COFFRET D'OR打破春夏脫妝宿命！

春夏除左彩妝新品傾巢而出，連底妝品都有新力軍！兔比早前有幸收到Kanebo COFFRET D'OR最新春夏底妝系列兩件產品。

春夏又笠又熱好易溶妝，而COFFRET D'OR Silk F Pack UV （Last Keep）SPF22 PA++ 持久絲柔粉餅正正針對汗水油脂引致溶妝問題，打造持久妝容。

維持妝容持久秘密在於「雙重定妝成份」，「皮脂吸著成份」迅速追擊油脂，而「持續覆蓋毛孔成份」貼服於毛孔同肌理，對抗汗水油泌分泌，發揮長時間修飾毛孔功效。

持久絲柔粉餅全7色選擇，不同膚色女生都可以揾到最match顏色，連粉盒粉撲售價$370，價格都算合理~

金色粉盒已夠華麗，而且上面有lacy圖案，設計令人著迷！（兔比係lacy控喔~( •ॢ◡-ॢ)-♡）

隨粉盒附有嘅海綿粉撲軟綿綿富彈性，擦響肌膚觸感舒適

COFFRET D'OR Clear Cover Base UV 50 SPF 50 PA+++ 有高防曬保護夏日出外都冇有怕！٩(˙▿˙)۶

倒出前記得先搖勻

乳液質地極清爽，好易推開同肌膚融合

推勻後不留痕跡，令膚色明亮去暗黃又唔會偏白，而且肌膚摸上去滑溜，有輕微修飾毛孔同肌理效果，上粉自然更貼服持久~ 

配合附有海綿上粉，薄薄抹一層粉餅已經有不錯遮蓋能力（當然深如兔比嘅眼圈一定要用遮瑕膏啦！），令膚色均勻粉嫩，泛紅都唔見晒，鼻同下巴位毛孔比較粗大會用以按壓手法上粉，有助加強修飾毛孔效果

持久度方面令人相當滿意，大半日都感覺清爽不膩，經常泛油嘅T-zone油光明顯減少，補粉次數都唔駛咁密~ 有點不足係乾性皮膚用可能會有點乾（尤其做完療程後），兔比自己試過當日肌膚狀態唔好，上完base一抹粉已脫皮，上妝前保濕絕對要先做足！

Categories: ● 底妝, ● 春夏, ● base, ● COFFRET D'OR, ● kanebo, 產品試用