發表文章
早前Giorgio Armani活動中得到修眉券，相約定水魚一齊去Element專門店修眉。雖然不同BA，態度同樣親切，仲教兔比點畫眉。修眉前左右粗幼形態不一，修眉後兩邊眉形一致而且加強線條感。之後水魚帶路行去佐敦揾食，一講開佐敦兔比忽然諗起之前成日出現響飲食誌嘅燒龍蝦，無奈一直冇去試過，好彩有水魚做導遊~行左一陣決定入「龍蝦燒」試試~無聊拍XD 薄施脂粉嘅水魚唔肯出鏡以機遮面招牌燒龍蝦，分$38、$48、$68唔同價錢游水龍蝦，醬汁有蒜蓉、牛油芝士，可加芒果粒。我地order左芒果芝士同芒果蒜蓉龍蝦各一。本來話全部龍蝦已經賣晒，好彩最尾唔邊度跑出多兩隻，如果唔係多少都約有所失。實物上檯比想像仲細一點，半隻兩啖已KO。燒完都保持到好多肉汁，鮮味十足，肉質爽口，一邊食一邊讚好。蒜蓉燒好惹味，但牛油芝士同龍蝦鮮甜味似乎仲夾，反而芒果肉太少食唔出。扇貝size唔算細，加蒜蓉燒好match，同樣超鮮味~炸墨魚咀食得多，燒都係好似第一次食。大大粒脹卜卜，比起炸到亁晒好食得多！燒菠蘿好鮮甜好多汁，食完好開胃！鵝肝多士下層係蒜蓉包，上層鵝肝煎到外層有點脆口，口感唔會油膩。燒煙肉蕃茄係perfect...
