肌膚飲水時間。。。來自海洋的睡寶貝 + 最強舒緩保濕 5合1

剛剛過左中秋又係轉季時候，天氣轉涼又開始變乾燥，容易抽走肌膚水分，緊記做好補濕 ，為肌底打好底子，今回一次過介紹大家兩款兔比心水保濕品~

最近以 F&B Club Bloggers 身份試用左~H2O+ Night Oasis Overnight Moisture Lock 8杯水晚間營養水面膜，入秋轉季時節最岩用！

蘊含海藻保濕精華、冰山翠湖藍藻、墨角藻同維他命粒子ACE，採用革命性「循環推拉程式」，成晚持續保存水份，同時淨化、排毒

含白色粒子嘅藍色凝膠面膜，聞落有好清新海洋氣味~

每晚臨訓前於面上搽上就可以，唔駛抹走或沖洗，搽完唔駛等就可以大覺訓，大忙人同懶人再無籍口唔敷mask~ 當然都可以當普通gel mask咁敷5-10分鐘再洗走

輕輕按摩白色維他命粒子會慢慢溶解，等一下已經開始被吸收，用手沾沾唔覺黏笠笠，好似響肌膚表面形成左一層保濕膜咁，點反訓都唔怕整污糟枕頭同被啦！

兔比訓覺至愛側訓，第朝起身肌膚表面仍然有層保濕膜耶~ 連續用左幾晚皮膚變得較水凝飽滿而且有光澤，油脂分泌都大大減少！

除左晚安面膜，特別推介兔比由夏天用到宜家嘅 Dr.Ci:Labo Aqua-Collagen-Gel ALOE COOL

前排皮膚狀態唔穩定，痘痘爆發整整一個月唔停，所用產品都要特別揀選過，而哩款正正岩用，有舒緩鎮靜作用而且成份天然，清爽又保濕，宜家入秋兔比都繼續用

添加蘆薈及9種美膚成分，達到修護、保濕穩定肌膚狀態作用

主要成份包括：
蘆薈 ﹣鎮定、消炎
甘草酸2K ﹣抗過敏、消炎
白金海洋膠原 ﹣保濕
APPS ﹣美白

一瓶足以取代化妝水、精華、乳液同makeup base，換言之洗面後直接搽佢就完成護膚程序，絕對係懶人首選~

早排太陽猛烈兔比要經常戶外工作，將佢放入雪櫃備用，搽個時透心涼，即時幫日曬完肌膚降溫同舒緩！

貼心附有小膠捧，為免污染未用嘅份量唔好直接用手沾產品啦！

想知道保濕效果如何吧？用兔比隻乾燥手試俾您睇

輕輕按摩感覺即時為肌膚解渴，只係滲透速度比想像中慢，但可以接受，而且吸收晒之後肌膚係爽而不笠！同無搽嘅另一隻手背比較觸感明顯滑溜~

絕對推介俾暗瘡同敏感肌膚用！

Categories: ● 保濕, ● 面膜, ● 睡眠面膜, ● 蘆薈, ● Aqua Collagen Gel ALOE COOL, ● Dr Ci Labo, ● H2O, ● Night Oasis, ● Sleep Mask, ● sleeping mask, 產品試用