賞櫻去！無需越洋都可感受的Sakura Kiss~♥

三四月本來係櫻花盛放嘅好季節，偏偏哩個時候日本發生空前地震海嘯大災難加上核危機，短期內應該都唔會踏足哩個櫻花國

以下相片係上年四月去東京影，地點係新宿御苑，真係好懷念哩個好地方同遇過嘅好人

希望日本危機早日解除，受災嘅人都重新振作，好好生活

雖然除左日本仲有其他地方都可以賞櫻，不過始終唔能夠同日本相比，兔比都冇大興趣。冇去賞櫻都想用一用櫻花味東東，食又好搽又好，只係一種心癮吧~咁啱早前收到PR送黎嘅Watsons全新個人護理系列 ─ 櫻花甜心系列潔手液同身體去角質霜

唔好以為佢地得個樣，全部都蘊含日本櫻花萃取，質地清爽柔嫩，能有效保濕及滋潤肌膚。用完成身散發櫻花香味，氣味清新怡人有助舒緩壓力，絕唔會過份濃烈，相信大多數人都唔會抗拒

櫻花甜心身體去角質霜 ( SakuraBella Body Scrub )

更含胡桃穀磨砂顆粒，能有效去除老化角質，助肌膚回復柔嫩潤澤

雖以霜為名，估唔到佢質地非常液態，同lotion差唔多，一唔留神就倒多左。磨砂粒子頗多，響肌膚上輕輕打圈幾舒服，絕對唔會對肌膚造成刺激同傷害

沖沖水就輕易洗走，而且不留黏笠感覺，試上手臂有用個邊手摸上去比冇用個邊更爽更柔滑，效果不俗！推介！

櫻花甜心潔手液 ( SakuraBella Hand Wash )

潔手液每日都用幾次，點都要對自己好D用隻好野，隻味一定要好聞，最重要係唔可以洗走晒肌膚水份，而哩款就合乎晒要求啦~ 兔比對乾裂手洗完都唔覺乾爭爭

成個系列包括有沐浴露、護手潤膚乳、身體去角質霜、潔手液同旅行套裝。如果有興趣可以先買旅行套裝試試，一包有齊身體去角質霜、沐浴露同護手潤膚乳，不過盛惠$25.9，抵買之選是也~

Categories: ● 日本, ● 去角質, ● 櫻花, ● 櫻花甜心, ● sakura, ● Watsons, 產品試用