毛囊殺它死。。。告別毛毛手 @ Pretty Medical光纖嫩。脫 (3)

前文回顧：
毛囊殺它死。。。告別毛毛手 @ Pretty Medical光纖嫩。脫 (1)
毛囊殺它死。。。告別毛毛手 @ Pretty Medical光纖嫩。脫 (2)

有幸獲Pretty Medical選中進行一連4個月之光纖脫毛行動，話說上回提到兔比已經進行左兩次光纖脫毛，三星期後Pretty Medical又為兔比進行第三次療程~

Read More

平易近人的嬌媚妝容。。。再三迷上Giorgio Armani

自成為blogger試左好多自己之前從未接觸過嘅品牌，其中親身試用過Giorgio Armani Beauty就愛上佢地家化妝品，Liquid Foundation同眼影都係大推介！（前文回顧：神奇緊緻提升粉底？！令人嘩然的化妝體驗！；Giorgio Armani打造殺死人電眼 (下篇)。。。自家Smoky Eye Step by Step）最近手上多左支新出品Giorgio Armani Rouge d'Armani Sheers，當然都要同大家分享分享~(๑❛ᴗ❛๑)

Read More

下雨天的長洲漫遊。。。好吃的好住的

上星期兔比佬生日，特別請左兩日假同佢去長洲散散心٩(˙▿˙)۶ 唔覺唔覺原來已經六七年無去過長洲，上一次都係開始交往個時一齊去

由於唔係咩特別日子或假期，前三日都可以訂到聞名嘅長洲歐美式渡假旅館 B & B，標準房已滿改訂較貴嘅高級房（位於主樓），先過數入一半訂，check-in再付另一半

 

 

Read More

久違了的大考戰友。。。一餐飯時間教我「腦」力拼搏！

老媽從前好緊張兔比學業，總會監察住有冇偷懶，每逢測驗考試時間，一定會準備一兩打雞精響屋企看門口，俾兔比溫書溫到頭昏腦脹個時飲。自從上左高中佢就停止監察學業（大個女都知要努力讀書），兔比亦告別雞精轉投咖啡懷抱，自修室蝕書嘅日子至少每日飲兩杯先捱得過꒰⁎×﹏×⁎꒱՞༘✡

明明知道咖啡並非健康之選，但當時都不以為然，後來遇到自然療法教授，兔比被狠批體質差，乖乖聽話戒咖啡兩星期試試，精神的確好左，睇落相對容光煥發呢~ 需知咖啡同其他能量飲品都含咖啡因，刺激中樞神經系統，暫時舒解疲累，但未能真正針對氧化壓力問題，如果攝取過量會令情緒更加緊張，可以引致焦慮同失眠，長遠有損健康喔！

早前兔比應邀出席白蘭氏博客晚宴了解點對抗腦功能下降

Read More

剎那美白不代表永恆？！打破美白假象！

紫外線無處不在，除左每日搽防曬之外，美白功夫從來都係沒完沒了，特別女生大多都係永無休止追求美白吧~

但係亂用美白產品好多時都會撞板．．．
有D產品初用見到效果，之後就毫無進展，效果更加係一瞬即逝；
有D產品淡化左舊有色斑，新色斑又接力湧現；
更有D產品一下子已有明顯效果，原來只係掩眼法，隨之而黎係色素沉澱、阻塞毛孔、敏感、發炎等問題
唔通美白不過係一場假象？

美白產品唔可以亂用！兔比只會選用信得過嘅品牌同含有可靠成份產品

自年頭試用完美白精華，有一段時間無刻意使用任何美白精華，斑斑又開始浮現，似乎係對兔比發出強烈警告！適逢獲邀試用全新Neutrogena Clinical WHITE VITALITY精華素，美白mode又開始啟動！

蠻欣賞今次產品包裝呢~ 有別一般紙盒包裝，哩個係全個拉開，幾有新意^^

Neutrogena科研團隊研發出VITAL-ION™礦物離子科技，WHITE VITALITY精華素以特殊雙管設計，保持成份高度活性，泵出後融合就可以發效功效，恢復細胞更生及重建能力，抑制黑色素形成，擊退色斑同時平滑肌膚。經醫學實驗證實，一支擊退一年頑固色斑。

