破解可愛教主的肌膚水嫩QQ秘密 ~ Tobit 兔比 ♥ Blog this way

可愛教主楊承琳算係兔比比較喜歡嘅台灣女藝人，歌又好聽人又sweet，連膚質都非常好！

近期熱播可愛教主代言Biotherm Aquasource廣告大家都有睇過吧？可愛教主大讚用完肌膚好水好QQ（𣎴得不讚佢今次廣東話講得蠻正~）就算未用過Biotherm都會知Aquasource乃Biotherm皇牌系列，到底Aquasource點打造出肌水嫩QQ肌呢？

早前好榮幸獲she.com Javy邀請出席Biotherm Aquasource Blogger Event。剛剛當日返新工被捉住OT，趕到大汗疊細汗，認真失禮晒，被大家見到兔比返地盤個衰樣，OMG！

由品牌Assistant Training Manager Cherry先介紹品牌小背景，Bio代表Biology（生物），而therm代表Thermal（溫泉），品牌名Biotherm意味溫泉天然成份同生物科技結合。

認識左Biotherm好一段日子，都係宜家先知原來佢地來自法國，而且已經有50多年歷史，而響香港眨下眼都已經十幾年，記得當時第一代代言人係當時仲好少女嘅楊千嬅，宜家都已為人婦，代言人換上可愛教主，不變嘅係品牌形象仍然年輕有活力！

皇牌面霜Aquasource全球每8秒售出一瓶，受歡迎程度可見一斑！

要了解Aquasource就一定要先帶大家認識一下何謂保濕。咪以為淨係秋冬先要注重保濕，皮膚水份會因流汗同蒸發自然流失，所以一年四季都唔可以懶！

一般產品阻止水份流失有2個方案：前者以傳統保濕成份如凡士林、透明質酸等作保護劑阻止水份蒸發，可惜未能滲入表皮層；後者以傳統保濕成份如甘油、尿酸等作濕潤劑從空氣中吸收水份，鎖水並保留水份。

全新Aquasource黎到第三代配方，除獨家PTP溫泉有機活性因子外，仲加入專利成分甘露醣（Mannose），萃取自樹木，係幫助植物抵禦乾旱成份。甘露醣有別於傳統保濕成份如甘油、尿酸等只於表層補水，能滲入表皮層第5層深處為肌膚補水，增加皮膚儲水量25%同時強化天然保護膜，帶黎長達48小時保濕效果。

Aquasource都有2款唔同顏色同質地選擇，曝光率高企嘅綠色係凝膠狀，適合中性至混合性皮膚；而另一分身係粉紅色乳霜狀，較為滋潤適合乾性皮膚，除左睇肌膚性質而揀之外，可以唔同季節轉用唔同質地。

Cherry即場示範為Blogger小可力左邊面用上Aquasource系列產品

Step 1：用Aquasource Toning Mousse加水起泡清潔油脂污垢，鼻冀、面頰同下巴輕輕打圈，唔好忘記髮邊，用濕紙巾抺乾淨。

Step 2：將足夠份量Aquasource Toning Fluid 倒響化妝棉（要滲透全塊化妝棉喔~），由內而外抹，可以去除死皮同殘留污垢，同時保濕及平衡肌膚，記得唔好忘記頸、耳背同髮邊位置~

Step 3：搽上Source Therapie，保濕同時強化皮膚自我防衛機能。質地好輕盈，快速被皮膚吸收。

Step 4：Aquasource Eye Perfection打圈按摩眼底，3重走珠設計可以舒緩眼部疲勞，剩餘精華可以輕輕用手指印開。Aquasource Eye Perfection仲有個朵叫“大眼仔”呢！Cherry額外俾左個貼士大家，搽眼霜方向其實無特定，而係視乎想改善咩眼部問題，由內到外針對眼圈眼袋，由外到內就針對眼紋。憑