瘋狂試鞋的樂透晚上。。。阿Sa的Retro Fun Mix & Match心得

一向唔係潮流達人嘅兔比難得上星期獲得PR小姐邀請出席Joy & Peace又一城新店活動，飽覽一系列靚鞋仲可以隨便試著隨便影相，實在太爽囉！(๑✧◡✧๑)

對Joy & Peace大家有印象嗎？如果話最近阿Sa嘅靚鞋廣告相信大家一定有印象吧！

著名鞋履品牌Joy & Peace自1995一直緊貼時尚品味，不斷搜羅多款時尚舒適鞋款，滿足女士出席不同場合需要，專業服務及產品質素一直深受歡迎，時至今日已有超過300 間分店遍佈香港、澳門及中國內地。

當晚品牌為我地介紹春夏新系列，仲安排左bingo遊戲，Bingo卡由數字換上新系列鞋履，邊玩邊睇靚鞋( •ॢ◡-ॢ)

最後由爪爪勝出，可以贏得$1000鞋劵，好羨慕喔~

Joy & Peace 2012春夏推出Retro Fun系列，大玩今季大熱復古元素，不過棄用沉實嘅大地色系，主打活力十足嘅鮮明色彩。今次特別搵黎潮流ICON蔡卓妍（阿Sa）攜手合作，演繹今季大熱復古風格。

系列以漆皮及光面皮物料為主，配合粗跟同Platform設計，加上鮮明鞋履輪廓及復古感強烈嘅啡色到橙黃色，重新演繹時尚懷舊氣息，而年輕女生只需襯上簡約Monotone或貼身衣服，就可輕易打造出復古Style。

粗跟設計鞋款時尚舒適，同時凸顯雙腿線條，阿Sa建議配襯pencil skirt或skinny jeans

阿Sa廣告硬照都有著哩類open toe高跟鞋，橙、紅、綠等色彩鮮明復古高跟鞋款，勢必成潮流大熱之選

漆皮唔一定要全隻鞋採用，黑色漆皮拼鮮色皮革蠻有玩味

其中一個注目鞋款係阿Sa廣告照中穿著嘅深橙黑色T字帶漆皮高跟鞋，潮味十足！

接落黎時間品牌安排大家自由挑選喜歡嘅鞋款試穿，仲有攝影師影snap shot~ 女生對鞋都係三心兩意，揀揀下揀到一地都係鞋，店員不單全無黑面，態度非常殷勤親切仲主動俾好多意見，叫我地隨便試，辛苦晒佢地啦！

大部份係高跟鞋款，但都有平底鞋選擇，同兔比一樣著唔慣高跟鞋嘅女生都有好多不錯選擇~ 哩款玫瑰花鞋鮮橙拼黑色花花夠晒突出，鞋底有軟墊著上去超舒服呢！

除左Retro Fun系列都仲有好多其他時尚鞋款

兔比蠻愛鮮色嘅riviera dreams系列，好有summer feel~

成熟穩陣配搭嘅Beige色鞋子

野性又sexy嘅蛇紋鞋款

兔比當晚都試左至少4-5對，抱歉只係單靠攝影師拍試穿，由於目前仲未收到相，手上一張試著相都無所以未能post出 ꒰⁎×﹏×⁎꒱՞༘

大家都一齊睇下阿Sa親身講講Mix & Match心得啦！

大會仲送左我地每人$1000鞋劵同bling bling USB呢~

咁多靚鞋款，搞到人家花多眼亂，仲未決定到買邊對好~ (⋈◍＞◡＜◍)

Categories: ● 時裝, ● 復古, ● 鞋, ● Joy Peace, ● Retro, ● Sa, 品味時尚, 活動分享