打開蓋會見到泵頭正中有兩個出口，細看就會見到入面嘅雙管設計

一按兩支內管會同時泵出兩種精華，達到兩種精華於使用時先混合作用，但唔知點解總係控制唔到兩邊泵出相同分量><

乳液質地帶點滋潤感，輕易推開，不含油份肌膚表面不留油膩黏笠感

試用10日無令肌膚變乾或敏感，比較肌膚明亮度有所提升，雖然唔算明顯白左，但褪左肌膚原有灰灰暗暗色調

近望斑斑有微微淡化，而且唔見有新色斑浮上面，最開心係痘痘印色素淡化左好多呢~

全面美白點少得雙眼，同時試用Neutrogena Clinical WHITE VITALITY亮眼精華

VITAL-ION™礦物離子科技激活細胞，促進血液循環，由底層擊退黯沉，對抗黑眼圈及淡化眼周色素，特別添加Neutrol TE成分，改善細紋、眼袋同眼部肌膚鬆弛浮腫等問題

哩隻唔同美白精華，都係一般單管設計

質地同美白精華相似，連氣味都係一樣

眼部產品首要條件一定要潤而不膩，唔會搽到出晒油脂粒，哩點佢絕對Pass！一泵份量搽晒雙眼剛剛好，按兩按已吸收晒囉

試用10日原本極嚴重嘅眼圈依舊（唔知係咪深到無得救．．．）眼紋同樣未覺有淡化到==" 眼袋兔比本身無所以試唔出改善

點都好達到真正美白，產品都係輔助，足夠睡眠加健康飲食促進新陳代謝始終係不二法門，哩點有幾多人可以真正做到呢？

Read More

熱鬧的復活節派對。。。平心論4月份Glamabox

自上年底掀起美容產品試用禮盒熱潮，大家都經常分享自己個box，又討論邊個內容最豐富最抵買，熱潮一直不減，雖然兔比自己無訂過不過都一直留意住大家分享，八卦下每期盒子有咩東東

早前拉住芭比衫尾出席Glamabox Easter Wonderland Party見識見識，亦係兔比初次接觸由名模Lisa S創辨嘅Glamabox~

估唔到會場咁熱鬧，大部分認識嘅blogger都在場，難得咁多人同時碰面呢~ ٩(๑❛ᴗ❛๑)۶

大會請黎髮型大師Kim Robinson同Sheila Cheung為兩位Model即場造型，變髮前髮型平凡

大師落台開始發功ing

接住由化妝師Gabbie作化妝示範，可惜距離真係太遠睇唔到做緊咩(◞‸◟；) 

又係時間睇下Kim同Sheila幫Model塑造左咩造型，果然令人眼前一亮，變身型格Party Girls！

Kim仲同大家分享左面型同髮型配搭嘅貼士~

特別介紹最近登陸香港嘅prodigy，純天然成份由瑞士阿爾卑斯山植物提煉、無油分、香料或阻塞毛孔成分所有類型肌膚都岩用。

接住係遊戲時間，檯上嘅靚靚復活旦原來除左係裝飾仲暗藏玄機，入面載左朱古力，部分仲有紙條，手上拎住紙條行到台上答簡單問題就可以得奬啦~ Kami同ArMui都係幸運兒喔！

另外，會場角落有REFINE、vino cacao同Glamour Perfume & Fragrance小攤位

REFINE REFINE Skin Recovery Serum細胞再生精華液為全世界第一種純淨、高濃度、鮮活SPF無菌豚胎盤素成份，除左聽產品介紹大家仲可以響手上試試

精華液質地好水，好快俾皮膚吸收，由於係純天然成分味道唔太好聞，不過過一陣就會消失

vino cacao係朱古力酒，市面上比較少見，飲落的確有朱古力味，白酒較甜紅酒就較苦澀，各有捧場客    

同美人芭比乾杯，兔比個樣似乎有點醉意 \(//∇//)\

Glamour Perfume & Fragance攤位當日人太多唔夠時間完成已經要離場，還好GP之後再作安排，早前兔比都已介紹過（前文回顧：尋找“它香”的故事 (๑❛ᴗ❛๑)）

