美肌重塑(下篇)。。。美肌靠電流？！

繼上次初到Marsha Medical進行D Formule活力醒膚療程及Cryo冰極注養修復療程（美肌重塑(上篇)。。。美肌靠冰鎮？！），兔比當然繼續進行「美肌重塑」！

今次進行第三環節RF 膠原重組緊膚療程，利用電流通過肌膚產生電阻效應，達至加熱真皮層令骨膠原構造扭緊，即時提升及收緊肌膚，而且加熱加速養份輸送，促進淋巴循環，激活新陳代謝

整個療程會用上哩部RF射頻機，面部只會用到其中一兩個頭

潔面後搽上專用射頻膏，為比較出效果，治療師先為兔比做右半面

由於哩部RF機需要通電，治療師俾一塊分屬板兔比墊住腰，凍冰冰金屬同身體直接接觸初初真係有點難受＞＜

治療師用微熱機頭往面上不停按摩，力度掌握得蠻不錯，無痛之餘真係幾舒服呢~

治療師遞上鏡子俾兔比睇睇，完成嘅右半面同未處理嘅左半面比較，明顯有提昇緊緻效果，有包包面同水腫嘅朋友效果會比皮包骨嘅兔比更加明顯！

兩邊面合共按摩大概15分鐘，治療師會跟據客人左右兩邊大細面情況作時間調整，務求令完成後左右兩邊面大小一致~ 一次療程後嘅提昇效果大概可維持兩日，要長時間改善一定要持續進行療程好一段時間

抹走射頻膏再搽上防曬就大功告成！全個療程所需時間約45分鐘，只不過一個lunch time時間

據治療師所講哩個療程冇保濕作用，亦唔會令皮膚變乾或令痘痘加劇，不過保濕係好肌膚嘅關鍵，不妨敷敷mask補一補~

除左睇網上資料外，兩次黎臨分店職員都無為兔比先作諮詢同簡介，而且連表格都無需填寫，一到達就已經入療程房準備，完成後亦無交代清楚，客人對療程程序同需注意地方都認識不多，感覺並唔完善，哩點有待改進吧~

有興趣進一步了解「美肌重塑」療程詳情，可到 http://marsha.com.hk/landing/skin/index.php 

Categories: ● 修復, ● 瑪沙, ● 醫美, ● Marsha Medical, 愛美體驗