終於識得裝假狗啦！CANMAKE假睫毛教學全紀錄 ~ Tobit 兔比 ♥ Blog this way

見大家好多時都黐假毛，變成娃娃大眼睛，兔比真係好鬼羨慕！＞＜雖然都睇過唔少教學片，以為自己都搞得掂，但一到自己動手都硬係失敗收場（手殘

），一時貼得太開一時又黐唔哂成條。兔比以為自己永世都學唔識之際，竟然出現曙光！就係

CANMAKE啦！

早前透過卡文（當然係CANMAKE卡文啦！）報左CANMAKE免費化妝班，估唔到第一次報名就被抽中，好好運~

化妝班主題係“日式假眼睫毛”，岩哂兔比哩類從來都未成功過嘅低手~

當晚就殺上CANMAKE位於旺角嘅門市，有齊唔同類型產品display同出售，仲有個教室不時會搞唔同主題化妝班。

之前睇其他blogger分享已經覺得個場地好正，果然係十足明星用化妝間（發明星夢？白痴！）如果屋企可以容納到一張咁嘅化妝檯就好~ 超欣賞旁邊個塊可以自由調較角度同位置嘅圓鏡，極方便畫眼妝而且燈光足夠。CANMAKE仲為大家準備左飲品同乾糧，照顧收工後捱住肚餓匆匆趕黎嘅各位。

 教學開始啦！導師Elly爲model化半邊面全妝以作比較。先用Cover & Stretch Concealer UV遮蓋眼底，留意需包括眼尾三角位，為免遮蓋後眼圈位唔自然，於色素較深位置再搽數次Concealer ，範圍遂漸收細。每次搽上Concealer以無名指輕輕印邊緣，唔好用力推。其他面上遮瑕好似印仔、鼻翼同咀角等都同樣以Concealer遮蓋。

用化妝掃上2-way cake避免底妝厚重同令遮瑕步驟唔會付諸流水，取粉個陣輕拍2-way cake再輕拍上面就夠。

如果堅持要用附帶海綿都建議用輕印手法取粉同上面，先可以令肌膚展現自然光澤。

 上眼蓋用閃爍感Liquid shadow & base打亮，加強立體感。

輕輕剔起眼皮用Perfect Black Eyeliner打平畫上眼線（不用非常工整），打平畫比起垂直用尖尖畫穩陣唔易畫出界~

之後再用掃稍稍blend鬆，上眼線作用係隱藏假睫毛梗。

以睫毛夾將真睫毛夾至捲曲，秘訣係將睫毛夾貼住整排睫毛根部，位置岩再以手指稍稍拉住起眼皮至睫毛微微曉起先夾住睫毛，由根部開始夾然後分幾次逐漸夾到睫毛尾。如果本身睫毛太軟夾唔翹，要先搽D Curl Styling Base打底先可以夾翹睫毛，夾翹後先搽上GOKUBUTO Mascara。

唔需要修剪長度，直接將每條假睫毛剪開4等份，剪個時將假睫毛平放檯面，以手輕輕按住假毛個端，梗個端會稍稍離開檯面，就可以將鉸剪伸入將佢剪開4等份，只需剪斷條梗唔好剪埋d假毛。點解要剪開4份黎黐，唔直接一次過黐上？因為一次過黐上假睫毛都係向前是而唔係向上曉，而分幾次段咁黐可以好自然咁fit返自己眼嘅弧度同保持假睫毛向上曉，達到放大眼睛效果，Elly話除非係好誇張款式，其他假睫毛都建議分幾段黐上。

 將適量膠水擠響手背，以揸筷子手法揸住眉鉗(記得CANMAKE logo向上)夾住假睫毛中央位，再將假睫毛梗沾上膠水。