迷戀至fresh花花世界。。。玫瑰玫瑰我愛死你~ ~ Tobit 兔比 ♥ Blog this way

一向對玫瑰香味嘅產品特別喜愛，特別係一日辛勞過後敷個玫瑰面膜，既呵護肌膚又可放鬆心情，絕對係一石二鳥嘅享受！兔比近期新寵係fresh皇牌玫瑰保濕面膜（ROSE FACE MASK），啫喱配方注入純正玫瑰花，揉合高效鎮靜成分，高效補水及改善肌膚暗啞，仲可以減輕紅腫敏感問題

話說早前收到邀請參與fresh活動，令兔比初次走進fresh專櫃認識佢地嘅好物，實在有相逢恨晚之感༼✷ɷ✷༽

fresh新專櫃位於全新面貌嘅金鐘廊LAB CONCEPT，感覺跟早年兔比經常逛嘅格局截然不同，beauty counter多左集中左仲更開揚，但兔比遠遠已經被fresh專櫃吸引左視線，擺放住一束束鮮花，感覺份外優雅~

活動未正式開始四圍探索下產品，BA小姐都非常耐心介紹品牌皇牌產品

其中推介哩款黑茶瞬間修護面膜（BLACK TEA INSTANT PERFECTING MASK），主要成分為黑茶及荔枝籽萃取物，質地竟然似薯蓉呢？！

提供高效緊緻提升效果，令肌膚即時變得柔軟順滑，單單試搽於手背一兩分鐘抹走，肌膚立時變飽滿嫩滑呢~

另一推介玫瑰保濕啫喱霜（ROSE HYDRATING GEL CREAM），主要成分為純正玫瑰水、玫瑰花精華油及荷荷巴油，有效舒緩及滋養肌膚，紫球藻調節肌膚水分，白芷葉萃取有效助長膠原蛋白；集改善補水效能、長效保濕及保護肌膚效能，適合所有膚質使用

品牌好貼心為大家安排左飲品同精緻小食，為食嘅兔比當然唔會客氣XD

由品牌PR小姐Lesley率先介紹fresh兩大新產品意大利白泥控油淨肌精華（UMBRIAN CLAY MATTIFYING SERUM）及黃糖潤色護唇膏(珊瑚橙紅) （SUGAR CORAL TINTED LIP TREATMENT SPF 15）

意大利白泥控油淨肌精華（UMBRIAN CLAY MATTIFYING SERUM），以Fresh®專利Umbrian Clay®意大利白泥為主要成分，白泥原來蘊含豐富礦物質可中和肌膚酸鹼度（肌膚酸性過高會引起粉刺及令膚色暗啞），有助肌膚排走毒素，揉合薑根萃取﹑肉桂樹皮萃取、地榆根萃取及繡線菊精華，有效改善毛孔粗大、油脂分泌過盛問題，同時有保濕舒緩功效

酷愛旅遊嘅創辦人夫婦於暢遊熱帶小島巴哈馬時得到啟發，創造左熱情澎湃、充滿活力嘅黃糖潤色護唇膏(珊瑚橙紅)（SUGAR CORAL TINTED LIP TREATMENT），具滋養、修復及保護嘴唇功效，配方含天然補濕黃糖，防止水分流失，揉合精油、蜜蠟及抗氧化維他命可軟化雙唇，加上SPF 15防曬度保護雙唇免受UVA/UVB侵害，防止唇紋形成