久違了的大考戰友。。。一餐飯時間教我「腦」力拼搏！

老媽從前好緊張兔比學業，總會監察住有冇偷懶，每逢測驗考試時間，一定會準備一兩打雞精響屋企看門口，俾兔比溫書溫到頭昏腦脹個時飲。自從上左高中佢就停止監察學業（大個女都知要努力讀書），兔比亦告別雞精轉投咖啡懷抱，自修室蝕書嘅日子至少每日飲兩杯先捱得過꒰⁎×﹏×⁎꒱՞༘✡

明明知道咖啡並非健康之選，但當時都不以為然，後來遇到自然療法教授，兔比被狠批體質差，乖乖聽話戒咖啡兩星期試試，精神的確好左，睇落相對容光煥發呢~ 需知咖啡同其他能量飲品都含咖啡因，刺激中樞神經系統，暫時舒解疲累，但未能真正針對氧化壓力問題，如果攝取過量會令情緒更加緊張，可以引致焦慮同失眠，長遠有損健康喔！

早前兔比應邀出席白蘭氏博客晚宴了解點對抗腦功能下降

又同闊別多時嘅舊戰友重逢~

兔比個舊戰友咪就係白蘭氏雞精囉！

入正題之前大會先同大家玩個記憶遊戲熱熱身

大家都知「游離基」會產生「氧化」反應令肌膚變差，唔講唔知「游離基」仲會影響埋腦部！一項由香港大學進行之調查發現本港白領超時工作情況嚴重，導致經常「斷片」亦係「游離基」作怪，令腦功能下降，工作不「給力」

為提升公眾對腦部健康關注，白蘭氏特別投放資源於2008年特別成立白蘭氏腦科學研究所，而今次活動請黎註冊營養師及博士級人馬講解因壓力而引致腦部之損害，分享最新科研成果同時提供腦部抗氧化良方。

註冊營養師陳國賓解釋「游離基」同抗氧化物兩者失衡產生氧化壓力(oxidative stress)，當氧化壓力過高，未能完全清除氧化代謝中產生嘅「游離基」，積聚嘅「游離基」會對細胞造成破壞。腦部為人體氧化代謝最活躍器官之一，靜止時氧氣使用率佔全身20%，但抗氧化能力都較其他器官差，所以較容易受到氧化壓力影響。要由根本真正解決腦部思維反應不暢順問題，就要攝取足夠抗氧化腦部營養 — 肌肽（Carnosine），對抗氧化壓力。

台灣抗老化保健學會理事長暨元培科技大學校長王銘富教授引述2012亞洲8大國家與地區腦功能(特別是認知功能)下降調查，指出台灣人與港人因缺乏「正確資訊」而未有採取任何措施延緩腦功能下降。

飲用含有Carnosine同ProBeptigen®嘅雞精可以保護神經，Carnosine屬於由兩種胺基酸組成（雙肽dipeptide）之蛋白肽(peptide)，主要負責清除游離基並抑制游離基對腦細胞造成傷害；ProBeptigen®同樣屬雙肽，研究顯示可透過補充血清素水平，改善記憶神經元活動能力，從而達至思維反應及記憶力提升

白蘭氏健康科學研究所及白蘭氏腦科學研究所高級科研專員曾暉博士分享最新科研成果

接住一輪搶答遊戲大送產品，可惜我地個檯無份耶

最後大家可以試試放響檯上嘅雞精，唔知點解成檯七個人得兩支，大家唯有分甘同味，一人一羮乾左佢~

老實講今次內容略嫌太學術太長，教授嘅講說不禁令兔比回想起大學嘅lecture =="．．．加上美食當前實在唔能夠咁長時間集中去聽呢~ 如果有下次的話可否以輕鬆一點形式present呢？

相信大家對雞精都有唔少疑問~ 雞精係利用高溫高壓技術由優質鮮雞提鍊嘅營養補充劑，含有豐富而易於被消化同吸收嘅蛋白質，雞肉內脂肪、膽固醇已被完全清除，而且成份天然，適量飲用唔會對身體有害或致肥。

曾經兔比都諗何解雞精會係深啡色呢？原來因為雞精成分天然，所以每次顏色都會有正常差異，為左令每樽顏色統一同美觀，會加入少量安全食用焦糖以均一色澤，但絕唔會影響功效。

另外雞屬於溫性食物就算日日飲用都唔會燥，臨床實驗仲証明連續2 星期，每朝飲用1 樽白蘭氏雞精，有效改善思維反應及記憶力~

有咁多科研實証，白蘭氏雞精自然份外可靠，當大家做野做到腦閉塞或者集中唔到精神嘅時候，都考慮放棄咖啡或其他提神飲品，試試改飲天然健康嘅雞精先再拼搏啦！

Categories: ● 白蘭氏, ● 肌肽, ● 抗氧化, ● 保健品, ● 游離基, ● 營養, ● 營養補充品, ● 雞精, 生活點滴, 飲飲食食