醫學美白抗氧新名詞﹣R-OX

早前去朗豪坊參加MD Skin Solutions x i-beauty『抗氧美白+補濕』專家講座，幾年黎兔比都無間斷用MD Skin Solutions出售嘅醫學護膚品，目前為止好多款都keep住回購，今次佢地搞講座當然兔比唔會錯過~

大會貼心提供小食同飲品，有點可惜係小食都已經放到涼涼，明顯係擺左一段時間。仲有就係大會本身唔准大家影相（唔係blogger event喔！），今次可以影少量相係MD工作嘅朋友仔幫忙爭取，多謝您呀Zoey！

今次講座主要介紹推出無幾耐嘅Bicelle R-OX 抗氧再生系列

Bicelle旗下三寶（Vitamin C、Phyto & B5）係兔用長期回購產品，之前文章都推介過B5同Bio-cellulose Hydrating Mask（前文回顧：秋冬特別篇：拯救我的乾燥肌妙品公開！），R-OX同樣吸引，當中R-OX毛孔細緻精華兔比早已入手（可惜未用到．．．）。

由美容導師講解肌膚衰老主因同介紹R-OX

獨家革新研製新一代抗氧成份R-OX (Regenerative Antioxidant)，保護同時改善，加強抗衰老效果至極致，有效重點擊退皺紋、提升彈性，5天重現新生光彩。全個系列都有穩定性維他命C (Ethyl Ascorbic Acid)、TRX生長因子(Human Oligopeptide-4)、胜肽TGP2 (Oligopeptide-34)3大成分。

穩定性維他命C有別一般水溶性維他命C，屬水溶及油溶性可以滲透入細胞膜脂肪層，保護細胞內外做到全面抗氧化，抵禦游離基及紫外線侵害。

一點題外話：大家都知道維他命C屬酸性吧？初用可能會有輕微「拮」同「癢」感覺，之後就會慢慢適應，初用者可於先隔日使用。導師都提醒大家維他命C係早晚都要搽以達到最佳抗氧化效果，唔只係夜晚搽架！

TRX生長因子 (Human Oligopeptide-4)促進健康細胞激生，增厚表皮層，改善皺紋回復緊緻彈性。

活胜肽TGP2 (Oligopeptide-34)，有效抑制細胞中的黑色素體，淡化色素，臨床實證連續使用5天，黑色素體能減低60%。唔俾色斑現形要由底層開始！

除左3大成分R-OX 獨有專利滲透技術Nano-Encapsulation具雙重保護效能，成份更穩定，配合納米技術壓縮至70nm-250nm大小（總之就好細啦！），有效滲入真皮層發揮抗氧功效。 

之後大家都可以親身試下產品質地，滲透性都好高，而且不留有笠笠感覺。效用經臨床實証自然予人更大信心，稍後用完都同大家匯報一下~

講座後即場買任何Bicelle產品有76折，兔比手上太多貨無買到，反而同行朋友仔收穫好豐富~

是日收穫有Mini size R-OX一套，細細支好cutie呢！

多謝MD Skin Solutions同i-beauty，期待更多精采活動！

Categories: ● 抗氧, ● 醫美, ● Bicelle, ● ibeauty, ● MD skin solution, ● ROX, 活動分享