肌膚置之死地而後生？！

好開心有機會試飲早前四處放火嘅大人氣美肌飲Chocola BB！仲一試試足一個月，可以真真正正試清楚功效~

1990年推出以來，Chocola BB一直廣受日本女性支持。2010年Trenders Inc. 美肌飲品意見調査中排名第一位，力壓其他美肌飲品位列知名度No.1。另外，響品牌形象調查中，Chocola BB Drink Series分別於知名度、人気度、可信度及有效性9個項目中獲選為No.1！銷量每年都持續上升，2009年銷量突破2千萬支，響日本廣受歡迎。

食用份量 : 50毫升

配料：水，甜味劑（赤蘚糖醇），酸度調節劑（檸檬酸），嫩白薏米精華，酸度調節劑（DL-蘋果酸），煙酰胺，防腐劑（山梨酸鉀），鹽酸維他命B6，酸度調節劑（檸檬酸鈉類），維他命B2磷酸鈉，甜味劑（乙酰磺胺酸鉀），硝酸維他命B1，甜味劑（三氯半乳蔗糖），抗氧化劑（丙基棓酸鹽），乙醇，香料

Nutrition Facts（營養表示）／per serving（每食用份量）：

Energy（能量） 0kcal（千卡）

Protein（蛋白質） 0g（克）

Total fat（總脂肪） 0g（克）

Saturated fat（飽和脂肪） 0g（克）

Trans fat（反式脂肪） 0g（克）

Carbohydrates（碳水化合物） 2.3g（克）

Sugars（糖） 2g（克）

Sodium（鈉） 4mg（毫克）

Vitamin B1 Nitrate（硝酸維他命B1） 5mg（毫克）

Vitamin B2 Sodium Phosphate（維他命B2 磷酸鈉）  20mg（毫克）

Vitamin B6 Hydrochloride （鹽酸維他命B6） 25mg（毫克）

Nicotinamide（煙酰胺） 30mg（毫克）

維他命B於體內肩負著重要責任，包括維持新陳代謝、保持神經線同皮膚健康等，其中維他命B2可將體內脂肪燃燒成能量，持續攝取足夠維他命B2，有效燃燒體內囤積脂肪。由於維他命B會由尿液中排走，唔可以儲於人體，日常飲食中一定要攝取充足份量呀！

Chocola BB 主要成分係容易被人體吸收嘅活性維他命B2，有效促進肌膚新陳代謝，令細胞持續更生，保持健康美麗。建議配合28日肌膚細胞更生週期一天飲一支，如持續飲用更可達致更佳效果。

講到咁厲害到底係咪飲完就變左BB Skin先？

兔比試飲足足一個月，宜家就為大家解開哩個謎！

兔比每晚淋訓前飲，由於冇咖啡因所以完全唔駛擔心會失眠，照樣可以大覺訓~仲有0卡路里唔怕致肥

顏色係耀目嘅檸檬黃，入口有點似左果汁味嘅藥水，講唔上好飲不過算易入口，兔比就唔多喜歡，每次都係一次過倒入口就吞，不過口味哩家野好主觀吧~

每次飲完之後小便會變得好黃，哩個係正常現象，由於維他命B2有釋放黃色色素特質，當身體吸收左Chocola BB所含維他命B2之後，其中部分會經尿液排出，幾個鐘後就會回復正常。

飲左一盒（即係10支）左右，暗瘡接連出現，明顯比平日爆生理痘痘多，石頭瘡同有膿頭嘅都有，集中哂響下巴同鼻位，大概維持爛面一兩星期。之前睇過有blogger話飲左防止埋唇瘡爆發，但兔比就偏偏響試飲第二盒個時爆發唇瘡

已經有幾年冇復發過，未能考究到底係巧合定真係有影響。

  

毛孔無點收細過，肌膚幼滑度都差唔多，油脂分泌都未見減少，不過可能新陳代謝加快痘印退得快左~

飲左一個月未見有大改善，效果可能因人而異，但兔比應該都唔會自淘腰包繼續買黎飲，爛面同爛咀已經留下陰影。

Categories: ● 更生週期, ● 美肌飲, ● 維他命B, ● Chocola BB, 產品試用