神仙水的驚世現身！她與他一同體驗5D奇蹟

美容界當中無人不識嘅經典產品非神仙水莫屬！一講神仙水大家都知係SK-II皇牌Facial Treatment Essence 護膚精華

有留意廣告嘅您都聽過Pitera™點驚世現身吧？源於科學家發現滿面皺紋嘅釀酒師伯伯，雙手仍然保持嫩滑，於是開始研究探索清酒當中到底有咩特別神奇成份

Pitera™其實係天然發酵過程中抽取嘅酵母培養液，再經過濾而成，含50多種天然成份包氨基酸、有機酸、礦物質及維他命，一滴一滴好珍貴咁提鍊出黎，而SK-II同Pitera™密不可分！SK-II每款產品連最幼嘅眼線筆都含有Pitera™護膚成份，今年仲推出全新男士神仙水

唔好睇神仙水係水狀質地，當中就蘊含超過90% Pitera™，可以調節肌膚回復理想更生週期

繼彩妝系列SK-II COLOR後再有機會出席「 BE X SK-II 100 bloggers見證神仙水5D奇蹟」活動（前文回顧：Pitera踩過界。。。SK-II COLOR美肌美妝兩者兼得（下篇）；Pitera踩過界。。。SK-II COLOR美肌美妝兩者兼得（上篇））

大會請黎忠實用家兼星級化妝師Omix B分享佢用神仙水嘅心得

雖然SK-II Men男士神仙水先剛剛推出，但阿B已經用左原有配方好多年，而且視為生活必需品！唔講唔知神仙水用途多多，佢習慣入落噴霧樽仔帶出去，當面部好笠同熱嘅時候噴噴然後以紙巾印乾，舒緩同印走面油，化左妝後都可以用令妝容無咁易溶；除左用化妝棉抹上，阿B都推介用手上神仙水，因為手有體溫可以幫忙吸收護膚成份

除左面部肌膚，可以滲滿神仙水嘅化妝棉敷響眼唇作重點修護，將雪凍嘅神仙水倒響化妝棉敷上浮腫眼睛，會有收緊嘅感覺

敷上嘴唇一兩分鐘可以將嘴唇軟化，比搽潤唇膏更快見效

好多明星成日工作捱更抵夜，皮膚缺水引致死皮積聚，令妝容唔貼服，阿B會將Clear Lotion倒響化妝棉抹走多餘角質層，可以見到化妝棉有灰灰黃黃

阿B分享佢曾經試過響沙灘工作曬傷手，由於當時手上只有神仙水，於是索性將神仙水噴上手上，即時為皮膚降溫之後亦無甩皮，佢好欣賞神仙水平衡水份同油脂分泌嘅功效

接住由SK-II Internal Trainer Bonnie老師即時示範為Model進行5D皮膚測試，測試包括細滑度、光澤度、緊緻度、白晢度及抗皺度5大肌膚範疇，大家都可以到任何SK-II專櫃測試一下

每個範疇有70分或以上為佳，完美肌要有5D先夠晶瑩剔透，而Model有3個D代表仲有進步空間

神仙水嘅神奇功效聽得多，可見滲透度極佳，為左証實真偽大會安排大家齊齊做個小實驗

將神仙水同純水同時滴上羊皮，神仙水明顯比純水更容易滲透~

大會安排左美容顧問為大家進行5D皮膚測試

特別介紹白色個支Facial Treatment Repair C，雖比較少出現於鏡頭前，但竟然係Eason嫂嘅愛用品，含4倍Pitera™啫喱狀精華，全面連眼唇都可以用，主持人話當肌膚缺水同重要場合前務必要用，乾紋仔會速速隱形！

質地好水潤，延伸性強，一泵已經可以搽晒成隻手背，摸落又嫩又滑~

在場女士們都收到貨裝神仙水、Clear Lotion及Facial Treatment Mask

仲有一套 SK-II Men Starter Kit，令身邊男士都可以感受神仙水嘅奇蹟

當晚馬上開始兔比嘅SK-II奇蹟體驗！潔面後將Clear Lotion倒落化妝棉由內而外抹走肌膚老化角質作第二重潔淨，將神仙水倒響稍稍搓暖嘅掌心，輕輕拍打全面連頸至吸收（眼周都可以用），然後敷上Facial Treatment Mask 15分鐘

面膜精華量好充足，拎上手份量十足

包裝都有蠻多精華剩餘，可以搽上嘴唇同手腳，Pitera™咁珍貴當然唔好浪費！

Facial Treatment Mask質地較厚，剪裁不過不失，貼面度都唔錯但仍有改善空間

取下面膜面上仍殘留好多精華，輕輕按摩吸收，再以滲滿神仙水嘅化妝棉抹淨即可搽上面霜，切記敷Facial Treatment Mask前都要用神仙水打底加強吸收喔！

面膜唔單止提升水份，仲令肌膚變得更剔透

不過連續用左SK-II三款產品短短4日，肌膚已變得飽滿富光澤感，似加左柔焦效果呢~ （痘痘可是麥麥雞惹嘅禍꒰⁎×﹏×⁎꒱）乾巴巴爆嘴唇都有敷過神仙水，感覺到飽滿左淡化左唇紋

晶瑩剔透嘅美肌奇蹟唔駛求神，有神仙水就有可能~ 希望下次做皮膚測試兔比可以有5D啦！

如果您都想體驗神仙水嘅奇蹟，就千祈唔好錯過買一送一生日優惠！只要年齡介符20-30歲，響七八月期間到SK-II專櫃或概念店買任何容量神仙水（不論原有配方或男士配方），就可以於生日月份獲贈多一支75ml神仙水啦！

Categories: ● 神仙水, ● 精華, ● Essence, ● Pitera, ● SKII, 活動分享