最後大家獲贈四月份Glamabox作禮物

放工後趕到嘅大家都好肚餓，大會雖然有安排食物，但只得幾盤，行到出去只有吉盤=0=

無奈refill又慢，只有捱住餓等，份量都只係小吃填唔飽肚．．．話晒活動都幾小時仲係食飯時間，大會下次應該考慮提供一點比較飽肚嘅熱盤

歸家急不及待要拆開4月份Glamabox睇睇~

內容包括Aromatica純玫瑰皇牌精華35ml、卡蜜兒經典護甲潤手霜30ml、Glamour Perfume & Fragrance 5ml、Spa ph+ PHYTO-C特強美白精華3.75ml同韓國保寧礦物泥潔面泡沫70ml

產品種類蠻多元化，除左面部護理仲有handcream同香水，而且PHYTO-C精華另附有Spa ph+免費按摩療程劵，總值一定超過訂購價

但坦白講過半品牌都唔多熟識，唔係話有新嘗試唔好，不過欠缺知名品牌撐場對兔比個人而言吸引力不夠，如果作為訂戶當然希望得到一D價錢比較高昂嘅產品試試（即使試用品size唔多都好)

另外獲贈prodigy Advanced Moisturizing Soothing Gel，稍後試用左再匯報~

特別多謝Glamabox除左送禮仲帶俾兔比一個難忘復活節派對~ ( •ॢ◡-ॢ)

Read More

復活節的愉快紀錄。。。大棠荔枝山莊親親大自然

終於同復活節講再見，又要返工心中實在十萬個不願意呢><（懶人邊個養得您起？！）剛剛過去幾日假期大家都有精采節目嗎？兔比雖無外遊但同樣開心٩(๑❛ᴗ❛๑)۶

假期第一日相約左幾位blogger好友去九龍酒店倚窗閣食復活節Lunch Buffet，大家約左好一段時間終於約到啦！

Read More

尋找“它香”的故事 (๑❛ᴗ❛๑)

香水真係一種奇妙嘅東西，不同氣味會分層慢慢散發出黎，噴上香水好似個人都寧舍有自信！  ٩꒰๑❛▿❛  ॢ̩꒱

不過香味真係好主觀，A覺得香時B可能覺得刺鼻難奈。曾經DKNY有款蘋果香水兔比好愛，但兔比佬就怕怕，自此哩款香水只留待見唔到隻佬個時用꒰⁎×﹏×⁎꒱ 再者市面上香水多如恆河沙數，要揾到自己所愛都非輕易，可能要試聞數十種先有心水。

早前響Glamabox活動中認識左Glamour Perfume & Fragrance，先知原來香水都可以度身訂造~ （太愚昧無知．．．）

Read More

瘋狂試鞋的樂透晚上。。。阿Sa的Retro Fun Mix & Match心得

一向唔係潮流達人嘅兔比難得上星期獲得PR小姐邀請出席Joy & Peace又一城新店活動，飽覽一系列靚鞋仲可以隨便試著隨便影相，實在太爽囉！(๑✧◡✧๑)

Read More

神奇持久化妝Last到兩年？！（附期間限定優惠）

相信唔少女生寧願訓多陣都希望可以減省化妝時間~（本人正是！） 兔比自己畫眼線好多時會搞到一塌糊塗（特別内眼線又易溶化開），要花蠻多時間修正，如果有朝一日無需畫眼線就可以精靈出門就好啦！✧(๐ ́꒪̐ꈊ͒꒪̐)ꐳ ．．．絕望真相係任何化妝係無100%持久不脫色(๑꒪ㅁ꒪๑) 甩左又要補，而且每晚必須卸到乾乾淨淨，第朝又要化過．．．天呀！有冇辦法可以化一次妝keep一段時間唔駛卸又唔傷皮膚？

今時今日無野係無可能！宜家已經有種安全可靠嘅高科技技術引入香港，竟然可以做到化妝持久到溶不了卸不掉！？日前兔比應邀出席 Vytal mei 活動了解哩種神奇持久化妝到底係咩一回事~

由Vytal mei Location Manager Vikki 為大家介紹

Vytal mei香港獨家引入德國原創AMIEA持久化妝技術，通過歐盟衛生標準，以專利天然安全顏料同技術，可以做到持久眼眉，上眼線同唇線。所採用針頭比毛孔仲細，可以將顏料注入表皮層同真皮層之間

