兔比筆下的印象派 + agnes b.悠閒High Tea。。。富藝術氣息下午@K11

自問個人無咩藝術感，不論美術音樂都係無sense，不過偏偏同予人藝術感覺嘅K11算有點緣，之前曾經出席過兩次K11活動（前文回顧：與blog友們一同享受的甜品盛宴 @ K11；水魚披嫁衣裳。。。兔比送上嘔心瀝血之作），難得周末兔比唔駛返工，再次經水魚串針引線有份參與Klub 11: French Impressionism活動，過一個悠然下午~ 雖然水魚最終無現身，好在有magmag同TaTa相伴，唔止不愁寂寞仲笑料不絕 XD

起初只知係參加一個X’mas Postcard Workshop，原來係以印象派為主題，以油彩創作一張獨一無二嘅postcard。

每人獲發一張無顏色嘅postcard，先要響上面起稿然後上色，兔比無咩美術細胞可言，所以當知道要畫畫不禁滴汗（以為只係簡簡單單剪下貼下．．．），望住張卡發呆左好一陣子．．．

有導師簡單示範上色，不過畫成點完全係睇個人做化

經過一輪冥想終於有點頭緒，開始龜速畫呀畫呀．．．

大作完成！女士嘅裙比較有心機，由於時間關係其他都係草草了事，不過兔比堅持要幫女士搽上一個烈焰紅唇，咁先feel ma~ 畫功有限被magmag同TaTa笑指係下垂咀，咁有印象貼晒印象派主題 XD

完成嘔心瀝血之作當然食返D好野慰勞下 大會包左全間agnes b. cafe俾大家嘆下午茶，實在太興奮~ agnes b.係兔比大愛嘅brand！

每人可選一份三文治或沙律、飲品同兩件甜品

但每件都咁吸引實在揸唔定主意，件件都想試下（邊有咁大個胃呀？！）

最後點左疏菜三文治、creme brulee、Chloe榛子朱古力蛋糕同Ophelie檸檬批

疏菜三文治烤到外面脆卜卜，而且五顏六色特別食得開胃，絕對要趁熱食！

跟TaTa同magmag都點左creme brulee，唔知點解兔比個杯面頭個b字特別樣衰，大家狂笑哩個係痘皮b~

今次響云云佳麗之中揀左Chloe榛子朱古力蛋糕同Ophelie檸檬批^^ Chloe有淡淡榛子朱古力味，中層口感軟軟滑滑加埋朱古力脆脆餅底，一次過滿足兩個願望~ Ophelie檸檬批除左有檸檬香仲吉士味同creamy口感，不過略嫌過甜，都係少食多滋味。迎接聖誕mini cake扮相加添聖誕氣氛，換上天使同聖誕花裝飾，不過都及唔上薑餅仔應節

在此預祝大家有一個快樂聖誕！Merry Christmas~ 

Categories: ● 印象派, ● 甜品, ● 畫畫, ● agnes b, ● High Tea, ● K11, 活動分享