尋找“它香”的故事 (๑❛ᴗ❛๑)

香水真係一種奇妙嘅東西，不同氣味會分層慢慢散發出黎，噴上香水好似個人都寧舍有自信！  ٩꒰๑❛▿❛  ॢ̩꒱

不過香味真係好主觀，A覺得香時B可能覺得刺鼻難奈。曾經DKNY有款蘋果香水兔比好愛，但兔比佬就怕怕，自此哩款香水只留待見唔到隻佬個時用꒰⁎×﹏×⁎꒱ 再者市面上香水多如恆河沙數，要揾到自己所愛都非輕易，可能要試聞數十種先有心水。

早前響Glamabox活動中認識左Glamour Perfume & Fragrance，先知原來香水都可以度身訂造~ （太愚昧無知．．．）

上星期應Glamour Perfume & Fragrance Jessie之邀到K11揀香氛即場調配屬於自己嘅香水~

客人可以按心意揀選兩至三種Perfume Oil混和，當中有數十種花香、果香及其他香味選擇，所以絕對可以講有千變萬化嘅香氣組合

無咩主意嘅話店員都可以據個人喜好提出建議，而每種香味都可以先試聞一下

建議先揀花香中調，兔比自己比較偏愛香甜味，聞左一輪揀左清清地帶微甜嘅蜂蜜花（Melissa）（太濃烈花味會暈倒꒰ ×͈௰×͈̣ㆀ꒱՞），前調本想揀果味，但因為怕過份甜最後都聽Jessie建議揀甜豆子（Sweet Pea），兩種香味混和試試果然聞上去清甜唔over，最後貪心嘅兔比要求加埋爽身粉蘋果（Baby Powder Apple），總算如願有點果香味~

揀好左店員會直接將Perfume Oil倒入容具搖勻，當然香味比例都可以按心意控制~

Glamour Perfume Oil都係屬油性，香味維持到5-6個鐘，比一般香水仲持久，而且唔含有酒精成份唔會致敏，而顏色都係天然色素，任何膚質都適用，可以安心搽響皮膚~

兔比手上哩支只係sample size

Glamour Perfume有不同嘅香水容器選擇，除左噴樽裝仲有滾珠裝~

喜歡搽香水嘅朋友除左買現成之外有多個選擇囉~

Categories: ● 香水, ● 調配香水, ● Fragrance, ● Glamour Perfume, ● K11, 品味時尚