據Vikki所講預計年尾可以推出全面底妝服務，顏料可以根據膚質混和B5等合適護膚成分，修飾同時修護肌膚，聽起黎實在太神奇，令人超期待呢！

顏色方面有多種選擇，加上顏色亦可以修改紋眉繡眉或柔眉等等顏色、修正已變色或不滿意眉色。

服務由持有証書Professional Beautician專業美妝師主理，佢地全部都通過專業課程及考試，保證達至高衛生及安全水平。

雖然上年年底AMIEA先引進香港市場，但至今已有 20 年歷史，全球共有 200 萬人次使用過哩項技術，包括台灣、韓國、上海及新加坡都有引入。

化妝效果可以維持1-2年不等，視乎個人肌膚結構、年齡及生活方式而定，採用嘅都係天然安全顏料，唔會變色，修改紋眉繡眉或柔眉等等顏色都適用。

進行持久化妝前美妝師會先同客人進行諮詢，解釋化妝過程。

哩位客人係咪熟口熟面呢？您無認錯佢的確係水魚小姐！將佢會獻出佢條上眼線擔任今次其中一位示範麻豆（拍掌拍掌）

過程大致係了解客人要求，然後以麻醉膏將部位麻醉，以天然成份顏料為客人描繪要求妝容，接住正式以儀器及專利技術為客人「化妝」，因應不同部份用上不同針頭，最後為客人消炎及降紅。

介紹過後Vytal mei安排左眼眉同上眼線即場示範俾大家睇，先係眼眉持久化妝，首先當然係要先麻醉同修好眉型，再畫上摸疑效果

客人OK就正式響儀器套上合適形狀同粗幼針頭，開始一筆一筆咁描畫，然後俾客人望望眉型同顏色係咪岩心意。唔係畫一次就完成，要重覆上色數次，每次著色會好輕手，然後逐漸加深顏色至客人滿意，一個月後顏色大概會退30%所以一般完成後即時顏色會比較深，之後包一次補色

由於毛孔被打開左，接住會搽上哩支有抗紅、抗敏、抗菌作用嘅藥水

眉型處理由於面積比較大，需時較長所以未等完成就睇上眼線示範

除con後嘅水魚已經魚隨針砧板上

搽麻醉膏前先厚厚響眼簾搽上水份保護霜，有助防止客人睜開眼，阻隔麻醉膏以免入眼，然後就係等麻醉起效

正式用機前先描畫眼線再俾客人睇睇合唔合心意，粗幼長度都可以有特別要求，而水魚今次係做睫毛根部自然加深，一般東方人加深眼線會用黑色，效果最自然，而且之後會有30-50%退色，所以顏色建議用最深嘅黑色，當然之後同樣可以再補色。正式開始前客人可以就摸擬效果提出意見

眼線可以按客人需要畫入一點眼頭，達到開眼頭擴大眼睛效果

期間每輪描畫之後都會俾客人望望

重覆描畫數次之後終於完成！馬上為客人敷上滲滿生理鹽水嘅綿花降溫降腫

即時完成眉妝效果都好自然，當然顏色深度視乎客人喜好，仲有預埋之後會退色

水魚嘅眼線完成後即時有D紅腫

全個過程由於有麻醉唔會感到痛楚，水魚表示就算麻醉過後只有灼熱感，之後感覺慢慢減退，而紅腫方便基本上5小時內可以完全消退（視乎個人係咪敏感皮膚），如果久久唔消腫可以搽上美妝師準備嘅舒緩膏

特別注意係兩星期內唔可以響該位置化妝，護膚程序都盡量迴避，做眼線之後都可以照樣戴con

可能大家會疑問咁同以前紋眉紋眼線有咩分別呢？馬上黎個PK賽！

不論安全性同自由度AMIEA持久化妝都較紋眉紋眼線優勝！

其實Vytal mei之前同Groupon合作過推出優惠，當時仍未了解持久化妝所以白白錯過左超筍價，還好得活動上得到八折優惠coupon，身為無眉道人嘅兔比媽都可以受惠~٩(๑❛ᴗ❛๑)۶

優惠時間！(๑✧◡✧๑) 只要6月30日前經 https://docs.google.com/spreadsheet/viewform?formkey=dGVPZXdPSEJPLUFvWlFid1hwemdqUWc6MQ 登記， 可享正價75折優惠！過後仍有8折，當然早登記係著數D！

Read More