲沿用一系列SaSa有售品牌產品包括La Colline、Suisse Programme、Dr. G等等。
不同房間內有唔同配套切合泰式按摩、Spa、Facial等不同療程。
入療程房前先去更衣室放低行裝，地方整齊又乾淨，仲設有化妝間、桑拿房同沖涼房
打開locker有齊毛巾、浴袍、浴帽、拖鞋、紙內褲，唔駛四圍搵，好體貼呢~
換過浴袍就跟治療師Zoie入房做Treatment啦！GoGoGo！
療程房燈光岩岩好，唔刺眼可以好好休息又不至太暗，而且好乾淨。
第一步當然卸妝潔面啦！Zoie一邊幫兔比潔面一邊講解成個療程會點做，過程中問左唔少肌膚同療程問題，Zoie都一一耐心解答，非常專業。之後搽上peeling，軟化同去除角質，加強之後吸收護膚成分。
療程仲包括針清修眉。先全面噴蒸氣擴張毛孔，然後開始清走黑頭粉刺，Zoie好仔細咁針清全面，額頭粒粒較多Zoie先溫馨提示兔比會比較痛，唔舒服就開聲啦~Zoie手勢唔錯，除左針額頭有D痛之外，其他位置都唔覺痛呢~
搽完消炎水戲玉就黎啦！搽上精華液後再用機器導入肌膚，今次用上Q10同LipoMed水份精華液整整兩支，Q10精華液內含Q10同卵磷脂，滋養皮膚，撫平細紋；而LipoMed水份精華液含高水份生物海產混合物，持久保濕。
開始前Zoie將膠貼貼響兔比嘅手臂作通電，先以暖頭導入Q10精華，再改以凍頭導入水份精華，過程中感覺到溫度同導入頭響面上來回咁碌，仲感覺到精華液滲透入皮膚，但絕對無痛。
為左即時對比療程前後效果，Zoie先做左邊面俾兔比照照鏡，肌膚變白淨有光澤，水份充盈，毛孔都收細埋，即時見到超明顯提升收縮效果，左邊面比右面尖好多（本身兔比有點照鴛鴦面，左邊係闊過右邊少少=.=），好厲害！下圖係進行療程前後自拍
有別於其他美容院做Facial敷Mask加倒膜，Zoie用Cream狀Q10滋養面膜幫兔比按摩全面，力度好輕柔舒服，然後再敷上Q10抗敏水療紙面膜，將先前嘅精華養份統統推入肌膚（自己響屋企都可以試試一次用上兩種唔同質地面膜~）
敷Mask同時做肩頸按摩，舒緩同放鬆一下緊繃肌肉，Zoie見兔比怕痕都特別留意力度，太細心啦！搽過面霜眼霜就完成！
可能隔音做得好，除左樓上偶爾傳黎一點雜聲成個過程都好寧靜，但唔知點解純音樂播播下又無左，好似斷斷續續咁。不過環境同治療師手勢令人舒服到唔想起身呢~
去更衣室施施然換衫同好好整理一下個樣，化妝間有齊Hair Product、Con水同Suisse Programme產品提供，最估唔到係連化妝品都有埋，eye shadow、胭脂同粉餅都有，好貼心！
第二日光澤透亮感都不減，緊緻效果依然明顯，毛孔細緻而且維持住尖面效果，做一次已見到咁明顯效果真係好滿意！
特別喜歡Beauty Glow為客人切想周到，配備好齊全，成個環境不論大堂、更衣室、休息區定療程房都好乾淨企理，加上明顯可見嘅即時效果值得高度推介！
唔只兔比有份體驗「冷凍無針亮膚療法」，Beauty Glow送出十個免費體驗名額俾支持兔比嘅您，快D click入 http://hkcosme.com/beautyglow/ 啦！記得響“你是從那裡得知此免費體驗? *”問題填兔比個朵"Tobit 兔比"，唔係抽您唔到架！
2011年5月30日 11pm截止報名，如報名人數多過10人，會以抽籤方式選出10位幸運兒，兔比將會響blog內公佈幸運兒名單。有興趣試試嘅您記得唔好錯過啦！
0 留言:
張貼留言