私之變「髮」術。。。無傷害芒果染髮＋新奇變「髮」小玩意

上回兔比剪左個靚頭（前文回顧：星級Salon用心施「髮」），冇幾耐又身痕想轉埋個髮色XP 其實對一次染已經係年頭，黑髮都已經生左好一時間，而且之前隻色又甩得八八九九，睇黎都係時候染染囉~

時間岩岩好！收到 Revlon Colorsilk Luminista

ColorSilk Luminista 配方專為深色髮絲而設，不含阿摩尼亞成份，性質溫和，唔刺激皮膚又唔傷髮質，仲添加左絲質芒果油令髮質柔順光澤。獨特修護秀髮配方深入滲透髮絲，染髮同時修護，附有嘅絲質芒果油修護素滋潤髮絲又鎖緊髮色。100﹪遮蓋白髮，染白髮人士都可以告別呆板髮色

一盒包括乳霜混合瓶、染髮液、絲質芒果油修護素同膠手套，當然唔少得說明書

DIY染髮只係簡單咁將染髮液倒入乳霜混合瓶

扭埋樽蓋將兩者shake勻（令人不其然諗起shake shake薯條耶~ 又掛住食 XD），然後就可以搽上頭髮停留25分鐘，沖乾淨最後再搽絲質芒果油修護素，停留2分鐘後沖走就完成。

有點不足係無附有染髮梳同披肩，兔比另外揾個刷幫幫手上近髮根位，比直接用手搽企理得多

沖走染髮劑之後髪絲變得粗糙難梳，本來超級擔心！點知用完絲質芒果油修護素竟然出現奇蹟！髮絲變得又順又滑，比之前更好梳~ 呵呵！夠晒驚喜

兔比所用嘅係125 Bronze Brown，顏色比參考圖更深黑，屬於比較低調嘅色調，上班族岩晒~ 白髮都可以成功隱藏耶！

染髮劑氣味果然唔難聞刺鼻，但個人覺得唔叫好聞，反而絲質芒果油修護素有濃濃芒果香，用完成頭香噴噴~

尋日行開上環市政大樓附近發現左一間賣髮飾嘅小舖，裝潢並唔吸引，不過東東好抵買，好多髮圈髮夾頭箍$2有交易，當中有兔比好耐之前教學文用嘅Kawaii棉花糖髮圈（前文回顧：㗎妹最愛包包頭必勝秘技大公開 (附教學片)），而螺旋形髮夾無記錯都係$3兩隻。兔比敗左電話線髮圈同哩個 Hairagami

佢能倔能伸，可啪直又可以啪彎，方便捲成髮髻

除左髮髻仲可以有幾種變「髮」

初試先將上半部頭髮用 Hairagami 捲成髮髻，下半部紮成馬尾，然後稍稍拉開Hairagami包圍馬尾，簡易完成 Bun Tail！

又新奇又好玩都只係廿蚊雞，抵~

Categories: ● 染髮, ● 美髮, ● 開架, ● 露華濃, ● Bun Tail, ● ColorSilk, ● Hairagami, ● Luminista, ● revlon, 生活點滴, 產品試用