發表文章
久詳了食文，I am back！今次同大家分享一份一式一樣但兔比一食再食都唔厭嘅茶餐~
嘩！排咁長龍有咩好野食先？
哩間就係熱爆Openrice位於佐敦嘅澳洲牛奶公司（澳牛），佢地有個特色就係咩都要快！快手要落order，快手上餐，快手埋單，符合晒香港人急速生活步伐~XD 可能有人會覺得好似催命咁食得好辛苦，不過兔比就無咩所謂，反正食得茶餐廳就預左快食快走~因為快食快走所以就算排長龍都唔洗等好耐就有位，如果一至兩位基本上唔洗等tim~
全日只賣3個餐（當然可以散嗌其他野啦！），早餐由開店賣到12:00，茶餐由12:00開始賣到23:00，快餐全日供應，次次去兔比都會order茶餐，因為可以一次過試勻牛油多士同招牌炒滑蛋（煎蛋轉炒蛋）。
多士入面鬆軟，外面脆脆，牛油都滲透晒入方包，上左檯要快趣食，凍左唔脆就嘥料啦~炒蛋滑滑嫩又香噴噴，真係好想知到底有咩秘方炒出咁正嘅滑蛋
叉燒湯意粉可轉湯通粉，食起黎方便D ma~ 不過我覺得哩個水準一般，無咩特別。
餐飲至愛凍檸茶，茶味唔澀，糖水份量較得岩岩好。試左熱奶茶都唔差，夠滑夠香～
兔比大愛食澳牛，之前特登帶埋兔比佬去食，但佢就覺得普通，始終大家口味都各有不同。不過提提大家去得搵食唔好要求一流服務，否則您會好失望呢~
0 留言:
張貼留言